ຂ່າວຫຼ້າສຸດ

ນາຍົກລັດຖະມົນຕີ​ຈີນ ຊຸກຍູ້​ການ​ຄ້າ​ກັບ​ຣັດ​ເຊຍ

170 21 ມ.ນ. 2019 ຂ່າວຕ່າງປະເທດ
ນາຍົກລັດຖະມົນຕີ​ຈີນ ຊຸກຍູ້​ການ​ຄ້າ​ກັບ​ຣັດ​ເຊຍ

    ຂ່າວສານ​ຊິນ​ຮວາ ລາຍ​ງານ​ວ່າ ວັນ​ທີ 15 ມີນາ​ນີ້ ທ່ານ ຫຼີ​ເຄີ້​ສຽງ ນາຍົກລັດຖະມົນຕີ​ຈີນ ກ່າວ​ໃນ​ຂະນະ​ທີ່​ໃຫ້​ສຳພາດ​ຕໍ່​ນັກ​ຂ່າວ​ຈີນ ແລະ​ ຕ່າງປະເທດ ວ່າ​ມູນ​ຄ່າ​ການ​ຄ້າ​ລະຫວ່າງ​ຈີນ-ຣັດ​ເຊຍ ໄດ້​ບັນລຸ​ຫຼາຍ​ກວ່າ 100 ຕື້​ໂດ​ລາ​ສະຫະລັດ ໃນ​ປີ 2018 ເຖິງ​ວ່າຄວາມ​ເຕີບ​ໂຕ​ທາງ​ດ້ານ​ການ​ຄ້າ​ທົ່ວ​ໂລກ​ຫຼຸດ​ລົງ​ກໍ​ຕາມ.

    ທ່ານ ຫຼີ​ເຄີ້​ສຽງ ກ່າວ​ຕື່ມ​ວ່າ ການ​ຮ່ວມ​ມື​ລະຫວ່າງ​ຈີນ-ຣັດ​ເຊຍ ໄດ້​ມີ​ຄວາມ​ສາມາດ​ບົ່ມ​ຊ້ອນ​ທີ່​ໃຫຍ່​ຫຼວງ ພ້ອມ​ກັນ​ນັ້ນ ທ່ານ​ກໍ​ໄດ້​ສົ່ງເສີມ​ໃຫ້​ສອງ​ຝ່າຍ​ເປີດ​ກວ້າງ​ຂົງເຂດ​ການ​ຮ່ວມ​ມື ຊຸກຍູ້​ການ​ສ້າງ​ໂຄງການ​ໃຫຍ່ ແລະ ​ການ​ຄ້າ​ສິນຄ້າ​ລາຍ​ໃຫຍ່ ທັງ​ຊຸກຍູ້​ວິ​ສາ​ຫະ​ກິດ​ຂະໜາດ​ນ້ອຍ ຊຶ່ງ​ລວມ​ທັງ​ການ​ຮ່ວມ​ມື​ດ້ານ​ການ​ຄ້າ​ເອ​ເລັກ​ໂຕຣ​ນິກ.

    ໃນ​ຂະນະ​ດຽວ​ກັນ ສອງ​ຝ່າຍ ຈີນ ແລະ ຣັດ​ເຊຍ ກໍ​ສາມາດ​ດຳເນີນ​ການ​ຮ່ວມ​ມື​ໃນ​ຂົງເຂດ​ການບິນ ແລະ ການບິນ​ອະວະກາດ ທັງ​ສາມາດ​ດຳເນີນ​ການ​ແລກປ່ຽນ​ການ​ໄປມາຫາສູ່​ກັນ​ລະຫວ່າງ​ປະຊາຊົນ​ທ້ອງຖິ່ນ​ຂອງ​ສອງ​ປະເທດ ປັບປຸງ​ໝາກຜົນ​ທີ່​ໄດ້​ຮັບ​ໃນ​ດ້ານ​ເສດຖະກິດ-ການ​ຄ້າ​ລະຫວ່າງ​ສອງ​ຝ່າຍ ໃຫ້​ບັນລຸ​ມູນ​ຄ່າ​ຫຼາຍ​ກວ່າ 100 ຕື້​ໂດ​ລາ​ສະຫະລັດ ແລະ ສຸມ​ທຸກ​ຄວາມ​ພະຍາຍາມ​ກ້າວ​ເດີນ​ໄປ​ໜ້າ ເພື່ອ​ບັນລຸ​ເປົ້າ​ໝາຍ​ມູນ​ຄ່າ​ການ​ຄ້າ​ເພີ່ມ​ຂຶ້ນ​ໜຶ່ງ​ເທົ່າ​ຕົວ.

ຂ່າວທີ່ກ່ຽວຂ້ອງ