ອັງກິດ​ເປີດ​ກວ້າງ​ເຂດ​ຫ້າມ​ອຸປະກອນ​ການບິນ​ແບບ​ບໍ່​ມີ​ຄົນ​ຂັບ

108 21 ມີ.ນ. 2019 ຂ່າວຕ່າງປະເທດ
ອັງກິດ​ເປີດ​ກວ້າງ​ເຂດ​ຫ້າມ​ອຸປະກອນ​ການບິນ​ແບບ​ບໍ່​ມີ​ຄົນ​ຂັບ

    ເພື່ອ​ຮັບ​ມື​ກັບ​ການ​ທີ່​ອຸປະກອນ​ການບິນ​ແບບ​ບໍ່​ມີ​ຄົນ​ຂັບ ປະກົດ​ຕົວ​ຢູ່​ອ້ອມແອ້ມ​ສະໜາມ​ບິນ ໂດຍ​ສະເພາະ​ບັນດາ​ສະໜາມ​ບິນ​ໃຫຍ່ ຢູ່​ໃນ​ນະຄອນຫຼວງ​ລອນ​ດອນ​ນັ້ນ ເມື່ອ​ວັນ​ທີ 13 ມີນາ​ທີ່​ຜ່ານ​ມາ ເຈົ້າ​ໜ້າທີ່​ອັງກິດ ໄດ້​ເປີດ​ກວ້າງ​ເຂດ​ຫ້າມ​ອຸປະກອນ​ການບິນ​ດັ່ງກ່າວ ຢູ່​ອ້ອມແອ້ມ​ສະໜາມ​ບິນ.

    ຂໍ້​ກຳນົດ​ໃໝ່​ທີ່​ນຳ​ອອກ​ມາ​ປະກາດ​ໃຊ້ ລະບຸ​ວ່າ ເສັ້ນ​ຜ່າ​ກາງ​ທີ່​ອຸປະກອນ​ການບິນ​ແບບ​ບໍ່​ມີ​ຄົນ​ຂັບ ຖືກ​ຫ້າມ​ເຄື່ອນ​ໄຫວ ຈະ​ໄດ້​ຍົກ​ຂຶ້ນ​ຈາກ 1 ​ກມ ເປັນ 5​ ກມ. ໃນ​ຂະນະ​ດຽວ​ກັນ ລັດຖະມົນຕີ​ຄົມມະນາຄົມ​ອັງກິດ ຄຣິ​​ສ ເກຣ​ລິງ ເວົ້າ​ວ່າ ບັນດາ​ເປົ້າ​ໝາຍ​ທີ່​ຕັ້ງໃຈ​ລະເມີດ​ຄຳ​ສັ່ງ​ຫ້າມ ແມ່ນ​ຈະ​ຖືກ​ປັບ​ໃໝ​ໃນ​ບ້ວງ​ເງິນ​ທີ່​ໃຫຍ່ ແລະ ຍິ່ງ​ໄປ​ກວ່າ​ນັ້ນ​ແມ່ນ​ຈະ​ຖືກ​ຈຳ​ຄຸກ​ຕະຫຼອດ​ຊີວິດ.

    ບັນດາ​ອຸປະກອນ​ການບິນ​ແບບ​ບໍ່​ມີ​ຄົນ​ຂັບ ທີ່​ເຮັດ​ໃຫ້​ເກີດ​ການ​ຂາດ​ຄວາມ​ປອດ​ໄພ ໃຫ້​ແກ່​ຄວາມ​ສະຫງົບ​ດ້ານ​ການບິນ​ພົນ​ລະ​ເຮືອນ ໄດ້​ກາຍເປັນ​ບັນຫາ​ທີ່​ໜ້າ​ກັງວົນ ຫຼັງ​ມີ​ອຸປະກອນ​ການບິນ​ແບບ​ບໍ່​ມີ​ຄົນ​ຂັບ ບິນ​ປະກົດ​ຕົວ​ຫຼາຍ​ກໍລະນີ ຢູ່​ໃນ​ເຂດ​ທາງ​ແລ່ນ​ຂອງ​ເຮືອບິນ ເຮັດ​ໃຫ້ການ​ບໍລິການ​ການບິນ​ຂາດ​ໄລຍະ​ໄປ ຢູ່​ໃນ​ສະໜາມ​ບິນ Gatwick (ທິດໃຕ້​ນະຄອນຫຼວງ​ລອນ​ດອນ ຂອງ​ອັງກິດ) ເມື່ອ​ທ້າຍ​ປີ 2018. ມີ​ກວ່າ 1.000 ຖ້ຽວ​ບິນ​ຖືກ​ຍົກເລີກ ຫຼື​ຕ້ອງ​ໄດ້​ປ່ຽດ​ທິດ​ທາງ ເປັນ​ຜົນ​ກະທົບ​ຕໍ່​ຜູ້ໂດຍສານ ປະມານ  140.000 ຄົນ.

    ເຫດການ​ທີ່​ຄ້າຍຄື​ກັນ​ນັ້ນ ກໍ​ໄດ້​ເກີດ​ຂຶ້ນ​ຢູ່​ໃນ​ສະໜາມ​ບິນ​ສາກົນ Heathrow ໃນ​ນະຄອນຫຼວງ​ລອນ​ດອນ ແລະ ສະໜາມ​ບິນ Dublin ໃນ​ສະ​ກອດ​ແລນ ເມື່ອ​ຫຼາຍ​ອາທິດ​ທີ່​ຜ່ານ​ມາ.

ຂ່າວທີ່ກ່ຽວຂ້ອງ