ຍົກລະດັບຄວາມສາມາດ ກ່ຽວກັບການເບິ່ງແຍງເດັກເກີດໃໝ່

164 21 ມີ.ນ. 2019 ຂ່າວໜ້າ​ໜຶ່ງ
ຍົກລະດັບຄວາມສາມາດ ກ່ຽວກັບການເບິ່ງແຍງເດັກເກີດໃໝ່

    ເພື່ອ​ທົບ​ທວນ­ຄືນ​ການ​ສ້າງ​ຄວາມ​ເຂັ້ມ­ແຂງ ກ່ຽວ​ກັບ​ການ​ເບິ່ງ­ແຍງ​ເດັກ​ເກີດ​ໃໝ່​ໃນ ສປປ ລາວ ທັງ​ເປັນ​ການ​ຜັນ​ຂະ­ຫຍາຍ​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ x ຂອງ​ພັກ ເຊິ່ງ​ຖື​ເອົາ​ການ​ບໍ­ລິ­ການ​ປິ່ນ­ປົວ​ທີ່​ມີ​ຄຸນ​ນະ​ພາບ​ຢ່າງ​ທົ່ວ​ເຖິງ ແລະ ເປັນ​ທຳ​ຂອງ​ວຽກ​ງານ​ຕົ້ນ­ຕໍ ນອກ​ນີ້ ຍັງ​ເປັນ​ການ​ສູ້​ຊົນ 5 ຕົວ​ຊີ້​ວັດ​ທີ່​ບໍ່​ທັນ​ປະ­ສົບ​ຜົນ­ສຳ­ເລັດ ເຊິ່ງ​ໜຶ່ງ​ໃນ​ຕົວ​ຊີ້​ວັດ​ເຫຼົ່າ​ນີ້ ແມ່ນ​ຫຼຸດ­ຜ່ອນ​ອັດ­ຕາ​ການ​ຕາຍ​ຂອງ​ແມ່-ເດັກ​ເກີດ​ໃໝ່ ທີ່​ຍັງ​ສູງ​ໃຫ້​ປະ­ສົບ​ຜົນ­ສຳ­ເລັດ.

    ໂຮງ­ໝໍ​ແມ່ ແລະ ເດັກ​ເກີດ​ໃໝ່ ຈຶ່ງ​ໄດ້​ຈັດ​ຊຸດ​ອົບ­ຮົມ​ທົບ​ທວນ­ຄືນ​ການ​ເບິ່ງ­ແຍງ​ເດັກ​ເກີດ​ໃໝ່ ຂຶ້ນ​ວັນ​ທີ 18 ມີ­ນາ 2019 ຢູ່​ໂຮງ­ໝໍ​ດັ່ງ­ກ່າວ ໂດຍ​ເປັນ​ປະ­ທານ​ຂອງ​ທ່ານ ສີ​ວັນ​ໄຊ ວົງ​ສັກ ຮອງ​ຜູ້­ອຳ­ນວຍ­ການ​ໂຮງ­ໝໍ​ແມ່ ແລະ ເດັກ​ເກີດ​ໃໝ່ ທ່ານ ຄຳ​ເປ ພົງ​ສະ​ຫວັດ ປະ­ທານ​ສະ­ມາ­ຄົມ​ແພດ​ເດັກ​ລາວ ແລະ ທ່ານ ດຣ ມາ​ຣີ​ອອນ ມົນ​ກອບ ຮອງ​ປະ­ທານ​ອົງ­ການ​ຮ່ວມ​ມື​ໂຮງ­ໝໍ ລາວ-ສະ​ວິດ ມີ​ຫົວ­ໜ້າ​ພະ​ແນກ​ເດັກ​ເກີດ​ໃໝ່ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ຈຸດ­ປະ­ສົງ ເພື່ອ​ສ້າງ​ເຄືອ​ຄ່າຍ ແລະ ເຮັດ​ໃຫ້­ການ​ຮ່ວມ​ມື​ນຳ​ບັນ­ດາ​ໂຮງ­ໝໍ​ທົ່ວ​ປະ­ເທດ ໂດຍ​ເນັ້ນ​ໃສ່​ແລກ­ປ່ຽນ​ບົດ­ຮຽນ​ຈາກ​ອົງ­ການ​ສາ­ກົນ ເຊິ່ງ​ມີ​ຄະ­ນະ​ຈາກ​ອົງ­ການ​ຮ່ວມ​ມື ລາວ-ສະ​ວິດ ມາ​ໃຫ້​ຄວາມ​ຮູ້​ແກ່​ສຳ​ມະ​ນາ​ກອນ ເພື່ອ​ສ້າງ​ຄວາມ​ເຂັ້ມ­ແຂງ​ດ້ານ​ການ​ພັດ­ທະ­ນາ​ຄວາມ​ສາ­ມາດ ທີ່​ຈະ​ນຳ​ໃຊ້​ໃນ​ວຽກ​ງານ​ຕົວ​ຈິງ ໃນ​ນີ້ ອົງ­ການ​ຮ່ວມ​ມື​ລາວ-ສະ​ວິດ ໄດ້​ສະ­ໜັບ­ສະ­ໜູນ​ເຄື່ອງ​ແທກ​ຄ່າ​ບິ​ລິ​ຣູ​ບິນ​ໃນ​ເລືອດ ໃນ​ເດັກ​ເກີດ​ໃໝ່ ໃຫ້​ບັນ­ດາ​ໂຮງ­ໝໍ​ທີ່​ເຂົ້າ​ຮ່ວມ​ອົບ­ຮົມ ທັງ​ໃຫ້­ການ​ສະ­ໜັບ­ສະ­ໜູນ​ຈັດ​ຊຸດ​ອົບ­ຮົມ​ຄັ້ງ​ນີ້​ອີກ​ດ້ວຍ.

ຂ່າວທີ່ກ່ຽວຂ້ອງ