ລົງນາມໃນເອກະສານແລກປ່ຽນ 4 ໂຄງການຊ່ວຍເຫຼືອຈາກລັດຖະບານຍີ່ປຸ່ນ

234 21 ມີ.ນ. 2019 ຂ່າວໜ້າ​ໜຶ່ງ
ລົງນາມໃນເອກະສານແລກປ່ຽນ 4 ໂຄງການຊ່ວຍເຫຼືອຈາກລັດຖະບານຍີ່ປຸ່ນ

    ພິ­ທີ​ລົງ​ນາມ​ເອ­ກະ­ສານ​ແລກ­ປ່ຽນ​ໂຄງ­ການ​ຊ່ວຍ­ເຫຼືອ​ຈາກ​ລັດ­ຖະ­ບານ​ຍີ່­ປຸ່ນ 4 ໂຄງ­ການ ຈັດ​ຂຶ້ນ​ວັນ​ທີ 20 ມີ­ນາ 2019 ຢູ່​ກະ­ຊວງ​ການ​ຕ່າງ­ປະ­ເທດ ລະ­ຫວ່າງ​ທ່ານ ແສງ​ເພັດ ຮຸ່ງ​ບຸນ​ຍວງ ຮອງ​ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ແລະ ທ່ານ Takeshi HIKIHARA ເອກ​ອັກ​ຄະ​ຣາ​ຊະ​ທູດ​ຍີ່­ປຸ່ນ ປະ­ຈຳ ສປປ ລາວ ມີ​ພະ­ນັກ­ງານ​ກ່ຽວ­ຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ.

    ເອ­ກະ­ສານ​ແລກ­ປ່ຽນ​ໂຄງ­ການ​ຊ່ວຍ­ເຫຼືອ​ດັ່ງ­ກ່າວ ປະ­ກອບ​ມີ​ໂຄງ­ການ​ເພາະ​ພັນ​ປາ ມູນ​ຄ່າ 200 ລ້ານ​ເຢັນ ໂຄງ­ການ​ຕ້ານ​ອາ​ຊະ​ຍາ​ກຳ​ຂ້າມ​ຊາດ ມູນ​ຄ່າ 200 ລ້ານ​ເຢັນ ໂຄງ­ການ​ຊ່ວຍ­ເຫຼືອ​ລ້າ​ນອກ​ໂຄງ­ການ ມູນ​ຄ່າ 500 ລ້ານ​ເຢັນ ແລະ ໂຄງ­ການ​ຂະ­ຫຍາຍ​ລະ­ບົບ​ທໍ່​ສົ່ງ​ນ້ຳ​ປະ­ປາ ນະ­ຄອນ­ຫຼວງ​ພະ​ບາງ (ຂັ້ນ​ຕອນ​ອອກ​ແບບ) ມູນ​ຄ່າ 97 ລ້ານ​ເຢັນ ລວມ​ມູນ​ຄ່າ 997 ລ້ານ​ເຢັນ ຫຼື ປະ­ມານ 70,42ຕື້​ກີບ ເຊິ່ງ 4 ໂຄງ­ການ​ທີ່​ລົງ​ນາມ​ຄັ້ງ​ນີ້ ແມ່ນ​ນອນ​ຢູ່​ໃນ​ແຜນ­ການ​ຮ່ວມ​ມື ລາວ-ຍີ່­ປຸ່ນ ເພື່ອ​ພັດ­ທະ­ນາ ສປປ ລາວ ແບບ​ຍືນ​ຍົງ ທີ່​ນາ­ຍົກ­ລັດ­ຖະ­ມົນ­ຕີ​ລາວ ແລະ ຍີ່­ປຸ່ນ ໄດ້​ເຫັນ​ດີ​ຮ່ວມ​ກັນ​ໃນ​ເດືອນ​ກັນ­ຍາ 2016 ໂດຍ​ປະ­ຕິ­ບັດ​ຄຽງ​ຄູ່​ກັບ​ແຜນ​ພັດ­ທະ­ນາ​ເສດ­ຖະ­ກິດ-ສົງ​ຄົມ 5 ປີ ຄັ້ງ​ທີ 8 (2016-2020) ຂອງ ສປປ ລາວ ນອກ­ຈາກ 4 ໂຄງ­ການ​ນີ້​ແລ້ວ ວັນ​ທີ 6 ມີ­ນາ ຜ່ານ​ມາ ຍັງ​ໄດ້​ມີ​ການ​ລົງ​ນາມ​ຮັບ​ເອົາ​ການ​ຊ່ວຍ­ເຫຼືອ​ຈາກ​ລັດ­ຖະ­ບານ​ຍີ່­ປຸ່ນ 4 ໂຄງ­ການ ຜ່ານ​ບັນ­ດາ​ອົງ­ການ UNICEF UN-Habitat ແລະ FAO ປະ­ຈຳ​ລາວ ເພື່ອ​ຊ່ວຍ­ເຫຼືອ​ຟື້ນ​ຟູ​ໄພ­ພິ­ບັດ​ຢູ່​ແຂວງ​ອັດ​ຕະ​ປື ເປັນ­ຕົ້ນ ການ​ຟື້ນ​ຟູ​ກະ­ສິ­ກຳ ເຮືອນ ການ​ສຶກ​ສາ ແລະ ການ​ສະ­ໜອງ​ນ້ຳ​ສະ­ອາດ​ແກ່ ສປປ ລາວ ມູນ​ຄ່າ 7,6 ລ້ານ​ໂດ​ລາ​ສະ­ຫະ­ລັດ ຫຼື ປະ­ມານ 65,27 ຕື້​ກີບ.

ຂ່າວທີ່ກ່ຽວຂ້ອງ