ເມັກຊິກ - ສ ອາເມຣິກາ ສັນຫາຂໍ້ຕົກລົງ ມູນຄ່າ 10 ຕື້ ໂດລາ ໃຫ້ແກ່ບັນຫາຍ້າຍຖິ່ນຖານ

111 25 ມີ.ນ. 2019 ຂ່າວຕ່າງປະເທດ
ເມັກຊິກ - ສ ອາເມຣິກາ ສັນຫາຂໍ້ຕົກລົງ ມູນຄ່າ 10 ຕື້ ໂດລາ ໃຫ້ແກ່ບັນຫາຍ້າຍຖິ່ນຖານ

    ທ່ານ ອັນ​ເດຣ​​ສ ມາ​ນູ​ແອ​​ລ ໂລ​ເປ​​ສ ໂອບ​ຣາ​ດໍ ປະທານາທິບໍດີ​ຂອງ​ເມັກ​ຊິກ ແຈ້ງ​ໃຫ້​ຮູ້ເມື່ອ​ວັນ​ທີ 20 ມີນາ​ທີ່​ຜ່ານ​ມາ​ວ່າ ເມັກ​ຊິກ ແລະ ສ ອາ​ເມ​ຣິ​ກາ ໄດ້​ບັນລຸ​ບາດກ້າວ ທີ່​ແນ່ນອນ ກ່ຽວ​ກັບ​ຂໍ້​ຕົກລົງ​ມູນ​ຄ່າ 10 ຕື້ ໂດ​ລາ​ສະຫະລັດ ໃນ​ການ​ລົງທຶນ​ໃຫ້​ແກ່​ເຂດ​ທິດໃຕ້-ຕາເວັນ​ອອກ​ສ່ຽງ​ໃຕ້​ຂອງ​ເມັກ​ຊິກ ແລະ ບັນດາ​ປະເທດ​ໃນ​ເຂດ​ອາ​ເມ​ຣິ​ກາ​ກາງ  ເພື່ອ​ແກ້​ໄຂ​ບັນຫາ ຜູ້​ຍ້າຍ​ຖິ່ນ​ຖານ ໃຫ້​ເຖິງ​ກົກ​ເຖິງ​ຮາກ.

    ປະທານາທິບໍດີ ໂອບ​ຣາ​ດໍ ໃຫ້​ຮູ້​ວ່າ ຂໍ້​ຕົກລົງ​ທີ່​ເຕັມ​ໄປ​ດ້ວຍ​ຄວາມ​ສາມາດ​ບົ່ມ​ຊ້ອນ​ດັ່ງກ່າວ ໄດ້​ຮັບ​ການ​ປຶກສາ​ຫາລື ຢູ່​ໃນ​ການ​ພົບ​ປະ​ເມື່ອ​ຄ່ຳ​ຄືນ​ຂອງ​ວັນ​ທີ 19 ມີນາ ກັບ​ທ່ານ ຈາ​ເຣດ ກຸ​​ສ​ເນີ ທີ່​ປຶກສາ​ອາວຸໂສ ຂອງ​ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ.

    ຂໍ້​ຕົກລົງ​ດັ່ງກ່າວ ຈະ​ເປັນ​ການ​ສ້າງ​ວຽກ​ເຮັດ​ງານ​ທຳ​ເພີ່ມ​ຂຶ້ນ ຊຸກຍູ້​ຄວາມ​ເຕີບ​ໂຕ​ເສດຖະກິດ ຢູ່​ໃນ​ເຂດ​ພາກ​ໃຕ້​ປະເທດ​ເມັກ​ຊິກ ແລະ​ ບັນດາ​ປະເທດ​ໃນ​ເຂດ​ອາ​ເມ​ຣິ​ກາ​ກາງ ອັນ​ປະກອບ​ດ້ວຍ ຮອນ​ດູ​​ຣັສ ແອ​​ລ ຊານ​ວາ​ດໍ ແລະ ກົວ​ເຕ​ມາລາ.

    ໃນ​ແຕ່​ລະ​ປີ​ມີ​ຊາວ ຮອນ​ດູ​​ຣັສ ແອ​​ລ ຊານ​ວາ​ດໍ ແລະ ກົວ​ເຕ​ມາລາ ຈຳນວນ​ຫຼາຍ​ພັນ​ຄົນ ພາກັນ​ເດີນທາງ​ໄປ​ຍັງ ສ ອາ​ເມ​ຣິ​ກາ ເພື່ອ​ຫຼີກ​ລຽງ​ເຫດການ​ຮຸນ​ແຮງ ແລະ​ຄວາມທຸກ​ຍາກ ຢູ່​ໃນ​ບ້ານ​ເກີດ​ເມືອງ​ນອນ​ຂອງ​ຕົນ. ເຖິງ​ຢ່າງໃດ​ກໍ​ຕາມ ສ່ວນ​ໃຫຍ່​ໃນ​ຈຳນວນ​ນັ້ນ ເມື່ອ​ເດີນທາງ ຜ່ານ​ເມັກ​ຊິກ ກໍ​ໄດ້​ຊອກ​ຫາ​ວິທີ​ໄດ້​ອາ​ໃສ​ຢູ່ ຫຼື​ລີ້​ໄພ ຢູ່​ໃນ​ເມັກ​ຊິກ  ແລະ​ໄດ້​ເປັນ​ການ ສ້າງ​ຄວາມ​ກົດ​ດັນ​ບໍ່​ໜ້ອຍ ຕໍ່​ສັງຄົມ​ຂອງ​ເມັກ​ຊິກ.

ຂ່າວທີ່ກ່ຽວຂ້ອງ