ການນຳພັກ-ລັດ ວາງພວງມາລາ ໃນໂອກາດວັນສ້າງຕັ້ງພັກ ຄົບຮອບ 64 ປີ

268 25 ມີ.ນ. 2019 ຂ່າວໜ້າ​ໜຶ່ງ
ການນຳພັກ-ລັດ ວາງພວງມາລາ ໃນໂອກາດວັນສ້າງຕັ້ງພັກ ຄົບຮອບ 64 ປີ

    ເນື່ອງ​ໃນ​ໂອ­ກາດ​ວັນ​ສ້າງ­ຕັ້ງ​ພັກ​ປະ­ຊາ­ຊົນ ປະ­ຕິ­ວັດ​ລາວ ຄົບ­ຮອບ 64 ປີ (22/3/1955-22/3/2019) ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ນຳ​ໂດຍ​ສະ­ຫາຍ ບຸນ​ຍັງ ວໍ­ລະ​ຈິດ ເລ­ຂາ­ທິ­ການ​ໃຫຍ່ ປະ­ທານ​ປະ­ເທດ ເຂົ້າ​ວາງ​ພວງ­ມາ­ລາ​ຢູ່​ອະ­ນຸ­ສາ­ວະ­ລີ​ນັກ­ຮົບ​ນິ­ລະ­ນາມ (ດາວ​ແດງ) ຕອນ​ເຊົ້າ​ວັນ​ທີ 22 ມີ­ນາ 2019 ເພື່ອ​ສະ­ແດງ​ຄວາມ​ເຄົາ­ລົບ​ນັບ­ຖື ກະ­ຕັນ­ຍູ​ຮູ້​ບຸນ­ຄຸນ​ເຖິງ​ຄຸນ­ງາມ­ຄວາມ­ດີ ແລະ ນ້ຳ­ໃຈ​ຕໍ່­ສູ້​ອັນ​ພິ­ລະ​ອາດ​ຫານ ບໍ່​ຍອມ​ຈຳ­ນົນ​ຂອງ​ບັນ­ພະ­ບຸ­ລຸດ​ລາວ ກໍ​ຄື ນັກ­ຮົບ​ປະ­ຕິ­ວັດ​ທີ່​ໄດ້​ເສຍ­ສະ­ຫຼະ​ຊີ­ວິດ​ເລືອດ​ເນື້ອ ເພື່ອ​ພາ­ລະ­ກິດ​ປະ­ຕິ­ວັດ​ຢ່າງ​ອົງ­ອາດ​ກ້າ­ຫານ ພາຍ​ໃຕ້​ການ​ນຳ­ພາ​ຂອງ​ພັກ​ປະ­ຊາ­ຊົນ ປະ­ຕິ­ວັດ​ລາວ ຈົນ​ສາ­ມາດ​ຍາດ​ໄດ້​ໄຊ­ຊະ­ນະ​ອັນ​ໃຫຍ່​ຫຼວງ ແລະ ປະ­ກາດ​ເອ­ກະ­ລາດ ສະ­ຖາ­ປະ­ນາ ສປປ ລາວ ຢ່າງ​ສະ­ຫງ່າ​ຜ່າ­ເຜີຍ ໃນ​ວັນ​ທີ 2 ທັນ­ວາ 1975.

    ພາຍ­ຫຼັງ​ສຳ­ເລັດ​ການ​ວາງ​ພວງ­ມາ­ລາ ຢູ່​ອະ­ນຸ­ສາ­ວະ­ລີ​ນັກ­ຮົບ​ນິ­ລະ­ນາມ ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ກໍ​ໄດ້​ສືບ­ຕໍ່​ໄປ​ວາງ​ກະ­ຕ່າ​ດອກ​ໄມ້ ຢູ່​ພິ​ພິ​ທະ​ພັນ​ປະ­ທານ ໄກ­ສອນ ພົມ­ວິ­ຫານ ຜູ້­ນຳ​ທີ່​ແສນ​ເຄົາ­ລົບ​ຮັກ​ຂອງ​ປວງ​ຊົນ​ລາວ​ທັງ​ຊາດ ເພື່ອ​ສະ­ແດງ​ຄວາມ​ກະ­ຕັນ­ຍູ​ຮູ້​ບຸນ­ຄຸນ ທີ່​ໄດ້​ສຸມ​ສະ­ຕິ​ປັນ­ຍາ​ໃນ​ການ​ນຳ­ພາ​ຂະ​ບວນ​ການ ຕໍ່­ສູ້​ຕ້ານ​ການ​ຮຸກ​ຮານ​ຂອງ​ພວກ​ຕ່າງ​ດ້າວ ສາ­ມາດ​ຍາດ​ໄດ້​ໄຊ­ຊະ­ນະ ແລະ ນຳ​ເອົາ​ຄວາມ​ຢູ່​ເຢັນ​ເປັນ​ສຸກ​ມາ­ສູ່​ປະ­ຊາ­ຊົນ​ລາວ​ບັນ­ດາ­ເຜົ່າ ເຊິ່ງ​ຜົນ­ງານ ແລະ ຄຸນ­ງາມ­ຄວາມ­ດີ​ຂອງ​ປະ­ທານ ໄດ້​ຈາ­ລຶກ​ໃນ​ຄວາມ​ຊົງ​ຈຳ​ຂອງ​ປະ­ຊາ­ຊົນ​ລາວ​ບັນ­ດາ­ເຜົ່າ ຕະ­ຫຼອດ​ກາ­ລະ​ນານ.

ຂ່າວທີ່ກ່ຽວຂ້ອງ