ບ່າວສະເກັມແດງ

120 08 ມ.ສ. 2019 ຫົວຂໍ້ຂ່າວອື່ນໆ

    ມີ​ມິດ​ຮັກ​ເພື່ອນ​ຜູ້​ອ່ານ​ເຈົ້າ​ປະ­ຈຳ ຄໍ​ລຳ​ສັງ­ຄົມ​ກົດ­ໝາຍ​ຂອງ​ໜັງ­ສື­ພິມ​ວຽງ​ຈັນ​ໃໝ່​ພວກ​ເຮົາ ໄດ້​ຝາກ​ຖາມ​ຂໍ້​ຂ້ອງ​ໃຈ​ກັບ​ຜູ້​ຂຽນ​ມາ​ວ່າ: ເປັນ​ຫຍັງ​ພວກ​ຕຳ­ຫຼວດ​ສາຍ​ກວດ​ທີ່​ຂີ່​ລົດ­ຈັກ​ສູງໆ (ສະ​ເກັມ​ແດງ) ຈຶ່ງ​ເປັນ­ຕາ​ຢ້ານ​ແທ້ ພາຍ​ປືນ​ຂີ່​ລົດ​ສະ​ເກັມ​ຊ້ອນ​ກັນ​ເລາະ (ໂດຍ​ສະ­ເພາະ​ໃນ​ຍາມ​ທີ່​ປະ­ເທດ​ພວກ​ເຮົາ ຈະ​ມີ​ການ​ຈັດ​ງານ​ໃຫຍ່ ແລະ ສຳ­ຄັນ​ລະ­ດັບ​ຊາດ) ເມື່ອ​ເຫັນ​ເຫດ­ການ​ບໍ່​ເປັນ​ທ່າ (ປະ­ກົດ​ການ​ຫຍໍ້­ທໍ້​ທີ່​ບໍ່​ດີ ແລະ ເປັນ​ອັນ­ຕະ­ລາຍ​ຕໍ່​ສັງ­ຄົມ) ເກີດ​ຂຶ້ນ ເຂົາ­ເຈົ້າ​ຈະ​ຈູ່​ໂຈມ​ເຂົ້າ​ສະ­ກັດ​ກັ້ນ​ທັນ­ທີ​ໂລດ ເຊິ່ງ​ບາງ​ຄັ້ງ​ຫຼາຍ​ຄົນ​ທີ່​ເຫັນ​ເຫດ­ການ​ດັ່ງ­ກ່າວ ອາດ​ຈະ​ວິ­ພາກ​ວິ­ຈານ​ກັນ​ໄປ​ຕ່າງໆ​ນາໆວ່າ​ເຮັດ​ເກີນ​ກວ່າ​ເຫດ ?.

    ກົດ­ໝາຍ​ວ່າ​ດ້ວຍ​ກຳ­ລັງ​ປ້ອງ​ກັນ​ຄວາມ​ສະ­ຫງົບ​ປະ­ຊາ­ຊົນ​ແຫ່ງ ສປປ ລາວ ໄດ້​ລະ­ບຸ​ໃຫ້​ຮູ້​ວ່າ: ກຳ­ລັງ​ປ້ອງ​ກັນ​ຄວາມ​ສະ­ຫງົບ (ປກສ) ຫຼື ທີ່​ຫຼາຍ​ຄົນ​ຮັບ​ຮູ້​ໃນ​ນາມ​ຜູ້​ພິ​ທັກ​ສັນ­ຕິ​ລາດ (ຕຳ­ຫຼວດ) ເປັນ​ກຳ­ລັງ​ທີ່​ເຮັດ​ໜ້າ­ທີ່​ປົກ​ປັກ​ຮັກ­ສາ​ຄວາມ​ສະ­ຫງົບ ແລະ ຄວາມ​ເປັນ​ລະ­ບຽບ​ຮຽບ​ຮ້ອຍ​ຂອງ​ສັງ­ຄົມ ປ້ອງ​ກັນ ສະ­ກັດ​ກັ້ນ ຕໍ່­ສູ້​ຕ້ານ​ອາ​ຊະ​ຍາ​ກຳ ດຳ­ເນີນ​ຄະ­ດີ​ອາ­ຍາ ຄຸ້ມ​ຄອງ​ພົນ­ລະ­ເມືອງ ການ​ຈະ­ລາ­ຈອນ ກັນ ແລະ ສະ­ກັດ​ກັ້ນ​ອັກ­ຄີ​ໄພ ແລະ ຕ້ານ​ທຸກ​ກົນ­ອຸ­ບາຍ ກໍ​ຄື​ການ­ເຄື່ອນ­ໄຫວ​ມ້າງ­ເພ​ທຳ­ລາຍ​ຄວາມ​ໝັ້ນ­ຄົງ​ຂອງ​ປະ­ເທດ​ຊາດ. ໃນ​ນັ້ນ ເພິ່ນ​ໄດ້​ແບ່ງ​ກຳ­ລັງ ປກສ ອອກ​ເປັນ 6 ປະ­ເພດ ຄື: ໜຶ່ງ ກຳ­ລັງ​ຕຳ­ຫຼວດ​ສັນ­ຕິ​ບານ ສອງ ກຳ­ລັງ​ວິ­ຊາ​ສະ­ເພາະ​ຕຳ­ຫຼວດ ສາມ ກຳ­ລັງ​ວິ­ຊາ​ສະ­ເພາະ​ການ­ເມືອງ ສີ່ ກຳ­ລັງ​ວິ­ຊາ​ສະ­ເພາະ​ເສ­ນາ​ທິ​ການ ຫ້າ ກຳ­ລັງ​ວິ­ຊາ​ສະ­ເພາະ​ພະ­ລາ­ທິ­ການ ແລະ ຫົກ ກຳ­ລັງ​ເຄິ່ງ​ອາ­ຊີບ ປກສ.

    ອີງ​ຕາມ​ພາ­ລະ​ບົດ­ບາດ​ທີ່​ເພິ່ນ​ຈັດ​ແບ່ງ​ກຳ­ລັງ ປກສ ອອກ​ຄື​ດັ່ງ­ກ່າວ​ມາ​ຂ້າງ​ເທິງ​ນັ້ນ ອ້າຍ​ນ້ອງ​ຕຳ­ຫຼວດ​ສາຍ​ກວດ ທີ່​ຂັບ​ຂີ່​ລົດ­ຈັກ​ສະ​ເກັມ​ແດງ ເລາະ​ຕະ­ເວນ​ຕາມ​ເສັ້ນ­ທາງ-ຮ່ອມ-ຊອຍ​ນັ້ນ ຈຶ່ງ​ແມ່ນ​ກຳ­ລັງ​ຕຳ­ຫຼວດ​ສັນ­ຕິ​ບານ ເຊິ່ງ​ເຮັດ​ໜ້າ­ທີ່​ປ້ອງ​ກັນ ສະ­ກັດ​ກັ້ນ ຕໍ່­ສູ້ ທັບ​ມ້າງ​ທຸກ​ກົນ­ອຸ­ບາຍ ແລະ ການ­ເຄື່ອນ­ໄຫວ​ທຳ­ລາຍ​ຄວາມ​ໝັ້ນ­ຄົງ​ຂອງ​ປະ­ເທດ​ຊາດ ທັງ​ຍັງ​ເປັນ​ກອງ​ກຳ­ລັງ​ວິ­ຊາ​ສະ­ເພາະ​ຂອງ​ຕຳ­ຫຼວດ ເຊິ່ງ​ກໍ​ເຮັດ​ໜ້າ­ທີ່​ປ້ອງ​ກັນ ສະ­ກັດ​ກັ້ນ ຕ້ານ​ອາ​ຊະ​ຍາ​ກຳ ຄຸ້ມ​ຄອງ​ພົນ­ລະ­ເມືອງ ການ​ຈະ­ລາ­ຈອນ ກັນ ແລະ ສະ­ກັດ​ກັ້ນ​ອັກ­ຄີ​ໄພ ດຳ­ເນີນ​ຄະ­ດີ​ອາ­ຍາ ເພື່ອ​ປົກ​ປັກ​ຮັກ­ສາ​ຄວາມ​ສະ­ຫງົບ ແລະ ຄວາມ​ເປັນ​ລະ­ບຽບ​ຮຽບ​ຮ້ອຍ​ຂອງ​ສັງ­ຄົມ.

ຂ່າວທີ່ກ່ຽວຂ້ອງ