ສວນພຶກສາ ມີຫຼາຍກິດຈະກຳໃຫ້ທ່ຽວຊົມໂອກາດປີໃໝ່ລາວ

280 11 ມ.ສ. 2019 ຂ່າວໜ້າ​ໜຶ່ງ
ສວນພຶກສາ ມີຫຼາຍກິດຈະກຳໃຫ້ທ່ຽວຊົມໂອກາດປີໃໝ່ລາວ

    ເພື່ອ​ຮອງ​ຮັບ​ໃສ່​ການ​ສະ­ເຫຼີມ­ສະ­ຫຼອງ​ບຸນ­ປີ­ໃໝ່​ລາວ ພສ 2562 ທີ່​ພັກ​ຍາວ​ຫຼາຍ​ວັນ ບັນ­ດາ​ສະ­ຖານ­ທີ່​ທ່ອງ​ທ່ຽວ​ຫຼາຍ​ແຫ່ງ​ຢູ່​ນະ­ຄອນ­ຫຼວງ​ວຽງ​ຈັນ ໄດ້​ມີ​ການ​ກະ­ກຽມ​ກິດ­ຈະ­ກຳ​ຫຼາຍ​ຢ່າງ ເພື່ອ​ໃຫ້​ນັກ​ທ່ອງ​ທ່ຽວ​ທັງ​ພາຍ​ໃນ ແລະ ຕ່າງ­ປະ­ເທດ ກໍ​ຄື ປະ­ຊາ­ຊົນ​ລາວ​ບັນ­ດາ­ເຜົ່າ ໄດ້​ມີ​ສະ­ຖານ­ທີ່​ທ່ຽວ​ຊົມ​ດ້ວຍ​ຄວາມ​ເບີກ­ບານ​ມ່ວນ­ຊື່ນ ໃນ​ນັ້ນ ກໍ​ມີ​ສະ­ຖານ­ທີ່​ທ່ອງ​ທ່ຽວ​ສວນ​ພຶກ­ສາ ທີ່​ກຽມ­ພ້ອມ​ທຸກ​ຢ່າງ​ໂອ­ກາດ​ປີ​ໃໝ່​ລາວ.

    ທ່ານ ພູ​ວົງ ພະ​ມີ​ສິດ ເຈົ້າ​ຂອງ​ສວນ​ພຶກ­ສາ ໄດ້​ໃຫ້​ສຳ­ພາດ​ວັນ​ທີ 9 ເມ­ສາ 2019 ວ່າ: ໃນ​ໂອ­ກາດ​ປີ​ໃໝ່​ລາວ ພສ 2562 ສວນ​ພຶກ­ສາ ກໍ​ໄດ້​ມີ​ການ​ຕົບ­ແຕ່ງ​ປະ­ດັບ​ປະ­ດາ ແລະ ກະ­ກຽມ​ຫຼາຍ​ກິດ­ຈະ­ກຳ​ຕ້ອນ­ຮັບ​ຜູ້​ທີ່​ຈະ​ເຂົ້າ​ທ່ຽວ​ຊົມ ເປັນ­ຕົ້ນ ສ້າງ​ສະ­ຖານ­ທີ່​ຖ່າຍ­ຮູບ​ດ້ວຍ​ສວນ​ດອກ​ໄມ້​ທີ່​ງົດ​ງາມ ຈັດ​ລາຍ​ການ­ສະ­ແດງ​ສິ­ລະ​ປະ​ບັນ­ດາ­ເຜົ່າ ເປັນ­ຕົ້ນ ເຜົ່າ​ລາວ ເຜົ່າ​ມົ້ງ ເຜົ່າ​ກຶມ​ມຸ ສິ­ລະ​ປະ​ດົນ­ຕີ​ລາວ​ເດີມ ດົນ­ຕີ​ສາ­ກົນ ມີ​ຮ້ານ​ອາ­ຫານ 3 ຮ້ານ ເພື່ອ​ບໍ­ລິ­ການ​ໄດ້​ຫຼາຍ​ພັນ​ຄົນ ບໍ­ລິ­ການ​ຂີ່​ລົດ­ຖີບ ລົດ­ໄຟ​ຟ້າ ຂີ່​ມ້າ ຂີ່​ກຽນ​ງົວ ຂີ່​ສະ​ຫຼີງ ສະ​ລາຍ​ເລີ​ນ້ຳ ສວນ​ຜັກ​ປອດ​ສານ­ພິດ ເຮືອນ​ຊົນ­ເຜົ່າ ເຄື່ອງ­ນຸ່ງ​ຊົນ­ເຜົ່າ​ໃຫ້​ຖ່າຍ­ຮູບ ເຄື່ອງ​ເກົ່າ​ແກ່​ຂອງ​ຊົນ­ເຜົ່າ ມີ​ປ້າຍ​ຄຳ​ຂວັນ​ຕ່າງໆ ເປັນ­ຕົ້ນ ປ້າຍ​ປີ​ທ່ອງ​ທ່ຽວ​ລາວ-ຈີນ ແລະ ອື່ນໆ​ຫຼາຍ​ຢ່າງ​ທີ່​ລໍ­ຖ້າ​ບໍ­ລິ­ການ​ຜູ້​ທີ່​ມາ​ທ່ຽວ​ຊົມ ເຊິ່ງ​ມາ​ຮອດ​ປັດ­ຈຸ­ບັນ ການ​ກະ­ກຽມ​ດ້ານ​ຕ່າງໆ​ແມ່ນ​ມີ​ຄວາມ​ພ້ອມ​ທຸກ​ດ້ານ ສາ­ມາດ​ຮອງ​ຮັບ​ຜູ້​ທີ່​ເຂົ້າ​ມາ​ທ່ຽວ​ຊົມ​ໄດ້​ຕະ­ຫຼອດ​ເວ­ລາ ດັ່ງ­ນັ້ນ ຜູ້​ທີ່​ບໍ່​ຢາກ​ໄປ​ທ່ຽວ​ໄກ ແລະ ບໍ່​ຢາກ​ທ່ຽວ​ຢູ່​ໃນ​ຕົວ​ເມືອງ​ທີ່​ມີ​ຄວາມ​ແອ​ອັດ ກໍ​ສາ­ມາດ​ມາ​ທ່ຽວ​ສວນ​ພຶກ­ສາ ພົບ​ກັບ​ສະ­ຖານ­ທີ່​ງົດ​ງາມ​ທີ່​ມີ​ການ​ຕົບ­ແຕ່ງ ແລະ ປະ­ດັບ​ປະ­ດາ ເຊິ່ງ​ສະ­ຖານ­ທີ່​ຕັ້ງ​ຢູ່​ບ້ານ​ດ່ານ​ຊີ ເມືອງ​ນາ​ຊາຍ​ທອງ ຫ່າງ​ຈາກ​ໃຈ­ກາງ​ຕົວ​ເມືອງ​ນະ­ຄອນ­ຫຼວງ​ວຽງ​ຈັນ ປະ­ມານ 22 ກິ­ໂລ­ແມັດ ແລະ ຫ່າງ​ຈາກ​ທາງ​ເລກ​ທີ 13 ເໜືອ​ເຂົ້າ​ໄປ​ປະ­ມານ 2-3 ກິ­ໂລ­ແມັດ.

ຂ່າວທີ່ກ່ຽວຂ້ອງ