ສຳເລັດແຂ່ງຂັນກີລາລອຍນໍ້າ ຄົນພິການລາວ ທົ່ວປະເທດ

126 18 ມ.ສ. 2019 ວົງຈອນກີລາ
ສຳເລັດແຂ່ງຂັນກີລາລອຍນໍ້າ ຄົນພິການລາວ ທົ່ວປະເທດ

    ການ​ແຂ່ງ­ຂັນ​ກີ­ລາ​ລອຍ­ນ້ຳ​ຄົນ​ພິ­ການ​ທົ່ວ​ປະ­ເທດ ຄັ້ງ​ທີ l ປະ­ຈຳ​ປີ 2019 ເພື່ອ​ຄັດ​ເລືອກ​ນັກ­ກີ­ລາ​ລອຍ­ນ້ຳ​ຄົນ​ພິ­ການ​ລາວ ເຂົ້າ​ຮ່ວມ​ງານ​ແຂ່ງ­ຂັນ​ກີ­ລາ​ລອຍ­ນ້ຳ​ຄົນ​ພິ­ການ ໃນ​ລະ­ດັບ​ອະ­ນຸ​ພາກ​ພື້ນ ພາກ​ພື້ນ ແລະ ສາ­ກົນ ໄດ້​ສຳ­ເລັດ​ໃນ​ວັນ​ທີ 5 ເມ­ສາ 2019 ທີ່​ສະ​ລອຍ­ນ້ຳ​ວຽງ​ຈັນ ນະ­ຄອນ­ຫຼວງ​ວຽງ​ຈັນ ໃຫ້​ກຽດ​ເຂົ້າ​ຮ່ວມ ແລະ ມອບ​ລາ­ງວັນ​ຂອງ​ທ່ານ ສີ­ທາດ ຈັນ­ທະ​ບູ​ລີ ຫົວ­ໜ້າ​ກົມ​ກີ­ລາ​ມວນ​ຊົນ ກະ­ຊວງ​ສຶກ​ສາ​ທິ​ການ ແລະ ກີ­ລາ ທັງ​ເປັນ​ຮອງ​ປະ­ທານ ແລະ ເລ­ຂາ­ທິ­ການ ຄະ­ນະ​ກຳ­ມະ­ການ​ພາ​ຣາ​ແລມ​ປີກ​ແຫ່ງ​ຊາດ​ລາວ ມີ​ບັນ­ດາ​ຮອງ​ຫົວ­ໜ້າ​ກົມ​ກີ­ລາ​ມວນ​ຊົນ ຫົວ­ໜ້າ​ພະ​ແນກ ອົງ­ການ​ເອ​ດີ​ດີ​ພີ ໄຈ​ກາ ແຂກ​ຖືກ​ເຊີນ ຄະ­ນະ​ນຳ​ແຕ່​ລະ​ແຂວງ ຄູ​ເຝິກ ແລະ ນັກ­ກີ­ລາ.

    ການ​ແຂ່ງ­ຂັນ​ຄັ້ງ​ນີ້ ຈັດ​ຂຶ້ນ​ກໍ​ເພື່ອ​ເປັນ​ການ​ຄັດ​ເລືອກ​ນັກ­ກີ­ລາ​ລອຍ­ນ້ຳ​ຄົນ​ພິ­ການ​ລາວ ເຂົ້າ​ຮ່ວມ​ງານ​ແຂ່ງ­ຂັນ​ກີ­ລາ​ລອຍ­ນ້ຳ​ຄົນ​ພິ­ການ ກະ­ກຽມ​ເຂົ້າ​ຮ່ວມ​ການ​ແຂ່ງ­ຂັນ​ກີ­ລາ​ຄົນ​ພິ­ການ​ທົ່ວ​ປະ­ເທດ ຄັ້ງ​ທີ III ທີ່​ເມືອງ​ແປກ ແຂວງ​ຊຽງ​ຂວາງ ຮັບ​ກຽດ​ເປັນ​ເຈົ້າ­ພາບ ໃນ​ປີ 2020 ດັ່ງ­ນັ້ນ ຈຶ່ງ​ໄດ້​ຈັດ­ການ​ແຂ່ງ­ຂັນ​ກີ­ລາ​ລອຍ­ນ້ຳ​ຄົນ​ພິ­ການ ທົ່ວ​ປະ­ເທດ ຄັ້ງ​ທີ I ທີ່​ນະ­ຄອນ­ຫຼວງ​ວຽງ​ຈັນ ໂດຍ​ມີ​ນັກ­ກີ­ລາ​ຈາກ 10 ແຂວງ​ເຂົ້າ​ຮ່ວມ ຜ່ານ​ການ​ແຂ່ງ­ຂັນ​ໃນ​ໄລ­ຍະ 3 ວັນ ຜົນ​ປາ­ກົດ​ວ່າ: ນັກ­ກີ­ລາ​ຄົນ​ພິ­ການ​ນະ­ຄອນ­ຫຼວງ​ວຽງ​ຈັນ ກວາດ​ມາ​ໄດ້ 16 ຫຼຽນ​ຄຳ ແລະ 3 ຫຼຽນ​ເງິນ ຄອງ​ເຈົ້າ​ຫຼຽນ​ຄຳ ອັນ​ດັບ 2 ແຂວງ​ອຸ­ດົມ​ໄຊ ຍາດ​ໄດ້ 3 ຫຼຽນ​ຄຳ ແລະ 2 ຫຼຽນ​ເງິນ ອັນ​ດັບ 3 ແຂວງ​ຜົ້ງ​ສາ­ລີ ຍາດ​ໄດ້ 3 ຫຼຽນ​ຄຳ ແລະ 1 ຫຼຽນ​ທອງ ອັນ​ດັບ 4 ຮ່ວມ​ແຂວງ​ຈຳ­ປາ​ສັກ ແລະ ແຂວງ​ວຽງ​ຈັນ ຍາດ​ໄດ້​ແຂວງ​ລະ 3 ຫຼຽນ​ຄຳ ອັນ​ດັບ 5 ຮ່ວມ​ແຂວງ​ສະ­ຫວັນ​ນະ​ເຂດ ແລະ ແຂວງ​ຊຽງ​ຂວາງ ຍາດ​ໄດ້​ແຂວງ​ລະ 2 ຫຼຽນ​ຄຳ ແລະ 1 ຫຼຽນ​ເງິນ ອັນ​ດັບ 6 ແຂວງ​ເຊ​ກອງ ຍາດ​ໄດ້ 2 ຫຼຽນ​ຄຳ ອັນ​ດັບ 7 ແຂວງ​ຫຼວງ​ພະ​ບາງ ຍາດ​ໄດ້ 1 ຫຼຽນ​ຄຳ ແລະ 2 ຫຼຽນ​ເງິນ ແລະ ອັນ​ດັບ​ທີ 8 ຮ່ວມ ແຂວງ​ອັດ​ຕະ​ປື ແລະ ແຂວງ​ຫົວ­ພັນ ຍາດ​ໄດ້ 1 ຫຼຽນ​ຄຳ.

ຂ່າວທີ່ກ່ຽວຂ້ອງ