ຂ່າວຫຼ້າສຸດ

ສະຫຼອງບຸນປີໃໝ່ລາວ ມີຜູ້ເສຍຊີວິດ 5 ຄົນ ຍ້ອນອຸບັດເຫດ

377 18 ມ.ສ. 2019 ຂ່າວໜ້າ​ໜຶ່ງ
ສະຫຼອງບຸນປີໃໝ່ລາວ ມີຜູ້ເສຍຊີວິດ 5 ຄົນ ຍ້ອນອຸບັດເຫດ

    ການ​ສະ­ເຫຼີມ­ສະ­ຫຼອງ​ສົ່ງ​ທ້າຍ​ປີ​ເກົ່າ ພສ 2561 ແລະ ຕ້ອນ­ຮັບ​ປີ​ໃໝ່​ລາວ ພສ 2562 ໃນ​ວັນ​ທີ 14-16 ເມ­ສາ 2019 ທົ່ວ​ນະ­ຄອນ­ຫຼວງ​ວຽງ​ຈັນ ມີ​ອຸ­ບັດ­ເຫດ​ທາງ​ຖະ­ໜົນ​ເກີດ​ຂຶ້ນ​ທັງ​ໝົດ 20 ກໍ­ລະ­ນີ ມີ​ຜູ້​ເສຍ​ຊີ­ວິດ 5 ຄົນ ຍິງ 1 ຄົນ ທຽບ­ໃສ່​ປີ­ຜ່ານ­ມາ​ຫຼຸດ​ລົງ 4 ກໍ­ລະ­ນີ ແລະ ຄົນ​ເສຍ​ຊີ­ວິດ​ກໍ​ຫຼຸດ​ລົງ​ເຊັ່ນ​ດຽວ​ກັນ 1 ຄົນ ເມືອງ​ທີ່​ເກີດ​ອຸ­ບັດ­ເຫດ​ຫຼາຍ​ກວ່າ​ໝູ່​ແມ່ນ​ເມືອງ​ສີ​ໂຄດ​ຕະ­ບອງ 7 ກໍ­ລະ­ນີ ສ່ວນ​ເມືອງ​ສີ​ສັດ­ຕະ​ນາກ ບໍ່­ເກີດ​ຈັກ​ກໍ­ລະ­ນີ.

    ການ​ເກີດ​ອຸ­ບັດ­ເຫດ​ແຕ່​ລະ​ຄັ້ງ ເຮັດ​ໃຫ້​ມີ​ພາ­ຫະ­ນະ​ເປ່​ເພ​ເລັກ​ໜ້ອຍ 10 ຄັນ ສົມ­ຄວນ 30 ຄັນ ມີ​ຄົນ​ໄດ້​ຮັບ​ບາດ­ເຈັບ​ເລັກ​ໜ້ອຍ 11 ຄົນ ສົມ­ຄວນ 8 ຄົນ ສາ­ຫັດ 10 ຄົນ ແລະ ເສຍ​ຊີ­ວິດ 5 ຄົນ ໃນ​ນີ້ ມີ​ຄົນ​ຂັບ​ໄດ້​ຮັບ​ບາດ­ເຈັບ​ເລັກ​ໜ້ອຍ 9 ຄົນ ສົມ­ຄວນ 8 ຄົນ ສາ­ຫັດ 8 ຄົນ ສ່ວນ​ຜູ້​ຊ້ອນ​ທ້າຍ​ໄດ້​ຮັບ​ບາດ­ເຈັບ​ເລັກ​ໜ້ອຍ 2 ຄົນ ສົມ­ຄວນ 1 ຄົນ ສາ­ຫັດ 2 ຄົນ.

    ສຳ­ລັບ​ສາ­ເຫດ​ຫຼັກ​ຂອງ​ການ​ເກີດ​ອຸ­ບັດ­ເຫດ ທີ່​ເຮັດ​ໃຫ້​ມີ​ຄົນ​ໄດ້​ຮັບ​ບາດ­ເຈັບ ແລະ ເສຍ​ຊີ­ວິດ​ນັ້ນ ແມ່ນ​ເກີດ​ຈາກ​ຄວາມ​ປະ­ໝາດ​ຂອງ​ຜູ້​ຂັບ​ຂີ່ ເມົາ​ແລ້ວ​ຂັບ ຂັບ​ຂີ່​ໄວ​ເກີດ​ກຳ­ນົດ ແລະ ອື່ນໆ.

ຂ່າວທີ່ກ່ຽວຂ້ອງ