ຍ້ອງຍໍຜູ້ທີ່ມີຜົນງານ ປະກອບສ່ວນກອງປະຊຸມຜູ້ຊົງຄຸນວຸດທິ

170 18 ມ.ສ. 2019 ຂ່າວໜ້າ​ໜຶ່ງ
ຍ້ອງຍໍຜູ້ທີ່ມີຜົນງານ ປະກອບສ່ວນກອງປະຊຸມຜູ້ຊົງຄຸນວຸດທິ

    ພິ­ທີ​ມອບ​ໃບ​ຍ້ອງ­ຍໍ​ຜູ້​ທີ່​ປະ­ກອບ­ສ່ວນ ວຽກ​ງານ​ກອງ​ປະ­ຊຸມ​ຜູ້​ຊົງ​ຄຸນ​ວຸດ​ທິ​ບັນ­ດາ­ເຜົ່າ​ທົ່ວ​ປະ­ເທດ ຄັ້ງ​ທີ 3 ປີ 2018 ແລະ ກອງ​ປະ­ຊຸມ​ອົງ­ການ​ພຸດ​ທະ​ສາ­ສະ­ໜາ 3 ອພສ ປະ­ເທດ​ລາວ ຫວຽດ­ນາມ ແລະ ກຳ­ປູ­ເຈຍ ຈັດ​ຂຶ້ນ​ວັນ​ທີ 10 ເມ­ສາ 2019 ທີ່​ສູນ​ກາງ​ແນວ​ລາວ​ສ້າງ​ຊາດ (ສນຊ) ເປັນ​ປະ­ທານ​ຂອງ​ທ່ານ ຄຳ­ໃບ ດຳ­ລັດ ຮອງ​ປະ­ທານ​ສູນ​ກາງ​ແນວ​ລາວ​ສ້າງ​ຊາດ ມີ​ບັນ­ດາ​ຮອງ​ປະ­ທານ ກຳ­ມະ­ການ ນັກ­ທຸ­ລະ­ກິດ ຄະ­ນະ​ຮັບ­ຜິດ­ຊອບ​ຈາກ​ຫຼາຍ​ພາກ­ສ່ວນ ແລະ ພະ­ນັກ­ງານ​ແນວ​ລາວ​ສ້າງ​ຊາດ​ເຂົ້າ​ຮ່ວມ.

    ໂດຍ​ອີງ­ໃສ່​ດຳ­ລັດ​ຂອງ​ນາ­ຍົກ­ລັດ­ຖະ­ມົນ­ຕີ ວ່າ​ດ້ວຍ​ການ​ມອບ​ໃບ​ຍ້ອງ­ຍໍ​ລັດ­ຖະ­ບານ​ໃຫ້​ແກ່​ພະ­ນັກ­ງານ-ລັດ­ຖະ­ກອນ ແລະ ຄະ­ນະ​ຮັບ­ຜິດ­ຊອບ​ຈັດ​ກອງ​ປະ­ຊຸມ​ດັ່ງ­ກ່າວ 118 ຄົນ ທີ່​ມີ​ຜົນ­ງານ​ຄຸນ­ງາມ­ຄວາມ­ດີ​ປະ­ກອບ­ສ່ວນ​ເຂົ້າ​ໃນ​ການ​ກະ­ກຽມ ແລະ ຮັບ​ໃຊ້​ກອງ​ປະ­ຊຸມ​ຜູ້​ຊົງ​ຄຸນ​ວຸດ​ທິ​ບັນ­ດາ­ເຜົ່າ​ທົ່ວ​ປະ­ເທດ ຄັ້ງ​ທີ 3 ປີ 2018 ແລະ ກອງ​ປະ­ຊຸມ​ອົງ­ການ​ພຸດ​ທະ​ສາ­ສະ­ໜາ 3 ປະ­ເທດ ລາວ-ຫວຽດ­ນາມ ແລະ ກຳ­ປູ­ເຈຍ ພ້ອມ​ກັນ​ນີ້ ຍັງ​ໄດ້​ຮັບ​ຟັງ​ຜ່ານ​ຂໍ້​ຕົກ­ລົງ​ວ່າ​ດ້ວຍ​ການ​ແຕ່ງ­ຕັ້ງ​ສັບ​ຊ້ອນ​ໜ້າ­ທີ່​ໃໝ່ ໃຫ້​ແກ່​ພະ­ນັກ­ງານ ສນຊ ຈຳ­ນວນ​ໜຶ່ງ.

    ໂອ­ກາດ​ນີ້ ທ່ານ​ຮອງ​ປະ­ທານ ສນຊ ໄດ້​ສະ­ແດງ​ຄວາມ​ຍ້ອງ­ຍໍ​ຊົມ­ເຊີຍ​ຕໍ່​ຜົນ­ງານ​ຄຸນ­ງາມ­ຄວາມ­ດີ​ຂອງ​ພະ­ນັກ­ງານ-ລັດ­ຖະ­ກອນ ບັນ­ດາ​ນັກ­ທຸ­ລະ­ກິດ ແລະ ກຳ­ມະ­ການ​ສູນ​ກາງ​ແນວ​ລາວ​ສ້າງ​ຊາດ ທີ່​ໄດ້​ປະ­ກອບ­ສ່ວນ​ເຂົ້າ​ໃນ​ກອງ​ປະ­ຊຸມ​ດັ່ງ­ກ່າວ ມີ​ຜົນ­ສຳ­ເລັດ​ຕາມ​ແຜນ ແລະ ໄດ້​ນຳ­ພາ​ວຽກ​ງານ​ແນວ​ຄິດ​ຕໍ່​ສະ­ມາ­ຊິກ​ພັກ-ພະ­ນັກ­ງານ​ທັງ​ໝົດ ໃນ​ການ​ເລື່ອນ​ຊັ້ນ ສັບ​ຊ້ອນ ແລະ ຍົກ­ຍ້າຍ​ຕາມ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ໜ້າ­ທີ່​ວຽກ​ງານ.

ຂ່າວທີ່ກ່ຽວຂ້ອງ