ຂ່າວຫຼ້າສຸດ

ສະມາຄົມນັກທຸລະກິດໜຸ່ມ ຈະຮ່ວມມືລົງທຶນຮອບດ້ານກັບກຸ່ມບໍລິສັດ ເຄີເອີນ

298 19 ມ.ສ. 2019 ຂ່າວໜ້າ​ໜຶ່ງ
ສະມາຄົມນັກທຸລະກິດໜຸ່ມ ຈະຮ່ວມມືລົງທຶນຮອບດ້ານກັບກຸ່ມບໍລິສັດ ເຄີເອີນ

    ພິ­ທີ​ລົງ​ນາມ​ບົດ​ບັນ­ທຶກ​ຄວາມ​ເຂົ້າ­ໃຈ ການ​ຮ່ວມ​ມື​ການ​ລົງ­ທຶນ​ຮອບ­ດ້ານ​ລະ­ຫວ່າງ​ສະ­ມາ­ຄົມ​ນັກ­ທຸ­ລະ­ກິດ​ໜຸ່ມ​ແຫ່ງ​ຊາດ​ລາວ ແລະ ກຸ່ມ​ບໍ­ລິ­ສັດ ເຄີ​ເອີນ​ພັດ­ທະ­ນາ​ອະ­ສັງ­ຫາ­ລິ­ມະ​ຊັບ ຈຳ­ກັດ ເມືອງ​ພູ​ເອີ ແຂວງ​ຢຸນ​ນານ ສປ ຈີນ ຈັດ​ຂຶ້ນ​ວັນ​ທີ 10 ເມ­ສາ 2019 ຢູ່​ສູນ​ກາງ​ຊາວ​ໜຸ່ມ​ປະ­ຊາ­ຊົນ ປະ­ຕິ­ວັດ​ລາວ ລະ­ຫວ່າງ​ທ່ານ ວິ­ໄລ​ສານ ພົມ​ມີ​ໄຊ ຮອງ​ປະ­ທານ​ສະ­ມາ­ຄົມ​ນັກ­ທຸ­ລະ­ກິດ​ໜຸ່ມ​ແຫ່ງ​ຊາດ ແລະ ທ່ານ​ນາງ Li Qian ຮອງ​ປະ­ທານ​ບໍ­ລິ­ສັດ ເຄີ​ເອີນ ອຳ­ນວຍ​ການ​ບໍ­ລິ­ສັດ ເຂດ​ພັດ­ທະ­ນາ​ເຕັກ​ໂນ​ໂລ​ຊີ​ພາກ​ອາ­ຊີ​ໃຕ້ ໂດຍ​ມີ​ທ່ານ ບຸນ​ຕາ ເທບ​ພະ​ວົງ ຮອງ​ເລ­ຂາ​ຄະ­ນະ​ບໍ­ລິ­ຫານ​ຊາວ​ໜຸ່ມ​ປະ­ຊາ­ຊົນ ປະ­ຕິ­ວັດ​ລາວ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ເພື່ອ​ສ້າງ​ຄວາມ​ສຳ­ພັນ ໂດຍ​ມຸ່ງ​ເນັ້ນ​ຕາມ​ນະ­ໂຍ­ບາຍ​ໜຶ່ງ​ແລວ​ໜຶ່ງ​ເສັ້ນ­ທາງ ແລະ ການ​ສະ­ແຫວງ­ຫາ​ການ​ພັດ­ທະ­ນາ​ຮ່ວມ​ກັນ ເປັນ​ເປົ້າ​ໝາຍ​ສ້າງ​ຍຸດ​ທະ​ສາດ​ຂອງ​ການ​ພັດ­ທະ­ນາ​ທີ່​ຢັ້ງ­ຢືນ ເພື່ອ​ໃຫ້­ການ​ຮ່ວມ​ມື ແລະ ໂອ­ກາດ​ໃນ​ການ​ສົ່ງ­ເສີມ​ພັດ­ທະ­ນາ​ເສດ­ຖະ­ກິດ​ເຊັ່ນ: ການ​ຄ້າ ການ​ຂົນ­ສົ່ງ ແລະ ການ​ລົງ­ທຶນ ທັງ​ເປັນ​ການ​ສົ່ງ­ເສີມ​ສາຍ​ພົວ­ພັນ​ໃຫ້​ແໜ້ນ​ແຟ້ນ​ຍິ່ງໆ​ຂຶ້ນ ລວມ​ທັງ​ການ​ຈັດ​ກອງ​ປະ­ຊຸມ​ປຶກ­ສາ​ຫາ­ລື​ຂອງ​ການ​ນຳ ຜູ້​ບໍ­ລິ­ຫານ ແລະ ເຈົ້າ​ໜ້າ­ທີ່​ກ່ຽວ­ຂ້ອງ​ສອງ​ຝ່າຍ​ຢ່າງ​ເປັນ​ທາງ​ການ ເພື່ອ​ໃຫ້​ຂໍ້​ມູນ​ການ​ຄ້າ​ລະ­ຫວ່າງ​ປະ­ເທດ ນະ­ໂຍ­ບາຍ​ຂອງ​ລັດ­ຖະ­ບານ ກົດ­ໝາຍ ແລະ ຂໍ້​ບັງ­ຄັບ​ລະ­ຫວ່າງ 2 ປະ­ເທດ ການ​ຂະ­ຫຍາຍ​ການ​ຮ່ວມ​ມື ເພື່ອ​ສົ່ງ­ເສີມ​ການ­ສະ­ແດງ​ງານ​ວາງ­ສະ­ແດງ​ສິນ­ຄ້າ ແລະ ກອງ​ປະ­ຊຸມ​ທີ່​ພົວ­ພັນ​ກັບ​ການ​ພັດ­ທະ­ນາ ເພື່ອ​ສົ່ງ­ເສີມ​ຄວາມ​ສຳ­ພັນ​ດ້ານ​ເສດ­ຖະ­ກິດ-ວັດ­ທະ­ນະ­ທຳ.

    ໃນ​ພິ­ທີ​ດັ່ງ­ກ່າວ ສອງ​ຝ່າຍ​ຍັງ​ໄດ້​ຈັດ​ກອງ​ປະ­ຊຸມ​ພົບ​ປະ​ກ່ຽວ​ກັບ​ການ​ດຳ­ເນີນ​ທຸ­ລະ​ກິດ ເພື່ອ​ປຶກ­ສາ​ຫາ­ລື ແລກ­ປ່ຽນ​ຄວາມ​ຄິດ​ຄວາມ​ເຫັນ​ເຊິ່ງ​ກັນ ແລະ ກັນ ໃຫ້­ການ​ຮ່ວມ​ມື​ກັນ​ໃນ­ຕໍ່­ໜ້າ ເປັນ­ຕົ້ນ ດ້ານ​ກະ­ສິ­ກຳ ການ­ທ່ອງ­ທ່ຽວ ແລະ ທຸ­ລະ​ກິດ​ອື່ນໆ.

ຂ່າວທີ່ກ່ຽວຂ້ອງ