ຂ່າວຫຼ້າສຸດ

ຫາລືວຽກງານແກ້ໄຂຄວາມທຸກຍາກ ໃຫ້ໄປທິດທາງດຽວ

276 19 ມ.ສ. 2019 ຂ່າວໜ້າ​ໜຶ່ງ

    ກອງ​ປະ­ຊຸມ​ວິ­ຊາ​ການ ເພື່ອ​ປືກ​ສາ​ຫາ­ລື​ວຽກ​ງານ​ການ​ປະ­ສານ​ງານ ແລະ ກະ­ກຽມ​ການ​ສຳ​ມະ​ນາ​ການ​ສ້າງ­ຕັ້ງ​ກຸ່ມ​ການ​ຜະ­ລິດ ຈັດ​ຂຶ້ນ​ເມື່ອ​ບໍ່​ດົນ​ຜ່ານ​ມາ ທີ່​ຫ້ອງ​ປະ­ຊຸມ​ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ ເປັນ​ປະ­ທານ​ຂອງ​ທ່ານ ຈິດ ທະ­ວີ​ໃສ ຜູ້­ອຳ­ນວຍ­ການ​ບໍ­ລິ­ຫານ​ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ (ທລຍ) ມີ​ຜູ້­ຕາງ­ໜ້າ​ຈາກ​ກົມ​ພັດ­ທະ­ນາ​ຊົນ­ນະ­ບົດ ແລະ ສະ­ຫະ­ກອນ ກົມ​ສົ່ງ­ເສີມ​ເຕັກ­ນິກ ແລະ ປຸງ​ແຕ່ງ​ກະ­ສິ­ກຳ ຈາກ​ຫ້ອງ­ການ ທລຍ ກະ­ຊວງ​ກະ­ສິ­ກຳ ແລະ ປ່າ­ໄມ້ ທະ­ນາ­ຄານ​ນະ­ໂຍ­ບາຍ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ຈິດ ທະ­ວີ​ໃສ ໄດ້​ຍົກ​ໃຫ້​ເຫັນ​ເຖິງ​ປະ­ສົບ​ການ​ໃນ​ໄລ­ຍະ​ຜ່ານ​ມາ ກ່ຽວ​ກັບ​ການ​ສ້າງ­ຕັ້ງ​ກຸ່ມ​ຜະ­ລິດ​ທີ່​ໄດ້​ຮັບ​ທຶນ​ກູ້​ຢືມ​ຈາກ​ທະ­ນາ­ຄານ​ຕ່າງໆ ແລະ ຂໍ້​ຫຍຸ້ງ­ຍາກ​ຂອງ​ການ​ນຳ​ໃຊ້​ທຶນ​ກູ້​ຢືມ​ໃຫ້​ມີ​ປະ­ສິດ​ຜົນ​ຂອງ​ກຸ່ມ​ຜະ­ລິດ ທ່ານ​ຍັງ​ໄດ້​ເນັ້ນ​ຕື່ມ ປະ­ສົບ​ການ​ສ້າງ­ຕັ້ງ​ກຸ່ມ​ໃນ​ໄລ­ຍະ​ຜ່ານ​ມາ ແມ່ນ​ຈັດ​ຕັ້ງ​ໂດຍ​ອີງ​ຕາມ​ໜ້າ­ທີ່​ຂອງ​ແຕ່​ລະ​ພາກ­ສ່ວນ ທີ່​ຍັງ​ບໍ່​ມີ​ການ​ປະ­ສານ​ງານ​ແບບ​ລວມ​ສູນ ແລະ ໄປ​ໃນ​ທິດ​ທາງ​ດຽວ​ກັນ ເພື່ອ​ປຶກ­ສາ​ຫາ­ລື​ໃນ​ການ​ກະ­ກຽມ​ການ​ຈັດ​ສຳ​ມະ​ນາ​ກ່ຽວ​ກັບ​ການ​ສ້າງ­ຕັ້ງ​ກຸ່ມ​ຜະ­ລິດ​ຄັ້ງ​ນີ້​ຂຶ້ນ “ເພື່ອ​ປະ­ສານ​ງານ ແລະ ກະ­ກຽມ​ງານ​ສຳ​ມະ​ນາ​ການ​ສ້າງ­ຕັ້ງ​ກຸ່ມ​ຜະ­ລິດ ໂດຍ​ຊອກ​ຫາ​ບົດ­ຮຽນ​ອັນ​ດີ­ເລີດ​ໃນ​ການ​ສ້າງ­ຕັ້ງ​ກຸ່ມ​ຜະ­ລິດ ເພື່ອ​ນຳ​ສະ­ເໜີ​ຕໍ່​ງານ​ດັ່ງ­ກ່າວ” ຜົນ​ໄດ້​ຮັບ​ຈາກ​ກອງ​ປະ­ຊຸມ​ເຫັນ​ດີ​ຮ່ວມ​ກັນ ຈັດ​ສຳ​ມະ​ນາ​ການ​ສ້າງ​ກຸ່ມ​ການ​ຜະ­ລິດ ພາຍ​ໃຕ້​ກອບ​ຄວາມ​ຮັບ­ຜິດ­ຊອບ​ຂອງ​ແຕ່​ລະ​ຝ່າຍ​ແບບ​ກົມ­ກຽວ​ກັນ ແລະ ໃຫ້​ໄປ​ໃນ​ທິດ​ທາງ​ດຽວ ເຫັນ​ດີ​ໃຫ້​ແຕ່​ລະ​ຝ່າຍ​ຮວບ​ຮວມ ແລະ ກະ­ກຽມ​ເນື້ອ​ໃນ​ທີ່​ຈະ​ນຳ​ສະ­ເໜີ​ຕໍ່​ກອງ​ປະ­ຊຸມ​ສຳ​ມະ​ນາ ເຫັນ​ດີ​ໃຫ້​ມີ​ການ​ແຕ່ງ­ຕັ້ງ​ຜູ້​ປະ­ສານ​ງານ​ຈາກ​ແຕ່​ລະ​ຝ່າຍ ເພື່ອ​ປະ­ສານ​ງານ​ໃນ​ການ​ຫ້າງ​ຫາ​ກະ­ກຽມ​ການ​ຈັດ​ສຳ​ມະ​ນາ​ໃຫ້​ລະ­ອຽດ ແລະ ກ່ອນ​ການ​ຈັດ​ສຳ​ມະ​ນາ​ເຫັນ​ດີ ໃຫ້​ຈັດ​ທັດ­ສະ­ນະ​ສຶກ​ສາ ໃນ​ພື້ນ​ທີ່​ທີ່​ມີ​ການ​ດຳ­ເນີນ​ການ​ສ້າງ­ຕັ້ງ​ກຸ່ມ​ຜະ­ລິດ​ທີ່​ມີ​ຜົນ­ສຳ­ເລັດ.

ຂ່າວທີ່ກ່ຽວຂ້ອງ