ຂ່າວຫຼ້າສຸດ

ລາວໂຕໂຢຕ້າ ຕົກຮອບແບ່ງກຸ່ມ ເອເອັຟຊີ ຄັບ 2019

387 22 ມ.ສ. 2019 ວົງຈອນກີລາ
ລາວໂຕໂຢຕ້າ ຕົກຮອບແບ່ງກຸ່ມ ເອເອັຟຊີ ຄັບ 2019

    ສະ­ໂມ­ສອນ​ລາວ​ໂຕ​ໂຢ​ຕ້າ ເອັຟ​ຊີ ແຊັມ​ບານ­ເຕະ​ເປບ​ຊີ​ລາວ ພຣີ​ເມຍ​ລີກ 2018 ຕົວ​ແທນ​ຈາກ ສປປ ລາວ ຖືກ​ສະ­ໂມ­ສອນ​ໂຮມ ຢູ​ໄນ​ເຕັດ ຈາກ​ສິງ­ກະ­ໂປ ບຸກ​ມາ​ຊະ­ນະ​ຄາ​ບ້ານ 3-2 ປະ­ຕູ ເຮັດ​ໃຫ້​ຕົກ​ຮອບ​ແບ່ງ​ກຸ່ມ ໃນ​ການ​ແຂ່ງ­ຂັນ​ເຕະ­ບານ ເອ​ເອັຟ​ຊີ ຄັບ 2019 ຮອບ​ຄັດ​ເລືອກ ກຸ່ມ H (ASEAN ZONE) ວັນ​ທີ 17 ເມ­ສາ 2019 ຢູ່​ສະ­ໜາມ​ກີ­ລາ​ແຫ່ງ​ຊາດ ນະ­ຄອນ­ຫຼວງ​ວຽງ​ຈັນ.

    ການ​ແຂ່ງ­ຂັນ​ຄັ້ງ​ນີ້ ສະ­ໂມ­ສອນ​ລາວ​ໂຕ​ໂຢ​ຕ້າ ທີມ​ອັນ​ດັບ 4 ຂອງ​ກຸ່ມ H ມີ 1 ຄະ­ແນນ ຈາກ​ການ​ລົງ​ສະ­ໜາມ 3 ນັດ ໂດຍ​ນັດ​ທຳ​ອິດ​ລາວ​ໂຕ​ໂຢ​ຕ້າ ບຸກ​ໄປ​ເສຍ​ໃຫ້​ກັບ ໂຮມ ຢູ​ໄນ​ເຕັດ 0-1 ປະ­ຕູ ເຮັດ​ໃຫ້​ເກມ​ນີ້​ຕ້ອງ​ຊະ­ນະ​ສະ­ຖານ​ດຽວ ເພື່ອ​ລຸ້ນ​ເຂົ້າ​ຮອບ​ຕໍ່​ໄປ ສ່ວນ​ໂຮມ ຢູ​ໄນ​ເຕັດ ຖ້າ​ຊະ­ນະ ຈະ​ຂຶ້ນ​ເປັນ​ອັນ​ດັບ 1 ຂອງ​ກຸ່ມ ຖ້າ​ສະ­ເໝີ ຫຼື ເສຍ ກໍ​ຢູ່​ອັນ​ດັບ 3 ຄື­ເກົ່າ.

    ຜ່ານ​ການ​ແຂ່ງ­ຂັນ ສະ­ໂມ­ສອນ​ລາວ​ໂຕ​ໂຢ​ຕ້າ ຕ້ານ​ຄວາມ​ແຂງ​ແກ່ນ​ບໍ່​ໄຫວ ຖືກ​ສະ­ໂມ­ສອນ ໂຮມ ຢູ​ໄນ​ເຕັດ ບຸກ​ມາ​ຢ້ຳ​ໄຊ­ຊະ­ນະ​ເຖິງ​ຖິ່ນ 3-2 ປະ­ຕູ ຕົກ​ຮອບ​ແບ່ງ​ກຸ່ມ​ແນ່­ນອນ ຫຼັງ​ລົງ​ສະ­ໜາມ 4 ນັດ ມີ​ພຽງ 1 ຄະ­ແນນ ເຖິງ​ວ່າ​ຈະ​ຍັງ​ເຫຼືອ​ການ​ແຂ່ງ­ຂັນ​ອີກ 2 ນັດ ຄື​ວັນ​ທີ 30 ເມ­ສາ 2019 ຢູ່​ປະ­ເທດ​ຟີ​ລິບ​ປິນ ພົບ ສະ­ໂມ­ສອນ​ກາ​ຢາ ເອັຟ​ຊີ ແລະ ວັນ​ທີ 14 ພຶດ­ສະ­ພາ 2019 ຢູ່​ສະ­ໜາມ​ກີ­ລາ​ແຫ່ງ​ຊາດ ພົບ ສະ­ໂມ­ສອນ​ພີ​ເອັດ​ເອັມ ມາ​ກາດ​ຊະ ຈາກ​ອິນ​ໂດ​ເນ​ເຊຍ.

ຂ່າວທີ່ກ່ຽວຂ້ອງ