ຂ່າວຫຼ້າສຸດ

ໄຟໄໝ້ກຸດຕິວັດທາດຫຼວງເໜືອ ຍັງບໍ່ສາມາດປະເມີນຜົນເສຍຫາຍໄດ້

405 22 ມ.ສ. 2019 ຂ່າວໜ້າ​ໜຶ່ງ
ໄຟໄໝ້ກຸດຕິວັດທາດຫຼວງເໜືອ ຍັງບໍ່ສາມາດປະເມີນຜົນເສຍຫາຍໄດ້

    ທ່ານ ພັນ​ໂທ ຈັນ​ຫອມ ແກ້ວ​ສຸ­ລະ​ໄຊ ຫົວ­ໜ້າ​ຫ້ອງ​ຕຳ­ຫຼວດ ກອງ​ບັນ­ຊາ​ການ ປກສ ນະ­ຄອນ­ຫຼວງ​ວຽງ​ຈັນ ໄດ້​ລາຍ​ງານ​ໃຫ້​ຮູ້​ເຫດ­ການ​ໄຟ​ໄໝ້​ກຸດ­ຕິ​ຄູ­ບາ ຈົວ ວັດ​ທາດ­ຫຼວງ​ເໜືອ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ວັນ​ທີ 19 ເມ­ສາ 2019 ວ່າ: ອີງ​ຕາມ​ຄຳ​ໃຫ້­ການ​ຂອງ​ພະ​ອາ­ຈານ ສີ​ສະ­ຫວາດ ເພັດ​ສະ­ຫວັນ ໃຫ້​ຮູ້​ວ່າ: ເວ­ລາ 18:40 ໂມງ​ຂອງ​ວັນ​ທີ 18 ເມ­ສາ 2019 ໄດ້​ມີ​ເຫດ­ການ​ໄຟ​ໄໝ້​ກຸດ­ຕິ​ຄູ­ບາ ແລະ ຈົວ ຢູ່​ວັດ​ທາດ­ຫຼວງ​ເໜືອ ເປັນ​ກຸດ­ຕິ 2 ຊັ້ນ ຊັ້ນ​ລຸ່ມ​ກໍ່​ດ້ວຍ​ຊີ­ມັງ ຊັ້ນ​ເທິງ​ແອ້ມ​ດ້ວຍ​ແປ້ນ ປູ​ດ້ວຍ​ແປ້ນ ຫຼັງ­ຄາ​ມຸງ​ດ້ວຍ​ກະ­ເບື້ອງ ເຊິ່ງ​ກຸດ­ຕິ​ດັ່ງ­ກ່າວ​ມີ​ລວງ​ຍາວ 25 ແມັດ ກວ້າງ 8 ແມັດ ມີ 20 ຫ້ອງ ມີ​ຄູ­ບາ​ອາ­ໄສ​ຢູ່ 25 ອົງ ກ່ອນ​ຈະ​ເກີດ​ເຫດ­ການ​ໄຟ​ໄໝ້ ເວ­ລາ 18:35 ໂມງ​ຂອງ​ມື້​ດຽວ​ກັນ ໄດ້​ມີ​ໄຟ­ຟ້າ​ດັບ​ປະ­ມານ 1-2 ນາ­ທີ ຈາກ​ນັ້ນ​ໄຟ­ຟ້າ​ກໍ​ມາ ຕໍ່​ມາ​ໄຟ­ຟ້າ​ໄດ້​ດັບ​ອີກ​ເປັນ​ຄັ້ງ​ທີ 2 ຈຶ່ງ​ເກີດ​ໄຟ​ລຸກ​ໄໝ້​ຢູ່​ຝາ​ກຸດ­ຕິ​ດ້ານ​ຫຼັງ​ຫ້ອງ​ເຄິ່ງ​ກາງ ຄູ­ບາ ແລະ ຈົວ ໄດ້​ພ້ອມ​ກັນ​ມອດ​ແຕ່​ບໍ່​ສາ­ມາດ​ດັບ​ໄຟ​ໄດ້ ເຮັດ​ໃຫ້​ໄຟ​ລຸ­ກລາມ​ໄປ​ຫົວ­ກຸດ​ຕິ ຈຶ່ງ​ໄດ້​ປະ­ສານ​ຫາ​ລົດ​ມອດ​ໄຟ 6 ຄັນ ໃນ​ນີ້ ລົດ​ມອດ​ໄຟ​ຈາກ​ພະ​ແນກ​ສະ­ກັດ​ກັ້ນ​ອັກ­ຄີ​ໄພ ປກສ ນະ­ຄອນ­ຫຼວງ​ວຽງ​ຈັນ 3 ຄັນ ຈາກ​ກົມ​ຕຳ­ຫຼວດ​ມອດ​ໄຟ 1 ຄັນ ໜ່ວຍ​ກູ້​ໄພ 1623 1 ຄັນ ແລະ ປກສ ເມືອງ​ໄຊ​ເຊດ​ຖາ 1 ຄັນ ພ້ອມ​ທັງ​ໃຊ້​ກຳ­ລັງ​ຄົນ 40 ຄົນ ເຂົ້າ​ມາ​ຊ່ວຍ​ມອດ​ໄຟ ຈົນ​ຮອດ​ເວ­ລາ 20:00 ໂມງ ຈຶ່ງ​ສາ­ມາດ​ມອດ​ໄຟ​ໄດ້.

    ສຳ­ລັບ​ຜົນ​ເສຍ​ຫາຍ​ທີ່​ເກີດ​ໄຟ​ໄໝ້​ຄັ້ງ​ນີ້ ມີ​ກຸດ­ຕິ 1 ຫຼັງ ຊັ້ນ​ເທິງ​ແມ່ນ​ຄູ­ບາ ແລະ ຈົວ ພັກ​ເຊົາ ສ່ວນ​ຊັ້ນ​ລຸ່ມ​ເປັນ​ບ່ອນ​ເກັບ​ຮັກ­ສາ​ເຄື່ອງ​ຂອງ​ຕ່າງໆ ເຊິ່ງ​ກຸດ­ຕິ​ດັ່ງ­ກ່າວ ໄດ້​ນຳ​ໃຊ້​ມາ​ຫຼາຍ​ປີ ແຕ່​ມູນ​ຄ່າ​ການ​ເສຍ​ຫາຍ​ແມ່ນ​ຍັງ​ບໍ່​ສາ­ມາດ​ປະ​ເມີນ​ໄດ້ ແລະ ສາ­ເຫດ​ທີ່​ເກີດ​ອັກ­ຄີ​ໄພ ແມ່ນ​ຍັງ​ຢູ່​ໃນ​ຂັ້ນ​ຕອນ​ສືບ­ສວນ-ສອບ​ສວນ​ຂອງ​ເຈົ້າ​ໜ້າ­ທີ່​ກ່ຽວ­ຂ້ອງ ສ່ວນ​ຄູ­ບາ ແລະ ຈົວ ທີ່​ອາ­ໄສ​ຢູ່​ໃນ​ກຸດ­ຕິ ແມ່ນ​ປອດ​ໄພ​ໝົດ​ທຸກ​ອົງ.

ຂ່າວທີ່ກ່ຽວຂ້ອງ