ຂ່າວຫຼ້າສຸດ

ເກີດອຸັດເຫດຮ້າຍແຮງຢູ່ໃນໂບລີວີ

538 24 ມ.ສ. 2019 ຂ່າວຕ່າງປະເທດ
ເກີດອຸັດເຫດຮ້າຍແຮງຢູ່ໃນໂບລີວີ

    ເຈົ້າ​ໜ້າທີ່​ໂບ​ລີ​ວີ ແຈ້ງ​ໃຫ້​ຮູ້ເມື່ອ​ວັນ​ທີ 22 ເມສາ​ນີ້​ວ່າ ມີ​ຜູ້​ເສຍ​ຊີວິດ​ຢ່າງ​ໜ້ອຍ 25 ຄົນ ແລະ ບາດເຈັບ​ອີກ 24 ຄົນ ຈາກ​ອຸບັດເຫດ​ການ​ຄົມມະນາຄົມ​ຮ້າຍ​ແຮງ ເມື່ອ​ລົດ​ບັດ​ຄັນ​ໜຶ່ງ ພະຍາຍາມ​ແລ່ນ​ແຊງ​ລົດ​ຂົນສົ່ງ​ຂະໜາດ​ນ້ອຍ​ອີກ​ຄັນ​ໜຶ່ງ ແລ້ວ​ກໍ​ເສຍ​ຫຼັກ​ໄປ​ຕົກລົງ​ໃນ​ຮ່ອມ​ພູ ທີ່​ມີ​ຄວາມ​ເລິກ​ປະມານ 300 ແມັດ. ອຸບັດເຫດ​ດັ່ງກ່າວ ເກີດ​ຂຶ້ນ ຢູ່​ເສັ້ນທາງ​ທີ່​ເຊື່ອມ​ຕໍ່ ນະຄອນຫຼວງ​ລາ​ປາ​​ສ ກັບ​ເຂດ​ຢຸງ​ກາ​​ສ ໃນ​ໂບ​ລີ​ວີ.

   ກ່ອນ​ໜ້າ​ນີ້ ເມື່ອ​ເດືອນ​ກຸມພາ​ທີ່​ຜ່ານ​ມາ ກໍ​ໄດ້​ເກີດ​ອຸບັດເຫດ​ທີ່​ຄ້າຍຄື​ກັນ​ນັ້ນ ຢູ່​ໃນ​ໂບ​ລີ​ວີ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 24 ຄົນ ແລະ ​ບາດເຈັບ​ອີກ 12 ຄົນ.

    ປະທານາທິບໍດີ​ໂບ​ລີ​ວີ ເອ​ໂວ ໂມ​ຣາ​ເລ​​ສ ໄດ້​ສະແດງ​ຄວາມ​ເສົ້າ​ເສຍ​ໃຈ ໄປ​ຍັງ​ຄອບຄົວ​ຜູ້​ເສຍ​ຊີວິດ​ຈາກ​ອຸບັດເຫດ​ດັ່ງກ່າວ ພ້ອມ​ທັງ​ຮຽກຮ້ອງ​ໄປ​ຍັງ​ຜູ້​ຂັບ​ຂີ່​ທັງຫຼາຍ ໃຫ້​ມີ​ຄວາມ​ລະມັດລະວັງ ໃນ​ເວລາ​ທີ່​ເຂົ້າ​ຮ່ວມ​ການ​ຄົມມະນາຄົມ​ຕາມ​ທ້ອງ​ຖະໜົນ.

ຂ່າວທີ່ກ່ຽວຂ້ອງ