ມູນ​ຄ່າ​ການສົ່ງ​ອອກ​ອາວຸດຂອງອິດສະຣາ​ແອນ ບັນລຸ​ກວ່າ 7,5 ຕື້ ​ໂດ​ລາ ​ໃນ​ປີ 2018

1.140 24 ມ.ສ. 2019 ຂ່າວຕ່າງປະເທດ
ມູນ​ຄ່າ​ການສົ່ງ​ອອກ​ອາວຸດຂອງອິດສະຣາ​ແອນ ບັນລຸ​ກວ່າ 7,5 ຕື້ ​ໂດ​ລາ ​ໃນ​ປີ 2018

 

    ກະຊວງ​ປ້ອງ​ກັນ​ປະເທດ​ຂອງ​ອິດ​ສຣາ​ແອນ ແຈ້ງ​ໃຫ້​ຮູ້ເມື່ອ​ບໍ່​ດົນ​ມາ​ນີ້​ວ່າ ການ​ສົ່ງ​​ອອ​ໃນ​ຂົງເຂດ​ປ້ອງ​ກັນ​ຊາດ​ຂອງ​ອິດ​ສະ​ຣາ​ແອນ ໃນ​ປີ 2018 ບັນລຸ​ມູນ​ຄ່າ​ກວ່າ 7,5 ຕື້​ໂດ​ລາ​ສະຫະລັດ ຫຼຸດ​ລົງ​ເກືອບ 2 ຕື້ ໂດ​ລາ​ສະຫະລັດ ເມື່ອ​ທຽບໃສ່​ປີ 2017 (ບັນລຸ 9,2 ຕື້ ໂດ​ລາ​ສະຫະລັດ) ແຕ່​ກໍ​ຍັງ​ຄົງ​ສູງ​ກວ່າ​ລະດັບ​ສະເລ່ຍ​ພາຍ​ໃນ​ໜຶ່ງ​ທົດ​ສະ​ວັດ​ທີ່​ຜ່ານ​ມາ.

    ບົດ​ລາຍ​ງານ​ຂອງ​ກະຊວງ​ປ້ອງ​ກັນ​ປະເທດ​ອິດ​ສະ​ຣາ​ແອນ ໃຫ້​ຮູ້​ວ່າ 25% ຂອງ​ຈຳນວນ​ຜະລິດ​ຕະ​ພັນ​ປ້ອງ​ກັນ​ຊາດ​ຂອງ​ອິດ​ສຣາ​ແອນ ທີ່​ສົ່ງ​ອອກ​ໃນ​ປີ 2018 ແມ່ນ​ລູກ​ສອນ​ໄຟ ແລະ ລະບົບ​ປ້ອງ​ກັນ​ລູກ​ສອນ​ໄຟ. ໃນ​ຂະນະ​ດຽວ​ກັນ ບັນດາ​ອຸປະກອນ​ການບິນ​ແບບ​ບໍ່​ມີ​ຄົນ​ຂັບ (UAV) ກວມ​ເອົາ 15% ຂອງ​ຍອດ​ປະລິມານ​ການ​ສົ່ງ​ອອກ ໃນ​ຂະນະ​ທີ່​ລະບົບ​ຣາ​ດາ ແລະ ການ​ສູ້​ຮົບ​ເອ​ເລັກ​ໂຕຣ​ນິກ ກວມ​ເອົາ 14% ແລະ ລະບົບ​ເອ​ເລັກ​ໂຕຣ​ນິກ​ການບິນ​ກວມ​ເອົາ 14%.

   ບົດ​ລາຍ​ງານ​ກໍ​ໃຫ້​ຮູ້​ວ່າ ສັນຍາ​ທີ່​ໄດ້​ຮັບ​ການ​ລົງ​ນາມ​ເກືອບ​ທັງ​ໝົດ ແມ່ນ​ເປັນ​ລູກ​ຄ້າ​ຢູ່​ໃນ​ອາຊີ-ປາ​ຊີ​ຟິກ (46%) ທະວີບ​ເອີ​ຣົບ (26%) ອາ​ເມ​ຣິ​ກາ​ເໜືອ (20%) ອາ​ເມ​ຣິ​ກາ ລາ​ຕິນ (6%). ສ່ວນ​ການ​ສົ່ງ​ອອກ​ອາວຸດ​ຂອງ​ອິດ​ສະ​ຣາ​ແອນ ໄປ​ຍັງ​ບັນດາ​ປະເທດ​ໃນ​ທະວີບ​ອາ​ຟະ​ຣິກ​ກາ ຫຼຸດ​ລົງ​ຍັງ​ເຫຼືອ​ທີ່ 2%.

   ບົດ​ລາຍ​ງານ​ຂອງ​ສະ​ຖາ​ບັນ​ຄົ້ນຄວ້າ​ສັນຕິພາບ​ສາກົນ ສະ​ຕົກ​ໂຮມ ໃຫ້​ຮູ້​ວ່າ ອິດ​ສະ​ຣາ​ແອນ ເປັນ​ປະເທດ​ຜູ້​ສົ່ງ​ອອກ​ອາວຸດ​ໃຫຍ່​ອັນ​ດັບ 8 ຂອງ​ໂລກ ດ້ວຍ​ບໍ​ລິ​ມາດ​ການ​ສົ່ງ​ອອກ​ພາຍ​ໃນ 5 ປີ​ທີ່​ຜ່ານ​ມາ ສູງ​ກວ່າ 50% ທຽບໃສ່ 5  ປີ ກ່ອນ​ໜ້າ​ນັ້ນ.

ຂ່າວທີ່ກ່ຽວຂ້ອງ