ຂ່າວຫຼ້າສຸດ

ປະທານປະເທດ ແຫ່ງ ສປປ ລາວ ພົບປະກັບ ປະທານສະພາປະຊາຊົນທົ່ວປະເທດຈີນ

1.272 30 ມ.ສ. 2019 ຂ່າວໜ້າ​ໜຶ່ງ
ປະທານປະເທດ ແຫ່ງ ສປປ ລາວ ພົບປະກັບ ປະທານສະພາປະຊາຊົນທົ່ວປະເທດຈີນ

    ວັນ​ທີ 26 ເມສາ 2019 ຜ່ານ​ມາ ໃນ​ໂອກາດ​ຢ້ຽມຢາມ​ລັດ​ຖະ​ກິດ ແລະ ເຂົ້າ​ຮ່ວມ​ກອງ​ປະຊຸມ​ເວທີ​ປຶກສາ​ຫາລື​ການ​ຮ່ວມ​ມື​ສາກົນ “ໜຶ່ງ​ແລວ ໜຶ່ງ​ເສັ້ນທາງ” ຄັ້ງ​ທີ 2 ທີ່ ​ສປ ຈີນ ສະຫາຍ ບຸນ​ຍັງ ວໍລະ​ຈິດ ເລຂາທິການ​ໃຫຍ່ ປະທານ​ປະເທດ ແຫ່ງ ​ສປປ ລາວ ພ້ອມ​ດ້ວຍ​ຄະນະ​ຜູ້​ແທນ​ຂັ້ນ​ສູງ​ພັກ-ລັດ​ລາວ ໄດ້​ພົບ​ປະ​ກັບ ສະຫາຍ ລີ ຈ້ານ​ຊູ ຄະນະ​ປະຈຳ​ກົມ​ການເມືອງ​ສູນ​ກາງ​ພັກ​ກອມ​ມູ​ນິດ​ຈີນ ປະທານ​ສະພາ​ປະຊາຊົນ​ທົ່ວ​ປະເທດ​ຈີນ.

    ສະຫາຍ ບຸນ​ຍັງ ວໍລະ​ຈິດ ໄດ້​ສະແດງ​ຄວາມ​ພາກພູມ​ໃຈ​ທີ່​ໄດ້​ພົບ​ກັບ ສະຫາຍ ລີ ຈ້ານ​ຊູ ໄດ້​ຕີ​ລາຄາ​ສູງ​ຕໍ່ ສະຫາຍ​ເລຂາທິການ​ໃຫຍ່​ປະທານ​ປະເທດ ສີ ຈິ້ນ​ຜິງ ທີ່​ໄດ້​ສະເໜີ​ແນວ​ຄວາມ​ຄິດ​ອັນ​ໃໝ່ ໃນ​ການ​ກໍ່ສ້າງ “ໜຶ່ງ​ແລວ ໜຶ່ງ​ເສັ້ນທາງ” ຕີ​ລາຄາ​ສູງ​ຕໍ່​ຜົນສຳເລັດ​ຂອງ​ການ​ດຳເນີນ​ກອງ​ປະຊຸມ​ສະພາ​ປະຊາຊົນ​ທົ່ວ​ປະເທດ​ຈີນ ສະໄໝ​ສາມັນ​ເທື່ອ​ທີ 2 ຊຸດ​ທີ XIII ໃນ​ເດືອນ​ມີນາ​ທີ່​ຜ່ານ​ມາ ທັງ​ໄດ້​ຕີ​ລາຄາ​ສູງ​ຕໍ່​ຜົນສຳເລັດ​ອັນ​ໃຫຍ່​ຫຼວງ ຮອບດ້ານ ໃນ​ການ​ພັດທະນາ​ເສດຖະກິດ-ສັງຄົມ ຂອງ ​ສປ ຈີນ ໄດ້​ຕີ​ລາຄາ​ຄືນ​ສາຍ​ພົວພັນ​ມິດຕະພາບ ແລະ ການ​ຮ່ວມ​ມື​ແບບ​ຄູ່​ຮ່ວມ​ຍຸດ​ທະ​ສາດ​ຮອບດ້ານ ຕາມ​ທິດ 4 ດີ ລະຫວ່າງ ສອງ​ພັກ ສອງ​ລັດ ແລະ ປະຊາຊົນ​ສອງ​ຊາດ ລາວ-ຈີນ ກໍ​ຄື ການ​ພົວພັນ ລະຫວ່າງ ສອງ​ອົງການ​ນິຕິບັນຍັດ ແລະ ເຊື່ອ​ໝັ້ນ​ວ່າ ໃນຕໍ່ໜ້າ ສະພາ​ຂອງ 2 ປະເທດ ຈະ​ສືບຕໍ່​ເສີມ​ຂະຫຍາຍ​ການ​ພົວພັນ​ຮ່ວມ​ມື ເພື່ອ​ຜົນ​ປະໂຫຍດ​ຂອງ​ປະຊາຊົນ​ສອງ​ຊາດ ລາວ-ຈີນ.

    ສະຫາຍ ລີ ຈ້ານ​ຊູ ໄດ້​ສະແດງ​ຄວາມ​ຍິນ​ດີ​ຕ້ອນຮັບ ສະຫາຍ​ເລຂາທິການ​ໃຫຍ່ ປະທານ​ປະເທດ ບຸນ​ຍັງ ວໍລະ​ຈິດ ພ້ອມ​ດ້ວຍ​ຄະນະ​ທີ່​ເດີນທາງ​ມາ​ຢ້ຽມຢາມ ​ສປ ຈີນ ຄັ້ງ​ນີ້ ເຊິ່ງ​ເປັນ​ການ​ປະກອບສ່ວນ​ສຳຄັນ​ເຂົ້າ​ໃນ​ການ​ພົວພັນ ລະຫວ່າງ​ສອງ​ປະເທດ ໄດ້​ຕີ​ລາຄາ​ສູງ​ຕໍ່​ການ​ນຳ​ສູງ​ສຸດ ຂອງ​ສອງ​ພັກ ສອງ​ລັດ ຈີນ-ລາວ ທີ່​ເປັນ​ຜູ້ນຳ​ໜ້າ​ພາ​ທາງ​ໃນ​ການ​ເຮັດ​ໃຫ້ການ​ພົວພັນ​ສອງ​ປະເທດ ກ້າວ​ຂຶ້ນ​ສູ່​ໄລຍະ​ທີ່​ດີ​ທີ່​ສຸດ​ໃນ​ປະຫວັດສາດ ຝ່າຍ​ຈີນ ຍິນ​ດີ​ຈະ​ເພີ່ມ​ທະວີ​ການ​ຮ່ວມ​ມື ລະຫວ່າງ 2 ສະພາ ແລະ 2 ອົງການ​ນິຕິບັນຍັດ​ຂອງ​ສອງ​ປະເທດ.

ຂ່າວທີ່ກ່ຽວຂ້ອງ