ຂ່າວຫຼ້າສຸດ

ເຊີນບັນດາທ່ານເຂົ້າກວດສຸຂະພາບໂດຍບໍ່ເສຍຄ່າ

927 02 ພ.ພ. 2019 ຂ່າວໜ້າ​ໜຶ່ງ
ເຊີນບັນດາທ່ານເຂົ້າກວດສຸຂະພາບໂດຍບໍ່ເສຍຄ່າ

    ລາວ​ອິນ​ເຕີ​ຄລີ​ນິກ ເປັນ​ຫົວ­ໜ່ວຍ​ທຸ­ລະ​ກິດ​ໜຶ່ງ​ທີ່​ດຳ­ເນີນ​ທຸ­ລະ​ກິດ​ກ່ຽວ​ກັບ​ການ​ກວດ ແລະ ປິ່ນ­ປົວ​ຄົນ​ເຈັບ ໂດຍ​ລົງ​ເລິກ​ຊ່ຽວ­ຊານ​ພະ­ຍາດ​ຍິງ ໄລ­ຍະ​ຜ່ານ​ມາ​ຄລີ​ນິກ​ດັ່ງ­ກ່າວ ໄດ້​ປະ­ກອບ­ສ່ວນ​ຊ່ວຍ­ເຫຼືອ​ສັງ­ຄົມ​ລາວ​ຢ່າງ​ຕໍ່​ເນື່ອງ ໂດຍ​ສະ­ເພາະ ການ​ກວດ​ສຸ­ຂະ­ພາບ​ໂດຍ​ບໍ່​ເສຍ​ຄ່າ ໃນ​ໂອ­ກາດ​ວັນ​ສຳ­ຄັນ​ຕ່າງໆ​ຂອງ​ພັກ ຂອງ​ຊາດ ຂອງ​ສາ­ກົນ ແລະ ໃນ​ໂອ­ກາດ​ວັນ​ກຳ­ມະ­ກອນ​ສາ­ກົນ ຄົບ­ຮອບ 133 ປີ ກໍ​ໄດ້​ສືບ­ຕໍ່​ກວດ​ສຸ­ຂະ­ພາບ​ໃຫ້​ພະ­ນັກ­ງານ ທະ­ຫານ ຕຳ­ຫຼວດ ແລະ ປະ­ຊາ­ຊົນ​ເປັນ​ເວ­ລາ 3 ວັນ.

    ທ່ານ​ນາງ ດຣ ສີ​ວິ​ໄຊ ທຳ​ມະ​ລັງ­ສີ ຜູ້­ອຳ­ນວຍ­ການ​ລາວ​ອິນ​ເຕີ​ຄລີ​ນິກ ໃຫ້​ສຳ­ພາດ​ວ່າ: ກິດ­ຈະ­ກຳ​ແບບ​ນີ້​ໄດ້​ຈັດ​ຂຶ້ນ​ມາ​ຫຼາຍ​ປີ ເພື່ອ​ເປັນ​ການ​ສົ່ງ­ເສີມ​ສຸ­ຂະ­ພາບ​ຂອງ​ປະ­ຊາ­ຊົນ ໂດຍ​ຄລີ​ນິກ​ພວກ​ເຮົາ​ໄດ້​ມີ​ສ່ວນ​ຮ່ວມ ແລະ ເປັນ​ສ່ວນ​ໜຶ່ງ​ຊ່ວຍ​ພັກ-ລັດ ໂດຍ​ສະ­ເພາະ ກະ­ຊວງ​ສາ­ທາ­ລະ­ນະ​ສຸກ ໃນ​ການ​ປິ່ນ­ປົວ​ຄົນ​ເຈັບ ເຮັດ​ໃຫ້​ອັດ­ຕາ​ການ​ເຈັບ ແລະ ການ​ຕາຍ​ຍ້ອນ​ພະ­ຍາດ​ຫຼຸດ​ລົງ ອາ­ຍຸ​ຍືນ​ສະ­ເລ່ຍ​ເພີ່ມ​ຂຶ້ນ ໂດຍ​ໂອ­ກາດ​ວັນ​ກຳ­ມະ­ກອນ​ສາ­ກົນ​ປີ​ນີ້ ລາວ​ອິນ​ເຕີ​ຄລີ​ນິກ ໄດ້​ຈັດ​ກິດ­ຈະ­ກຳ​ໃຫ້​ບໍ­ລິ­ການ​ກວດ​ສຸ­ຂະ­ພາບ​ໂດຍ​ບໍ່​ເສຍ​ຄ່າ ຂຶ້ນ​ວັນ​ທີ 2-4 ພຶດ­ສະ­ພາ 2019 ເຊິ່ງ​ການ​ກວດ​ສຸ­ຂະ­ພາບ​ແມ່ນ​ຈະ​ກວດ​ດ້ວຍ​ເຄື່ອງ­ມື​ທີ່​ທັນ​ສະ­ໄໝ ຮູ້​ຜົນ​ທັນ­ທີ ພິ­ເສດ​ສຳ­ລັບ​ຜູ້­ຍິງ​ຈະ​ໄດ້​ກວດ​ຫາ​ມະ​ເຮັງ​ປາກ​ມົດ​ລູກ ຕື່ມ​ອີກ.

ຂ່າວທີ່ກ່ຽວຂ້ອງ