Microsof ລົງທຶນ 100 ລ້ານ​ໂດ​ລາ ກໍ່ສ້າງ​ສູນ​ຊອບ​ແວ​ຢູ່​ໃນ​ອາ​ຟະ​ຣິກ​ກາ

745 20 ພ.ພ. 2019 ຂ່າວຕ່າງປະເທດ
Microsof ລົງທຶນ 100 ລ້ານ​ໂດ​ລາ ກໍ່ສ້າງ​ສູນ​ຊອບ​ແວ​ຢູ່​ໃນ​ອາ​ຟະ​ຣິກ​ກາ

    ເມື່ອ​ວັນ​ທີ 13 ພຶດສະພາ​ທີ່​ຜ່ານ​ມາ ກຸ່ມ​ບໍລິສັດ Microsoft ຂອງ ສ ອາ​ເມ​ຣິ​ກາ ໄດ້​ປະກາດ​ແຜນການ​ລົງທຶນ 100 ລ້ານ​ໂດ​ລາ​ສະຫະລັດ ພາຍ​ໃນ 5 ປີ​ຕໍ່ໜ້າ ເພື່ອ​ກໍ່ສ້າງ ສູນ​ພັດທະນາ​ຊອບ​ແວ​ແຫ່ງ​ທຳ​ອິດ​ຂອງ​ຕົນ ຢູ່​ໃນ​ທະວີບ​ອາ​ຟະ​ຣິກ​ກາ. ນອກຈາກ​ນັ້ນແລ້ວ ກຸ່ມ​ບໍລິສັດ Microsoft ກໍ​ວາງ​ແຜນການ​ຮັບ​ສະໝັກ​ວິ​ສາ​ວະ​ກອນ​ໃນ​ທ້ອງຖິ່ນ ຈຳນວນ 500 ຄົນ ພາຍ​ໃນ 4 ປີ​ຕໍ່ໜ້າ.

    ໃນ​ສະເພາະ​ໜ້າ ແຕ່​ນີ້​ໄປ​ຫາ​ທ້າຍ​ປີ 2019 Microsoft ຈະ​ເປີດ​ຫ້ອງການ​ພັດທະນາ​ຊອບ​ແວ​ແຫ່ງ​ທຳ​ອິດ ຢູ່​ໃນ​ນະຄອນຫຼວງ ໄນ​ໂຣ​ບີ (ປະເທດ​ເຄນ​ຢາ) ແລະ ນະຄອນຫຼວງ ລາກ​​ົສ (ປະເທດ​ນີ​ເຊຣີ) ພ້ອມ​ກັນ​ນັ້ນ​ກໍ​ຈະ​ຮັບ​ສະໝັກ​ວິ​ສາ​ວະ​ກອນ​ໃນ​ທ້ອງຖິ່ນ​ປະມານ 100 ຄົນ ທີ່​ເຄື່ອນ​ໄຫວ​ສະເພາະ ຢູ່​ໃນ​ຂົງເຂດ​ການ​ພັດທະນາ​ເຕັກ​ໂນ​ໂລ​ຊີ​ປັນຍາ​ທຽມ (AI) ຮຽນ​ກ່ຽວ​ກັບ​ຈັກ (Machine learning) ແລະ​ຄວາມ​ເປັນ​ຈິງ​ປະສົມ (Mixed Reality).

ຫຼັງ​ຈາກ​ທີ່​ກຳເນີດ​ຂຶ້ນ​ມາ​ແລ້ວ ສູນ​ພັດທະນາ​ຊອບ​ແວ ທະວີບ​ອາ​ຟະ​ຣິກ (ADC) ຂອງ Microsoft ຈະ​ສົມທົບ​ກັບ​ມະຫາວິທະຍາໄລ ແລະ ສະ​ຖາ​ບັນ​ຄົ້ນຄວ້າ​ແຫ່ງ​ຕ່າງໆ​ໃນ​ທ້ອງຖິ່ນ ເພື່ອ​ຮ່າງ​ຫຼັກສູດ​ການ​ສຶກ​ສາ ເພື່ອ​ບຳລຸງ​ສ້າງ​ກ່ຽວ​ກັບ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ ທີ່​ເໝາະ​ສົມ​ທີ່​ສຸດ​ສຳລັບ​ນັກ​ສຶກ​ສາ​ໃນ​ທະວີບ​ອາ​ຟະ​ຣິກ​ກາ ແລະ ນັກ​ສຶກ​ສາ​ຢູ່​ທີ່​ນັ້ນ ຈະ​ໄດ້​ຮັບ​ສິດ​ເຂົ້າ​ຫາ​ສາງ​ຂອງ​ຫຼັກສູດ​ການ​ສຶກ​ສາ ໂດຍ​ແມ່ນ ADC ສະໜອງ​ໃຫ້.

ຂ່າວທີ່ກ່ຽວຂ້ອງ