ຂ່າວຫຼ້າສຸດ

ນັກຮຽນ 100 ກວ່າຄົນ ເຂົ້າຮ່ວມໂຄງການສອນນ້ອງລອຍນ້ຳ

583 20 ພ.ພ. 2019 ວົງຈອນກີລາ
ນັກຮຽນ 100 ກວ່າຄົນ ເຂົ້າຮ່ວມໂຄງການສອນນ້ອງລອຍນ້ຳ

    ສະ­ຫະ­ພັນ​ລອຍ­ນ້ຳ​ແຫ່ງ​ຊາດ​ລາວ ຮ່ວມ​ກັບ​ໂຮງ­ຮຽນ​ຝຣັ່ງ ຈັດ​ກິດ­ຈະ­ກຳ​ສອນ​ນ້ອງ​ລອຍ­ນ້ຳ ຂຶ້ນ​ວັນ​ທີ 10 ພຶດ­ສະ­ພາ ຜ່ານ​ມາ ຢູ່​ສະ​ລອຍ­ນ້ຳ​ວຽງ​ຈັນ ໂດຍ​ມີ​ທ່ານ ສົມ​ພູ ພົງ­ສາ ເລ­ຂາ­ທິ­ການ​ຄະ­ນະ​ກຳ­ມະ­ການ​ໂອ​ແລມ​ປິກ​ແຫ່ງ​ຊາດ​ລາວ ທ່ານ ສຸດ​ຖະ­ໜອມ ອິນ​ທະ​ວົງ ປະ­ທານ​ສະ­ຫະ­ພັນ​ລອຍ­ນ້ຳ​ແຫ່ງ​ຊາດ​ລາວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ແລະ ນັກ­ຮຽນ 100 ກວ່າ​ຄົນ​ເຂົ້າ​ຮ່ວມ.

    ທ່ານ ສຸ​ລຳ​ພອນ ເກີດ​ຫຼ້າ ຄູ​ເຝີກ​ກີ­ລາ​ລອຍ­ນ້ຳ​ທີມ​ຊາດ​ລາວ ກ່າວ​ວ່າ: ໂຄງ­ການ​ສອນ​ນ້ອງ​ລອຍ­ນ້ຳ ເປັນ​ໂຄງ­ການ​ໜຶ່ງ​ທີ່​ໄດ້​ດຳ­ເນີນ​ມາ​ເປັນ​ເວ­ລາ 5 ປີ (2014-2019) ໂດຍ​ໄລ­ຍະ​ທຳ​ອິດ 1 ຈະ​ຈັດ 2 ຄັ້ງ​ຄື: ເດືອນ​ພຶດ­ສະ­ພາ-ມິ­ຖຸ­ນາ ໄລ­ຍະ 2 ເດືອນ​ກັນ­ຍາ-ເດືອນ​ພະ­ຈິກ ເພື່ອ​ລີກ​ລ້ຽງ​ບັນ­ຫາ​ເດັກ­ນ້ອຍ​ຈົ່ມ​ນ້ຳ​ໃຫ້​ຫຼຸດ​ລົງ ພ້ອມ​ທັງ​ຮູ້​ວິ­ທີ​ເອົາ​ຕົວ​ລອດ​ໃນ​ນ້ຳ​ໄດ້ ສຳ­ລັບ​ໂຄງ­ການ​ປີ​ນີ້​ຄະ­ນະ​ກຳ­ມະ­ການ​ພວກ​ເຮົາ​ໄດ້​ເລືອກ​ເອົາ 5 ໂຮງ­ຮຽນ​ຄື: ໂຮງ­ຮຽນ​ປະ­ຖົມ​ສົມ­ບູນ​ໜອງ​ບອນ ໂພນ​ທັນ ໂພນ​ພະ​ເນົາ ໂສກ​ປ່າ​ຫຼວງ ແລະ ສີ​ສະ­ຫວາດ ໂດຍ​ຈະ​ມີ​ນັກ­ຮຽນ​ອາ­ຍຸ​ແຕ່ 7-11 ປີ​ເຂົ້າ​ຮ່ວມ.

    ສະ­ຫະ­ພັນ​ລອຍ­ນ້ຳ​ແຫ່ງ​ຊາດ​ລາວ ຂໍ​ເຊີນ­ຊວນ​ບັນ­ດາ​ໂຮງ­ຮຽນ​ພາກ​ລັດ ຖ້າ​ມີ​ຄວາມ​ສົນ­ໃຈ​ເຂົ້າ​ຮ່ວມ​ໂຄງ­ການ​ດັ່ງ­ກ່າວ ສາ­ມາດ​ຕິດ­ຕໍ່​ຄະ­ນະ​ຄູ​ເຝີກ​ສອນ ທີ່​ຄະ­ນະ​ກຳ­ມະ­ການ​ໂອ​ແລມ​ປິກ​ແຫ່ງ​ຊາດ​ລາວ ເພາະ­ວ່າ​ແຕ່​ລະ​ພາກ​ຈະ​ເອົາ 5 ໂຮງ­ຮຽນ​ເທົ່າ​ນັ້ນ.

ຂ່າວທີ່ກ່ຽວຂ້ອງ