ລັດຖະບານ ພິຈາລະນາບັນຫາສຳຄັນ ປະຈຳເດືອນພຶດສະພາ

1.159 23 ພ.ພ. 2019 ຂ່າວໜ້າ​ໜຶ່ງ
ລັດຖະບານ ພິຈາລະນາບັນຫາສຳຄັນ ປະຈຳເດືອນພຶດສະພາ

    ກອງ​ປະ­ຊຸມ​ລັດ­ຖະ­ບານ​ສະ­ໄໝ​ສາ­ມັນ ປະ­ຈຳ​ເດືອນ​ພຶດ­ສະ­ພາ 2019 ຈັດ​ຂຶ້ນ​ວັນ​ທີ 22 ພຶດ­ສະ­ພາ 2019 ຢູ່​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ໂດຍ​ເປັນ​ປະ­ທານ​ຂອງ​ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ມີ​ບັນ­ດາ​ທ່ານ​ຮອງ​ນາ­ຍົກ­ລັດ­ຖະ­ມົນ­ຕີ ແລະ ສະ­ມາ­ຊິກ​ລັດ­ຖະ­ບານ ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້ ຈະ​ດຳ­ເນີນ​ແຕ່​ວັນ​ທີ 22-23 ພຶດ­ສະ­ພາ​ນີ້ ເຊິ່ງ​ຈະ​ໄດ້​ຄົ້ນ­ຄວ້າ ປະ­ກອບ​ຄຳ​ຄິດ​ເຫັນ ແລະ ພິ­ຈາ­ລະ­ນາ​ຮັບ­ຮອງ​ເອົາ 9 ເອ­ກະ­ສານ​ສຳ­ຄັນ ຄື: ບົດ​ລາຍ​ງານ​ການ​ຄຸ້ມ​ຄອງ ການ​ຟື້ນ​ຟູ ແລະ ການ​ປູກ​ປ່າ ເພື່ອ​ທົດ​ແທນ​ການ​ຫັນ​ເນື້ອ­ທີ່​ປ່າ​ເປັນ​ເຂດ​ສຳ​ປະ­ທານ​ການ​ລົງ­ທຶນ ແລະ ເພື່ອ​ບັນ­ລຸ​ຄາດ­ໝາຍ​ເນື້ອ­ທີ່​ປ່າ​ປົກ​ຫຸ້ມ ໃນ​ປີ 2020 ບົດ​ລາຍ​ງານ​ການ​ປະ­ຕິ­ບັດ​ວຽກ​ຈຸດ​ສຸມ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ຕິດ​ພັນ​ກັບ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ໃນ​ແຕ່​ລະ​ໄລ­ຍະ ບົດ​ລາຍ​ງານ​ຜົນ​ການ​ວິ­ເຄາະ​ໂຄງ​ສ້າງ​ລາ­ຄາ​ນ້ຳ­ມັນ ແລະ ທິດ​ທາງ​ໃນ​ການ​ຄຸ້ມ​ຄອງ​ນ້ຳ​ໃນ ສປປ ລາວ ບົດ​ສະ­ຫຼຸບ​ຕີ​ລາ­ຄາ ການ­ຈັດ­ຕັ້ງ​ປະ­ຕິ­ບັດ​ຄຳ​ສັ່ງ ສະ­ບັບ​ເລກ​ທີ 02/ນຍ ວ່າ​ດ້ວຍ​ການ​ປັບ­ປຸງ​ບັນ­ດາ​ລະ­ບຽບ​ການ ແລະ ກົນ​ໄກ​ປະ­ສານ​ງານ​ໃນ​ການ​ດຳ­ເນີນ​ທຸ­ລະ​ກິດ​ຢູ່ ສປປ ລາວ ບົດ​ລາຍ​ງານ​ການ­ຈັດ­ຕັ້ງ​ປະ­ຕິ­ບັດ​ປີ​ທ່ອງ​ທ່ຽວ ລາວ-ຈີນ 5 ເດືອນ​ຕົ້ນ​ປີ ແລະ ວຽກ​ຈຸດ​ສຸມ​ສົ່ງ­ເສີມ​ປີ​ທ່ອງ​ທ່ຽວ ລາວ-ຈີນ 2019 ບົດ​ລາຍ​ງານ​ການ​ຄຸ້ມ​ຄອງ ການ​ອອກ​ໃບ​ຕາ­ດິນ​ຊ້ຳ​ຊ້ອນ ໃນ​ໄລ­ຍະ​ຜ່ານ​ມາ ແລະ ມາດ​ຕະ­ການ​ແກ້​ໄຂ​ໃນ­ຕໍ່­ໜ້າ ບົດ​ລາຍ​ງານ​ການ​ປັບ­ປຸງ​ຮ່າງ​ລັດ​ຖະ​ບັນ­ຍັດ 003/ປປທ ວ່າ​ດ້ວຍ​ຄ່າ​ທຳ­ນຽມ ແລະ ຄ່າ​ບໍ­ລິ­ການ ບົດ​ລາຍ​ງານ​ກ່ຽວ​ກັບ​ບັນ­ຊີ​ລາຍ­ການ​ໄມ້ ແລະ ຜະ­ລິດ​ຕະ​ພັນ​ໄມ້​ເພື່ອ​ສົ່ງ​ອອກ ແລະ ບົດ​ລາຍ​ງານ ຜົນ​ການ​ສຶກ​ສາ​ກ່ຽວ​ກັບ​ແຜນ​ຍຸດ​ທະ​ສາດ ສຳ­ລັບ​ການ​ຄຸ້ມ​ຄອງ​ທຸ­ລະ​ກິດ​ຄາ​ຊິ​ໂນ ຢູ່ ສປປ ລາວ ແລະ ອະ­ນາ­ຄົດ.

ຂ່າວທີ່ກ່ຽວຂ້ອງ