ຂ່າວຫຼ້າສຸດ

ນັກກີລາລົດຖີບລາວ ຍາດໄດ້ທີ 3 ລາຍການ Bikingman Lao world

1.058 24 ພ.ພ. 2019 ວົງຈອນກີລາ
ນັກກີລາລົດຖີບລາວ ຍາດໄດ້ທີ 3 ລາຍການ Bikingman Lao world

    ສະ­ຫະ­ພັນ​ກີ­ລາ​ລົດ­ຖີບ​ແຫ່ງ​ຊາດ​ລາວ ສົ່ງ​ສອງ​ນັກ­ກີ­ລາ​ຖີບ​ລົດ​ທີມ​ຊາດ​ລາວ ທ້າວ ຖາ­ວອນ ພົນ​ອາ­ສາ ແລະ ທ້າວ ທະ­ວີ​ສັກ ສຸ­ວັນ­ນະ​ຣາ​ຊ ເຂົ້າ​ຮ່ວມ​ການ​ແຂ່ງ­ຂັນ​ຖີບ​ລົດ ລາຍ­ການ Bikingman Lao World Championship Race ຈັດ​ຂຶ້ນ​ທີ່​ແຂວງ​ຫຼວງ​ພະ​ບາງ ໃນ​ລະ­ຫວ່າງ​ວັນ​ທີ 20-24 ພຶດ­ສະ­ພາ 2019 ໂດຍ​ເສັ້ນ­ທາງ​ແຂ່ງ­ຂັນ​ແມ່ນ​ເລີ່ມ​ຈາກ​ຫຼວງ​ພະ​ບາງ-ອຸ­ດົມ​ໄຊ-ໄຊ​ຍະ​ບູ​ລີ-ກາ­ສີ​ແຂວງ​ວຽງ​ຈັນ-ຫຼວງ​ພະ​ບາງ ລວມ​ໄລ­ຍະ​ທາງ 780 ກິ­ໂລ­ແມັດ.

    ຜ່ານ​ການ​ແຂ່ງ­ຂັນ ທ້າວ ຖາ­ວອນ ພົນ​ອາ­ສາ ນັກ­ກີ­ລາ​ລົດ­ຖີບ​ທີມ​ຊາດ​ລາວ ສາ­ມາດ​ເຂົ້າ​ເສັ້ນ​ໄຊ​ເປັນ​ຄົນ­ທີ 3 ດ້ວຍ​ເວ­ລາ 62 ຊົ່ວ­ໂມງ 24 ນາ­ທີ ເຊິ່ງ​ເປັນ​ການ​ແຂ່ງ­ຂັນ​ລົດ­ຖີບ​ໄລ­ຍະ​ທາງ​ຍາວ​ວິ­ບາກ Ultra Distance Cycling ໄລ­ຍະ​ຍາວ​ເຖິງ 780 Km ການ​ແຂ່ງ­ຂັນ​ລາຍ­ການ​ດັ່ງ­ກ່າວ ເປັນ 1 ໃນ 6 ລາຍ­ການ​ລະ­ດັບ​ໂລກ ໃນ 5 ທະ­ວີບ ລວມ​ມີ ປະ­ເທດ​ໂອ​ມານ ຝຣັ່ງ ສປປ ລາວ ເປ​ຣູ ປ໋ອກ​ຕຸຍ​ການ ແລະ ໄຕ້​ຫວັນ ມີ​ຜູ້​ເຂົ້າ​ຮ່ວມ​ແຂ່ງ­ຂັນ​ຄັ້ງ​ນີ້ ທັງ​ໝົດ 15 ຄົນ ສ່ວນ​ຊະ­ນະ​ເລີດ ໄດ້­ແກ່ ທ້າວ Jason Black ຈາກ​ປະ­ເທດ​ໄອ​ແລນ ອັນ​ດັບ 2 ທ້າວ Michael Duane ຈາກ​ອົດ​ສະ​ຕຣາ​ລີ ແລະ ອັນ​ດັບ 4 ທ້າວ Rodney Soncco ຈາກ​ເປ​ຣູ.

ຂ່າວທີ່ກ່ຽວຂ້ອງ