ຂ່າວຫຼ້າສຸດ

ຫົວເຫວີຍ ມີຄວາມກຽມພ້ອມ ແລະ ເຮັດໜ້າທີ່ຂອງຕົນດີທີ່ສຸດ

1.808 24 ພ.ພ. 2019 ຫົວຂໍ້ຂ່າວອື່ນໆ
ຫົວເຫວີຍ ມີຄວາມກຽມພ້ອມ ແລະ ເຮັດໜ້າທີ່ຂອງຕົນດີທີ່ສຸດ

    ທ່ານ Ren Zhengfei ຜູ້​ບໍ­ລິ­ຫານ​ບໍ­ລິ­ສັດ​ຫົວ​ເຫວີຍ (Huawei) ກ່າວ​ເມື່ອ​ບໍ່​ດົນ​ມາ​ນີ້​ວ່າ: ຜູ້​ສະ­ໜອງ​ລາຍ​ໃຫຍ່​ຂອງ ສ ອາ​ເມ​ຣິ​ກາ ໃຫ້­ການ​ຮ່ວມ​ມື​ຢ່າງ​ເຕັມ­ທີ່​ໃນ​ການ​ກະ­ກຽມ​ສິນ­ຄ້າ​ໃຫ້​ຫົວ​ເຫວີຍ ທ່າມ­ກາງ​ທີ່​ໄດ້​ຈຳ­ກັດ​ຫົວ​ເຫວີຍ ໃນ​ການ​ເຮັດ​ທຸ­ລະ​ກິດ​ຮ່ວມ​ກັນ​ກັບ​ບໍ­ລິ­ສັດ​ຂອງ​ອາ​ເມ​ຣິ​ກາ.

    30 ປີ­ຜ່ານ­ມາ ຜູ້​ສະ­ໜອງ​ໄດ້​ຊ່ວຍ​ໃຫ້​ຫົວ​ເຫວີຍ​ເຕີບ​ໃຫຍ່​ຂະ­ຫຍາຍ­ຕົວ ແລະ ປະ­ກອບ­ສ່ວນ​ຊ່ວຍ­ເຫຼືອ​ພວກ​ເຮົາ​ຢ່າງ​ຫຼວງ­ຫຼາຍ ໄດ້​ສອນ​ວິ­ທີ​ການ​ປະ­ຕິ­ບັດ ແລະ ການ​ບໍ­ລິ­ຫານ​ທີ່​ຖືກ­ຕ້ອງ ນອກ​ນີ້​ຍັງ​ມີ​ຫຼາຍ​ສິບ​ບໍ­ລິ­ສັດ ສ່ວນ​ໃຫຍ່​ທີ່​ບໍ­ລິ­ການ​ໃຫ້​ຄຳ​ປຶກ­ສາ​ແກ່​ຫົວ​ເຫວີຍ ລວມ​ເຖິງ IBM ແລະ Accenture.

    ອາ​ເມ​ຣິ​ກາ ໄດ້​ເພີ່ມ​ຫົວ​ເຫວີຍ​ເຂົ້າ​ໃນ​ລາຍ­ການ Entity ໝາ­ຍວ່າ ຖ້າ​ບໍ­ລິ­ສັດ​ໃນ​ອາ​ເມ​ຣິ​ກາ​ຕ້ອງ­ການ​ຂາຍ​ສິນ­ຄ້າ​ໃຫ້​ຫົວ​ເຫວີຍ ຕ້ອງ​ໄດ້​ຮັບ​ການ​ອະ­ນຸ­ມັດ​ຈາກ​ວໍ​ຊິງ​ຕັນ​ກ່ອນ ນອກ​ນີ້​ຍັງ​ໄດ້​ກ່າວ​ຫາ​ຫົວ​ເຫວີຍ​ຫຼາຍ​ດ້ານ ລວມ​ເຖິງ​ດ້ານ​ການ​ຄຸ້ມ​ຄອງ​ການ​ເງິນ ແລະ ຍັງ​ໄດ້​ກ່າວ​ວ່າ​ເຄືອ​ຄ່າຍ 5G ອາດ​ເປັນ​ໄພ​ຄຸກ​ຄາມ​ຕໍ່​ຄວາມ​ໝັ້ນ­ຄົງ ອາ­ເມ­ລິ­ກາ​ໄດ້​ຕັດ­ສິນ​ໃຈ​ຍົກ­ເລີກ​ຄຳ​ສັ່ງ ໂດຍ​ອອກ​ໃບ​ອະ­ນຸ­ຍາດ​ຊົ່ວ­ຄາວ​ໃຫ້​ຫົວ​ເຫວີຍ.

    ພວກ​ເຮົາ​ກຽມ­ພ້ອມ​ຢ່າງ​ເຕັມ­ທີ່ ສິ່ງ​ທີ່​ສຳ­ຄັນ​ຍັງ​ເຮັດ​ໜ້າ­ທີ່​ຂອງ​ຕົນ​ດີ​ທີ່​ສຸດ​ໃນ​ປັດ­ຈຸ­ບັນ 5G ບໍ່​ແມ່ນ​ລະ­ເບີດ​ປະ​ມາ​ນູ ແຕ່​ເປັນ​ສິ່ງ​ທີ່​ເປັນ​ປະ­ໂຫຍດ​ຕໍ່​ມະ­ນຸດ​ສັງ­ຄົມ ຫົວ​ເຫວີຍ​ຈະ​ບໍ່​ປະ­ຕິ­ເສດ​ການ​ໃຊ້ chips ຂອງ​ອາ​ເມ​ຣິ​ກາ ແລະ ຕ້ອງ­ການ​ຢາກ​ພັດ­ທະ­ນາ​ເຕັກ​ໂນ​ໂລ​ຢີ​ຮ່ວມ​ກັນ ພວກ​ເຮົາ​ສາ­ມາດ​ຜະ­ລິດ chips ໄດ້​ດີ​ເທົ່າ chips ທີ່​ຜະ­ລິດ​ໂດຍ​ບໍ­ລິ­ສັດ​ອາ​ເມ​ຣິ​ກາ ພວກ​ເຮົາ​ຈຳ­ເປັນ​ຕ້ອງ​ໄດ້​ຮຽນ​ຮູ້​ເຕັກ​ໂນ​ໂລ​ຊີ​ຈາກ​ອາ​ເມ​ຣິ​ກາ​ໃນ​ແງ່​ຄວາມ​ກວ້າງ ແລະ ຄວາມ​ເລິກ ແຕ່​ພຶ້ນ​ທີ່ 5G ຫົວ​ເຫວີຍ ຍັງ​ຢູ່​ໃນ​ລະ­ດັບ​ແນວ​ໜ້າ ເຖິງ​ຈະ​ບໍ່​ສາ­ມາດ​ປະ­ຕິ­ເສດ​ວ່າ​ຍັງ​ມີ​ຊ່ອງ​ຫວ່າງ​ຂະ­ໜາດ​ໃຫຍ່.

ຂ່າວທີ່ກ່ຽວຂ້ອງ