ຂ່າວຫຼ້າສຸດ

ຈັດແຂ່ງຂັນກີລາປິ່ງປ່ອງ ສະຫຼອງວັນເດັກນ້ອຍສາກົນ

606 29 ພ.ພ. 2019 ວົງຈອນກີລາ
ຈັດແຂ່ງຂັນກີລາປິ່ງປ່ອງ ສະຫຼອງວັນເດັກນ້ອຍສາກົນ

    ສະ­ຫະ­ພັນ​ກີ­ລາ​ປິ່ງ​ປ່ອງ​ແຫ່ງ​ຊາດ​ລາວ ຮ່ວມ​ກັບ​ສູນ​ເຝິກ­ຊ້ອມ​ປິ່ງ​ປ່ອງ​ດາ­ລາ​ວອນ ຈະ​ຈັດ​ແຂ່ງ­ຂັນ​ປິ່ງ​ປ່ອງ ຂຶ້ນ​ວັນ​ທີ 1 ມິ­ຖຸ­ນາ 2019 ຢູ່​ສູນ​ການ​ຄ້າ​ໄອ​ເຕັກ​ມໍ ເພື່ອ​ສະ­ເຫຼີມ­ສະ­ຫຼອງ​ວັນ­ເດັກ­ນ້ອຍ​ສາ­ກົນ ແລະ ວັນ​ປູກ​ຕົ້ນ­ໄມ້​ແຫ່ງ​ຊາດ ທັງ​ເປັນ​ການ​ເຝິກ­ຊ້ອມ​ນັກ­ກີ­ລາ ເຂົ້າ​ຮ່ວມ​ແຂ່ງ­ຂັນ​ປິ່ງ​ປ່ອງ​ຊີງ​ແຊັມ​ອາ​ຊຽນ ຢູ່​ປະ­ເທດ​ໄທ.

    ທ່ານ​ນາງ ດາ­ລາ​ວອນ ມະ­ນີ​ຈັນ ຄູ​ເຝິກ​ນັກ­ກີ­ລາ​ປິ່ງ​ປ່ອງ​ແຫ່ງ​ຊາດ​ລາວ ຄະ­ນະ​ຈັດ­ການ​ແຂ່ງ­ຂັນ ໃຫ້​ສຳ­ພາດ​ວ່າ: ພວກ​ເຮົາ​ເປີດ​ຮັບ​ສະ­ໝັກ​ຜູ້​ເຂົ້າ​ຮ່ວມ​ແຂ່ງ­ຂັນ​ທົ່ວ​ໄປ ໂດຍ​ເປີດ​ໂອ­ກາດ​ໃຫ້​ຄົນ​ທີ່​ມີ​ຄວາມ​ຮັກ-ມັກ​ດ້ານ​ກີ­ລາ​ປະ­ເພດ​ນີ້ ເຊິ່ງ​ກິດ­ຈະ­ກຳ​ຈະ​ດຳ­ເນີນ​ແຕ່​ວັນ​ທີ 1 ມິ­ຖຸ­ນາ​ເປັນ­ຕົ້ນ​ໄປ ໂດຍ​ຈະ​ເປີດ​ສອນ​ປິ່ງ​ປ່ອງ​ໂດຍ​ບໍ່​ໄດ້​ເສຍ​ຄ່າ ຈາກ​ຄູ​ເຝິກ​ມື​ອາ­ຊີບ ສ່ວນ​ວັນ​ທີ 2 ມິ­ຖຸ­ນາ ຈະ​ແຂ່ງ­ຂັນ​ເພື່ອ​ຊີງ​ຂັນ​ລາ­ງວັນ​ຈາກ​ເລ­ຂາ​ສະ­ຫະ­ພັນ​ກີ­ລາ​ປິ່ງ​ປ່ອງ​ແຫ່ງ​ຊາດ​ລາວ ປະ­ກອບ​ມີ 5 ຮຸ່ນ ຄື: ອາ­ຍຸ 10 ປີ 12 ປີ 15 ປີ 18 ປີ ແລະ ທົ່ວ​ໄປ ກິດ­ຈະ­ກຳ​ຄັ້ງ​ນີ້ ນອກ­ຈາກ​ຈະ​ເປັນ​ການ­ເຄື່ອນ­ໄຫວ​ຂອງ​ສະ­ຫະ­ພັນ​ແລ້ວ ຍັງ​ເປັນ​ການ​ເຝິກ­ຊ້ອມ​ນັກ­ກີ­ລາ ເພື່ອ​ກຽມ​ເຂົ້າ​ຮ່ວມ​ການ​ແຂ່ງ­ຂັນ​ປິ່ງ​ປ່ອງ​ຊີງ​ແຊ້ມ​ອາ​ຊຽນ ທີ່​ຈະ​ຈັດ​ຂຶ້ນ​ວັນ​ທີ 4-9 ມິ­ຖຸ­ນາ 2019 ຢູ່​ປະ­ເທດ​ໄທ ຕື່ມ​ອີກ.

    ສຳ­ລັບ​ການ​ແຂ່ງ­ຂັນ​ປິ່ງ​ປ່ອງ​ສະ­ເຫຼີມ­ສະ­ຫຼອງ​ວັນ­ເດັກ­ນ້ອຍ​ສາ­ກົນ ແລະ ວັນ​ປູກ​ຕົ້ນ­ໄມ້​ແຫ່ງ​ຊາດ ຄາດ​ວ່າ​ຈະ​ມີ​ນັກ­ກີ­ລາ​ຈາກ​ສະ­ຫະ­ພັນ​ກີ­ລາ​ປິ່ງ​ປ່ອງ​ແຫ່ງ​ຊາດ​ລາວ ຫຼື ສະ­ໂມ­ສອນ sv ລ້ານ​ຊ້າງ ມສ ວຽງ​ຈັນ ຮຮ ຊ້າງ​ນ້ອຍ ແລະ ສູນ​ເຝິກ​ດາ­ລາ​ວອນ ແລະ ບຸກ­ຄົນ​ທົ່ວ​ໄປ ເຂົ້າ​ຮ່ວມ.

ຂ່າວທີ່ກ່ຽວຂ້ອງ