ຂ່າວຫຼ້າສຸດ

ເກົ້າແສນ ປະທະ ເດັ່ນນະຄອນ ມວຍຮອບຊີງຂັນຫົວໜ້າພະແນກສຶກສາ-ກີລາ ນວ

736 29 ພ.ພ. 2019 ວົງຈອນກີລາ
ເກົ້າແສນ ປະທະ ເດັ່ນນະຄອນ ມວຍຮອບຊີງຂັນຫົວໜ້າພະແນກສຶກສາ-ກີລາ ນວ

    ທ່ານ ຄຳ​ເສັງ ສູນ​ດາ­ລາ ປະ­ທານ​ສະ­ໂມ­ສອນ​ມວຍ​ຄຳ​ເສັງ ປະ­ທານ​ບໍ­ລິ­ສັດ ຄຳ​ເສັງ ຈຳ­ກັດ ປະ­ທານ​ສະ­ຫະ­ພັນ​ມວຍ​ລາວ ນະ­ຄອນ­ຫຼວງ​ວຽງ​ຈັນ (ນວ) ແຈ້ງ​ໃຫ້​ຮູ້​ວັນ​ທີ 27 ພຶດ­ສະ­ພາ 2019 ວ່າ: ເພື່ອ​ສົ່ງ­ເສີມ​ນັກ­ຊົກ­ມວຍ​ຮຸ່ນ​ສືບ​ທອດ​ຂອງ ນວ ສາ­ມາດ​ສ້າງ​ປະ­ສົບ​ການ ແລະ ພັດ­ທະ­ນາ​ຕົນ​ເອງ​ກ້າວ​ສູ່​ສັງ­ວຽນ​ອາ­ຊີບ ກໍ​ຄື​ທີມ​ຊາດ​ໃນ​ອະ­ນາ­ຄົດ ສະ­ຫະ­ພັນ​ມວຍ​ລາວ ນວ ຮ່ວມ​ກັບ​ພະ​ແນກ​ສຶກ​ສາ​ທິ​ການ ແລະ ກີ­ລາ ນວ ຈະ​ເປີດ​ສັງ­ວຽນ​ມວຍ​ສູນ​ກີ­ລາ​ໃນ​ຮົ່ມ​ບຶງ​ຂະ​ຫຍອງ ຈັດ​ແຂ່ງ­ຂັນ​ກີ­ລາ​ມວຍ​ລາວ ມວຍ​ຮອບ ຮຸ່ນ​ນ້ຳ­ໜັກ 55 ກິ​ໂລ ຊີງ​ຂັນ​ທ່ານ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນວ ຄັ້ງ​ທີ l ປະ­ຈຳ​ປີ 2019 ໃນ​ທຸກ​ອາ­ທິດ ເລີ່ມ​ແຕ່​ວັນ​ທີ 31 ພຶດ­ສະ­ພາ-ເດືອນ​ສິງ­ຫາ 2019 ນອກ​ນີ້ ສັງ­ວຽນ​ດັ່ງ­ກ່າວ ຍັງ​ເປັນ​ສະ­ຖານ­ທີ່​ນຳ​ໃຊ້​ໃນ​ການ​ສ້າງ​ນັກ­ກີ­ລາ​ຂອງ ນວ ເປັນ­ຕົ້ນ​ມວຍ​ລາວ ມວຍ​ປັນ​ຈັກ​ສີ​ລັດ ແລະ ມວຍ​ສາ­ກົນ ກຽມ​ເຂົ້າ​ຮ່ວມ​ແຂ່ງ­ຂັນ​ງານ​ກີ­ລາ​ແຫ່ງ​ຊາດ ຄັ້ງ​ທີ Xl ຢູ່​ແຂວງ​ຊຽງ​ຂວາງ ວັນ​ທີ 20-31 ມິ­ຖຸ­ນາ 2020.

    ການ​ແຂ່ງ­ຂັນ​ມວຍ​ຮອບ​ຄັ້ງ​ນີ້ ມີ​ນັກ​ຊົກ 8 ຄົນ​ຈາກ 6 ຄ້າຍ​ເຂົ້າ​ຮ່ວມ ແບ່ງ​ເປັນ 2 ກຸ່ມ ຄື: A ແລະ B ແຕ່​ລະ​ກຸ່ມ​ແຂ່ງ­ຂັນ​ພົບ​ກັນ​ໝົດ ເສຍ 2 ຄັ້ງ ຕົກ​ຮອບ ສຳ­ລັບ​ຕາ­ຕະ­ລາງ​ການ​ແຂ່ງ­ຂັນ​ວັນ​ທີ 31 ພຶດ­ສະ­ພາ ສະ­ເພາະ​ລາຍ­ການ​ມວຍ​ຮອບ ມີ 2 ຄູ່ ກຸ່ມ A ຄູ່​ທີ 1 ເກົ້າ​ແສນ ຂວັນ​ໃຈ​ສີ​ໂຄດ ພົບ ເດັ່ນ​ນະ­ຄອນ ເພັດ​ນະ­ຄອນ ຂຸນ​ເຫຼັກ ສະ­ໂມ­ສອນ​ຄຳ​ເສັງ ພົບ ເພັດ​ບຸນ​ຄ້ຳ ມຸງ­ຄຸນ​ເພັດ ນອກ​ນີ້​ຍັງ​ມີ​ມວຍ​ໃນ​ລາຍ­ການ​ເປັນ​ການ​ຊົກ​ລະ­ຫວ່າງ ນັກ​ມວຍ​ລາວ-ໄທ 6 ຄູ່ ວັນ​ທີ 7 ມິ­ຖຸ­ນາ 2019 ສືບ­ຕໍ່​ແຂ່ງ­ຂັນ​ກຸ່ມ B ຄູ່​ທີ 1 ແມັກ​ນ້ອຍ ສໍ​ຈະ­ເລີນ​ສິງ ພົບ ຕະ­ກຸນ​ແທ້ ສໍ​ວິ­ລະ​ສິດ ຄູ່​ທີ 2 ເມຍ​ຕະ​ລຸຍ ສະ­ໂມ­ສອນ​ຄຳ​ເສັງ ພົບ ເດັ່ນ​ເມືອງ​ເໜືອ ສໍ​ຈະ­ເລີນ​ສຸກ ພ້ອມ​ມວຍ​ໃນ​ລາຍ­ການ ອາ­ທິດ​ລະ 6 ຄູ່.

ຂ່າວທີ່ກ່ຽວຂ້ອງ