ຂ່າວຫຼ້າສຸດ

ເກີດເຫດສະຫຼົດໃຈ ມີຄົນຖືກໄຟຟ້າຊ໋ອດເສຍຊີວິດຢູ່ບ້ານດອນຕີ້ວ

1.078 07 ມິ.ຖ. 2019 ຂ່າວໜ້າ​ໜຶ່ງ

    ວັນ​ທີ 6 ມິ­ຖຸ­ນາ 2019 ເວ­ລາ​ປະ­ມານ 1:40 ໂມງ ໜ່ວຍ​ກູ້​ໄພ​ມູນ​ນິ­ທິ​ຊ່ວຍ­ເຫຼືອ​ຄົນ​ທຸກ​ຍາກ​ແຫ່ງ ສປປ ລາວ ໄດ້​ຮັບ​ແຈ້ງ​ເຫດ​ຜ່ານ​ເບີ 1623 ວ່າ​ມີ​ເຫດ​ໄຟ­ຟ້າ​ຊ໋ອດ​ຄົນ​ເສຍ​ຊີ​ວີດ​ຢູ່​ບ້ານ​ດອນ​ຕີ້ວ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ຈຶ່ງ​ໄດ້​ຮີບ​ຮ້ອນ​ອອກ​ໄປ​ຫາ​ສະ­ຖານ­ທີ່​ເກີດ​ເຫດ ພໍ​ໄປ​ຮອດ​ຈຸດ​ເກີດ​ເຫດ ໜ່ວຍ​ກູ້​ໄພ​ໄດ້​ພົບ​ເຫັນ​ຄົນ​ນອນ​ເສຍ​ຊີ­ວິດ 2 ຄົນ ເປັນ​ເພດ​ຊາຍ ຜູ້​ທີ 1 ອາ­ຍຸ 41 ປີ ແລະ ຜູ້​ທີ 2 ອາ­ຍຸ 35 ປີ ຈາກ​ການ​ສອບ​ຖາມ​ຜູ້​ຢູ່​ໃນ​ເຫດ­ການ​ເຫັນ​ວ່າ ຜູ້​ເສຍ​ຊີ­ວິດ​ທັງ​ສອງ​ຄົນ​ໄດ້​ໃຊ້​ໄຟ­ຟ້າ 220V ໄປ​ຊ໋ອດ​ປາ​ຢູ່​ໜອງ ແລ້ວ​ເກີດ​ຄວາມ​ຜິດ­ພາດ​ຂຶ້ນ​ມາ ໄດ້​ເຮັດ​ໃຫ້​ໄຟ­ຟ້າ​ດູດ​ຕົນ​ເອງ​ຈົນ​ເສຍ​ຊີ­ວິດ​ຄາ​ທີ່.

    ດັ່ງ­ນັ້ນ ຈຶ່ງ​ເປັນ​ຄະ­ຕິ​ເຕືອນ­ໃຈ​ໃຫ້​ທຸກ​ຄົນ­ຮູ້​ວ່າ ການ​ຊົມ­ໃຊ້​ໄຟ­ຟ້າ​ຕ້ອງ​ຄຳ­ນຶງ​ເຖິງ​ຄວາມ​ປອດ​ໄພ​ທຸກ​ຄັ້ງ ເພາະ​ໄຟ­ຟ້າ​ມີ​ທັງ​ມີ​ຄຸນ​ປະ­ໂຫຍດ ແລະ ກໍ່​ໃຫ້​ໂທດ​ເຖິງ​ຕາຍ​ເຊັ່ນ​ດຽວ​ກັນ ສະ­ນັ້ນ ພວກ​ເຮົາ​ທຸກ​ຄົນ​ຕ້ອງ​ມີ​ສະ­ຕິ​ທຸກ​ຄັ້ງ​ໃນ​ການ​ໃຊ້​ໄຟ­ຟ້າ ບໍ່​ຄວນ​ປະ­ໝາດ​ຢ່າງ​ເດັດ­ຂາດ ຖ້າ​ພາດ​ພັ້ງ​ອາດ​ເຖິງ​ແກ່​ຊີ­ວິດ​ຄື​ກັບ​ເຫດ­ການ​ຄັ້ງ​ນີ້​ທີ່​ເປັນ​ໜ້າ​ເສົ້າ​ສະ­ຫຼົດ​ໃຈ​ທີ່​ມາ​ຈົບ​ຊີ­ວິດ​ແບບ​ນີ້.

ຂ່າວທີ່ກ່ຽວຂ້ອງ