ທີມຊາດລາວ ເສຍ ບັງກລາເທດ 0-1 ປະຕູ ບານເຕະໂລກ 2022

618 10 ມິ.ຖ. 2019 ວົງຈອນກີລາ
ທີມຊາດລາວ ເສຍ ບັງກລາເທດ 0-1 ປະຕູ ບານເຕະໂລກ 2022

    ທັບ​ນັກ­ກີ­ລາ​ບານ­ເຕະ​ທີມ​ຊາດ​ລາວ ຊຸດ​ໃຫຍ່ ລົງ​ສະ­ໜາມ​ຮອບ​ຄັດ​ເລືອກ​ນັດ​ທຳ​ອິດ ເປີດ​ບ້ານ​ເສຍ​ໃຫ້​ທີມ​ຊາດ​ບັງ​ກລາ​ເທດ 0-1 ປະ­ຕູ ໃນ​ການ​ແຂ່ງ­ຂັນ​ບານ­ເຕະ​ໂລກ 2022 ຮອບ​ຄັດ​ເລືອກ ຮອບ​ທຳ​ອິດ ວັນ​ທີ 6 ມິ­ຖຸ­ນາ ຜ່ານ​ມາ ຢູ່​ສະ­ໜາມ​ກີ­ລາ​ແຫ່ງ​ຊາດ ນະ­ຄອນ­ຫຼວງ​ວຽງ​ຈັນ.

    ການ​ແຂ່ງ­ຂັນ​ເຄິ່ງ​ເວ­ລາ​ທຳ​ອິດ 2 ທີມ ໄດ້​ຜັດ­ປ່ຽນ​ເປີດ​ເກມ​ບຸກ​ເຂົ້າ​ໃສ່​ກັນ​ຢ່າງ​ໜັກ ແຕ່​ຍັງ​ບໍ່​ສາມາດ​ຍິງ​ປະ­ຕູ​ໄດ້ ຈົບ​ເກມ​ເຄິ່ງ​ເວ­ລາ​ທຳ​ອິດ ທີມ​ຊາດ​ລາວ ສະ­ເໝີ ທີມ​ຊາດ​ບັງ​ກລາ​ເທດ 0-0 ປະ­ຕູ.

    ສ່ວນ​ເຄິ່ງ​ເວ­ລາ​ທີ 2 ຍັງ​ເປັນ​ທີມ​ຊາດ​ລາວ ທີ່​ເປີດ​ເກມ​ບຸກ​ເຂົ້າ​ໃສ່​ຢ່າງ​ຕໍ່​ເນື່ອງ ແຕ່​ຈັງ­ຫວະ​ການ​ຈົບ​ຄະ­ແນນ​ຍັງ​ບໍ່​ຄົມ ມາ​ເຖິງ​ນາ­ທີ 72 ເປັນ​ບັງ​ກລາ​ເທດ ໄດ້​ປະ­ຕູ​ຂຶ້ນ​ນຳ 1-0 ປະ­ຕູ ຈາກ​ຈັງ­ຫວະ ໂມ​ຮຳ​ເໝັດ ຣາ​ບິ​ອູນ ຮາ​ສັນ ໄດ້​ບານ​ແຖວ​ນອກ​ເຂດ​ໂທດ​ເບື້ອງ​ຊ້າຍ ກ່ອນ​ຫັກ​ບານ​ຫຼົບ​ກອງ​ຫຼັງ​ທີມ​ຊາດ​ລາວ​ເຂົ້າ​ໃນ ແລ້ວ​ຍິງ​ເຂົ້າ​ປະ­ຕູ ສ່ວນ​ເວ­ລາ​ທີ່​ເຫຼືອ 2 ທີມ​ບໍ່​ສາ­ມາດ​ຍິງ​ປະ­ຕູ​ກັນ​ໄດ້​ເພີ່ມ ເຮັດ​ໃຫ້ ທີມ​ຊາດ​ລາວ ເປີດ​ບ້ານ​ເສຍ​ໃຫ້​ທີມ​ຊາດ​ບັງ​ກລາ​ເທດ 0-1 ປະ­ຕູ ສຳ­ລັບ​ນັດ​ທີ 2 ຈະ​ມີ​ຂຶ້ນ​ວັນ​ທີ 11 ມິ­ຖຸ­ນາ 2019 ເວ­ລາ 19:00 ໂມງ ຢູ່​ສະ­ໜາມ​ກີ­ລາ​ແຫ່ງ​ຊາດ​ບັນ​ກາ​ບັນ​ດູ ປະ­ເທດ​ບັງ​ກລາ​ເທດ.

ຂ່າວທີ່ກ່ຽວຂ້ອງ