ກຳປູເຈຍ ປະກາດ​ຜົນ​ການ​ເລືອກ​ຕັ້ງ​ທ້ອງຖິ່ນ​ຢ່າງ​ເປັນ​ທາງ​ການ

323 11 ມິ.ຖ. 2019 ຂ່າວຕ່າງປະເທດ
ກຳປູເຈຍ ປະກາດ​ຜົນ​ການ​ເລືອກ​ຕັ້ງ​ທ້ອງຖິ່ນ​ຢ່າງ​ເປັນ​ທາງ​ການ

    ເວບ​ໄຊ Fresh News  ມີ​ລາຍ​ງານ​ຂ່າວ​ອອກ​ມາ​ເມື່ອ​ວັນ​ທີ 8 ມິ​ຖຸນ​ທີ່​ຜ່ານ​ມາ​ວ່າ ຄະນະ​ກຳມະການ​ການ​ເລືອກ​ຕັ້ງ​ແຫ່ງ​ຊາດ​ກຳປູເຈຍ (NEC) ໄດ້​ປະກາດ​ຜົນ​ຢ່າງ​ເປັນ​ທາງ​ການ ໃນ​ການ​ເລືອກ​ຕັ້ງ​ສະພາ​ຂັ້ນ​ທ້ອງຖິ່ນ​ຊຸດ​ທີ III ຊຶ່ງ​ຈັດ​ຂຶ້ນ​ເມື່ອ​ວັນ​ທີ 26 ພຶດສະພາ​ທີ່​ຜ່ານ​ມາ

   ຕາມ​ຜົນ​ຢ່າງ​ເປັນ​ທາງ​ການ ທີ່​ປະກາດ​ອອກ​ມາ​ນັ້ນແລ້ວ ພັກ​ປະຊາຊົນ​ກຳປູເຈຍ (CPP) ທີ່​ເປັນ​ພັກ​ກຳ​ອຳນາດ ໄດ້​ຮັບ​ໄຊຊະນະ​ຢ່າງ​ຂາດ​ຂັ້ນ ໂດຍ​ຍາດ​ໄດ້ 550 ທີ່​ນັ່ງ​ໃນ​ສະພາ​ຂັ້ນ​ນະຄອນຫຼວງ ແຂວງ (ຈາກ​ທັງ​ໝົດ 559 ທີ່​ນັ່ງ) ອັນ​ດັບ​ຮອງ​ລົງ​ມາ​ກໍ​ແມ່ນ​ພັກ  FUNCINPEC ໄດ້ 3 ທີ່​ນັ່ງ ແລະ ພັກ​ປອງ​ດອງ​ຊາດ​ຂະເໝນ (KNUP) ໄດ້ 6 ທີ່​ນັ່ງ.

    ສ່ວນ​ຢູ່​ໃນ​ການ​ເລືອກ​ຕັ້ງ​ສະພາ​ຂັ້ນ​ນະຄອນ ເມືອງ (ລວມ​ມີ​ທັງ​ໝົດ 3.555 ທີ່​ນັ່ງ) ນັ້ນ  CPP ຍາດ​ໄດ້ 3.484 ທີ່​ນັ່ງ ໃນ​ຂະນະ​ທີ່ FUNCINPEC ແລະ KNUP ຕາມ​ລຳດັບ​ຍາດ​ໄດ້ 33 ທີ່​ນັ່ງ ແລະ 38 ທີ່​ນັ່ງ.

ຂ່າວທີ່ກ່ຽວຂ້ອງ