ແມັກນ້ອຍ ນ໋ອກ ເດັ່ນເມືອງເໜືອ ມວຍຮອບ

373 11 ມິ.ຖ. 2019 ວົງຈອນກີລາ
ແມັກນ້ອຍ ນ໋ອກ ເດັ່ນເມືອງເໜືອ ມວຍຮອບ

    ການ​ແຂ່ງ­ຂັນ​ກີ­ລາ​ມວຍ​ລາວ (ມວຍ​ຮອບ) ຮຸ່ນ​ນ້ຳ­ໜັກ 55 ກິ​ໂລ ຊີງ​ສາຍ­ແອວ​ທ່ານ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນະ­ຄອນ­ຫຼວງ​ວຽງ​ຈັນ (ສສກ ນວ) ຄັ້ງ​ທີ l ປະ­ຈຳ​ປີ 2019 ຈັດ​ຂຶ້ນ​ວັນ​ທີ 7 ມິ­ຖຸ­ນາ ຜ່ານ​ມາ ຢູ່​ສະ­ໂມ­ສອນ​ກີ­ລາ​ພະ​ແນກ ສສກ ນວ (ບ້ານ​ບຶງ​ຂະ​ຫຍອງ) ໂດຍ​ມີ​ທ່ານ ຄຳ​ເສັງ ສູນ​ດາ­ລາ ປະ­ທານ​ສະ­ຫະ­ພັນ​ມວຍ​ລາວ ມວຍ​ສາ­ກົນ ແລະ ມວຍ​ປັນ​ຈັກ​ສີ​ລັດ ນວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ການ​ແຂ່ງ­ຂັນ​ມວຍ​ຮອບ ຮຸ່ນ​ນ້ຳ­ໜັກ​ດັ່ງ­ກ່າວ ກຸ່ມ B ມີ 2 ຄູ່ ຄູ່​ທຳ​ອິດ ແມັກ​ນ້ອຍ ສໍ​ຈະ​ເລີດ​ສິງ ຊະ­ນະ​ນ໋ອກ ເດັ່ນ​ເມືອງ​ເໜືອ ສໍ​ຈະ­ເລີນ​ສຸ ຍົກ​ທີ 4 ກັບ­ຕັນ ຂວັນ​ໃຈ​ສີ​ໂຄດ ຊະ­ນະ​ຄະ­ແນນ ເອ ກະ​ໄຊ ລູກ­ບ້ານ​ດຸງ ຂະ­ນະ​ທີ່​ມວຍ​ປະ­ກອບ​ລາຍ­ການ ແລັມ​ໂບ້​ເລັກ ສິດ​ຈານ​ມ້ອນ ຊະ­ນະ​ນ໋ອກ ນິ­ຍົມ​ນ້ອຍ ບໍ­ລິ­ສັດ​ຄຳ​ເສັງ ຍົກ 2 ຮຸ່ນ​ນ້ຳ­ໜັກ 50 ກິ​ໂລ ເພັດ​ດຳ ໂຮງ­ຮຽນ ອບຈ (ໄທ) ເສຍ​ຄະ­ແນນ​ເຫຼັກ​ກ້າ ຂວັນ​ໃຈ​ສີ​ໂຄດ ຮຸ່ນ​ນ້ຳ­ໜັກ 49 ກິ​ໂລ ເສືອ​ໄຕ້ ສິດ​ເພັດ​ນະ­ຄອນ ເສຍ​ນ໋ອກ ຈຳ­ປາ​ສັກ ສິດ​ນາຍ​ຕ່າງ (ໄທ) ຍົກ 2 ຮຸ່ນ​ນ້ຳ­ໜັກ 48 ກິ​ໂລ ເພັດ​ເມືອງ​ທາດ ສິດ​ຈານ​ມ້ອນ ເສຍ​ນ໋ອກ​ຍົກ 1 ໃຫ້ ລົມ ວິ­ທະ­ຍາ (ໄທ) ຮຸ່ນ​ນ້ຳ­ໜັກ 44 ກິ​ໂລ ສ່ວນ​ການ​ແຂ່ງ­ຂັນ​ມວຍ​ຮອບ ນັດ​ທີ 2 ຈະ​ແຂ່ງ­ຂັນ​ວັນ​ທີ 21 ມິ­ຖຸ­ນາ 2019 ຢູ່​ສະ­ຖານ­ທີ່​ດັ່ງ­ກ່າວ.

    ສຳ­ລັບ​ມວຍ​ຮອບ ຮຸ່ນ​ນ້ຳ­ໜັກ 55 ກິ​ໂລ ມີ​ນັກ­ກີ­ລາ​ເຂົ້າ​ຮ່ວມ 8 ຄົນ ຈາກ 6 ຄ້າຍ ຄື: ກຸ່ມ A ມີ ເກົ້າ​ແສນ ຂວັນ​ໃຈ​ສີ​ໂຄດ ເດັ່ນ​ນະ­ຄອນ ເພັດ​ນະ­ຄອນ ຂຸນ​ເຫຼັກ ສະ­ໂມ­ສອນ​ຄຳ​ເສັງ ເພັດ​ບຸນ​ຄ້ຳ ມຸງ­ຄຸນ ກຸ່ມ B ມີ ແມັກ​ນ້ອຍ ສໍ​ຈະ­ເລີນ​ສິງ ເດັ່ນ​ເມືອງ​ເໜືອ ສໍ​ຈະ­ເລີນ​ສຸກ ເອກ​ກະ​ໄຊ ລູກ­ບ້ານ​ດຸງ​ແລະ ກັບ­ຕັນ ຂວັນ​ໃຈ​ສີ​ໂຄດ.

ຂ່າວທີ່ກ່ຽວຂ້ອງ