ພິທີຊາປະນະກິດສົບຂອງທ່ານ ແກ້ວພິລາວັນ ອາໄພລາດ ຈັດຂຶ້ນຢ່າງສົມກຽດ

897 11 ມິ.ຖ. 2019 ຂ່າວໜ້າ​ໜຶ່ງ
ພິທີຊາປະນະກິດສົບຂອງທ່ານ ແກ້ວພິລາວັນ ອາໄພລາດ ຈັດຂຶ້ນຢ່າງສົມກຽດ

    ພິ­ທີ​ຊາ​ປະ​ນະ​ກິດ​ສົບ​ຂອງ​ທ່ານ ແກ້ວ​ພິ­ລາ​ວັນ ອາ​ໄພ​ລາດ ອະ­ດີດ​ຮອງ​ເລ­ຂາ​ຄະ­ນະ​ພັກ ອະ­ດີດ​ຮອງ​ເຈົ້າ​ຄອງ ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ຢ່າງ​ສົມ​ກຽດ ໃນ​ຕອນ​ບ່າຍ​ວັນ​ທີ 10 ມິ­ຖຸ­ນາ 2019 ທີ່​ວັດ​ເທບ​ນິ­ມິດ (ທາດ​ຝຸ່ນ) ນວ ມີ​ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ທ່ານ​ນາງ ປາ­ນີ ຢາ​ທໍ່​ຕູ້ ປະ­ທານ​ສະ­ພາ​ແຫ່ງ​ຊາດ ບັນ­ດາ​ຮອງ​ນາ­ຍົກ­ລັດ­ຖະ­ມົນ­ຕີ ການ​ນຳ​ພັກ-ລັດ ພັນ​ລະ​ຍາ​ການ​ນຳ​ພັກ-ລັດ ອະ­ດີດ​ການ​ນຳ​ພັກ-ລັດ​ຂັ້ນ​ສູງ ຂັ້ນ ນວ ສະ­ມາ­ຊິກ​ພັກ ພະ­ນັກ­ງານ ທະ­ຫານ ຕຳ­ຫຼວດ ນັກ­ທຸ­ລະ­ກິດ ແລະ ຊາວ ນວ ເຂົ້າ​ຮ່ວມ.

    ການ​ລ່ວງ​ລັບ​ຂອງ​ທ່ານ ແກ້ວ​ພິ­ລາ​ວັນ ອາ​ໄພ​ລາດ ເປັນ​ການ​ສູນ​ເສຍ​ພະ­ນັກ­ງານ​ປະ­ຕິ­ວັດ ແລະ ພະ­ນັກ­ງານ​ການ​ນຳ​ຂອງ​ພັກ-ລັດ ກໍ​ຄື ການ​ນຳ​ຂັ້ນ​ສູງ ນວ ໄປ​ອີກ​ຜູ້​ໜຶ່ງ ອັນ​ໄດ້​ນຳ​ເອົາ​ຄວາມ​ໂສກ­ເສົ້າ​ເສຍ­ດາຍ ແລະ ອາ­ໄລ​ອາ​ວອນ​ອັນ​ສຸດ​ຊຶ້ງ​ແກ່​ຄອບ­ຄົວ ຍາວ​ຕິ​ພີ່­ນ້ອງ ເພື່ອນ​ມິດ​ສະ­ຫາຍ​ທີ່­ຢູ່​ໃກ້ ແລະ ໄກ ເຖິງ​ທ່ານ​ໄດ້​ຈາກ​ພວກ​ເຮົາ​ໄປ​ຢ່າງ​ບໍ່​ມີ​ວັນ​ກັບ​ຄືນ​ມາ​ອີກ​ແລ້ວ ແຕ່​ພັກ-ລັດ ແລະ ປະ­ຊາ­ຊົນ​ລາວ​ບັນ­ດາ­ເຜົ່າ ຂໍ​ຈົດ​ຈຳ​ຄຸນ­ງາມ­ຄວາມ­ດີ ແລະ ຜົນ­ງານ​ຂອງ​ທ່ານ​ໄວ້​ຢ່າງ​ບໍ່​ມີ​ວັນ​ຫຼົງ​ລືມ ຊື່​ສຽງ ແລະ ຜົນ­ງານ​ຂອງ​ທ່ານ​ແມ່ນ​ຕິດ​ພັນ​ກັບ​ໜ້າ​ປະ­ຫວັດ­ສາດ​ຂອງ​ການ​ປະ­ຕິ­ວັດ​ຊາດ ປະ­ຊາ­ທິ­ປະ­ໄຕ ກໍ​ຄື ການ​ປົກ​ປັກ​ຮັກ­ສາ ແລະ ສ້າງ­ສາ​ພັດ­ທະ­ນາ​ປະ­ເທດ​ຊາດ ເຊິ່ງ​ຈະ​ຢູ່​ໃນ​ຄວາມ​ຊົງ​ຈຳ​ຂອງ​ພວກ​ເຮົາ​ຕະ­ຫຼອດ​ໄປ.

ຂ່າວທີ່ກ່ຽວຂ້ອງ