ຂ່າວຫຼ້າສຸດ

ອາ​ຣາ​ບີ ຊາ​ອຸ​ດິດ-ຣັດ​ເຊຍ ຮ່ວມ​ມື​ກ່ຽວ​ກັບ​ລາຄາ​ນ້ຳມັນ

252 12 ມິ.ຖ. 2019 ຂ່າວຕ່າງປະເທດ
ອາ​ຣາ​ບີ ຊາ​ອຸ​ດິດ-ຣັດ​ເຊຍ ຮ່ວມ​ມື​ກ່ຽວ​ກັບ​ລາຄາ​ນ້ຳມັນ

    ທ່ານ ຄາ​ລິດ ອາ​​ລ-ຟາ​ລີ ລັດຖະມົນຕີ​ພະລັງງານ ອຸດສາຫະກຳ ແລະ​ຊັບພະຍາກອນ​ບໍ່​ແຮ່ ຂອງ​ອາ​ຣາ​ບີ ຊາ​ອຸ​ດິດ ກ່າວ​ຢູ່​ໃນ​ກອງ​ປະຊຸມ​ຖະແຫຼງ​ຂ່າວ ຮ່ວມ​ກັບ​ທ່ານ ອາ​ເລັກ​ຊານ​ເດີ​​ຣ ໂນ​ວັກ ລັດຖະມົນຕີ​ພະລັງງານ​ຣັດ​ເຊຍ ໃນ​ໂອກາດ​ທີ່​ທ່ານ​ຢ້ຽມຢາມ​ຣັດ​ເຊຍ ເມື່ອ​ວັນ​ທີ 10 ມິຖຸນາ​ນີ້​ວ່າ ອາ​ຣາ​ບີ ຊາ​ອຸ​ດິດ ແລະ ​ຣັດ​ເຊຍ ພວມ​ຮ່ວມ​ມື​ກັນ​ບົນ​ພື້ນຖານ​ສອງ​ຝ່າຍ ກໍ​ຄື​ກັບ​ບັນດາ​ປະເທດ ຜູ້​ສົ່ງ​ອອກ​ນ້ຳມັນ​ອື່ນໆ ເພື່ອ​ສະກັດ​ກັ້ນ​ການ​ຫຼຸດ​ລົງ​ຂອງ​ລາຄາ​ນ້ຳມັນ.

    ການ​ປະຊຸມ​ຖະແຫຼງ​ຂ່າວ​ດັ່ງກ່າວ ມີ​ຂຶ້ນ​ຫຼັງ​ວາລະ​ປະຊຸມ​ທີ 6 ລະຫວ່າງ​ລັດຖະບານ​ຣັດ​ເຊຍ - ອາ​ຣາ​ບີ ຊາ​ອຸ​ດິດ ວ່າ​ດ້ວຍ​ການ​ຮ່ວມ​ມື​ດ້ານ​ເສດຖະກິດ ການ​ຄ້າ ວິທະຍາສາດ ແລະ​ ເຕັກ​ໂນ​ໂລ​ຊີ.

    ທາງ​ດ້ານ​ທ່ານ ໂນ​ວັກ ກ່າວ​ລະຫວ່າງ​ການ​ພົບ​ປະ​ເຈລະຈາ​ກັບ​ທ່ານ ຄາ​ລິດ ອາ​​ລ-ຟາ​ລີ ວ່າ​ສະພາບ​ປະລິມານ​ການ​ຜະລິດ​ນ້ຳມັນ​ມີ​ເຫຼືອ​ເຟືອ​ໃນ​ປັດຈຸບັນ ບົ່ມ​ຊ້ອນ​ໄປ​ດ້ວຍ​ຄວາມ​ສ່ຽງ​ຫຼາຍ ແລະ​ອາດ​ເປັນ​ໄປ​ໄດ້ ທີ່​ລາຄາ​ນ້ຳມັນ​ຈະ​ຫຼຸດ​ລົງ​ໄປ​ຕ່ຳ​ກວ່າ 40 ໂດ​ລາ​ສະຫະລັດ/ບາ​ເຣນ.

ຂ່າວທີ່ກ່ຽວຂ້ອງ