ນະຄອນຫຼວງ​ຂອງ​ອິນ​ເດຍ ແທກ​ອຸ່ນ​ຫະ​ພູມ​ໄດ້​ສູງ​ເປັນ​ປະຫວັດ​ການ

413 12 ມິ.ຖ. 2019 ຂ່າວຕ່າງປະເທດ
ນະຄອນຫຼວງ​ຂອງ​ອິນ​ເດຍ ແທກ​ອຸ່ນ​ຫະ​ພູມ​ໄດ້​ສູງ​ເປັນ​ປະຫວັດ​ການ

    ອົງການ​ພະຍາກອນ​ອາກາດ Skymet Weather ລາຍ​ງານ​ວ່າ ອຸ່ນ​ຫະ​ພູມ​ຢູ່​ໃນ​ນະຄອນຫຼວງ ນີວ ແດນ​ລີ ຂອງ​ອິນ​ເດຍ ແທກ​ໄດ້​ທີ່​ລະດັບ 48 ອົງສາ C ໃນ​ວັນ​ທີ 10 ມິຖຸນາ​ນີ້ ຊຶ່ງ​ນັບ​ວ່າ​ເປັນ​ລະດັບ​ສູງ​ສຸດ​ເທົ່າ​ທີ່​ເຄີຍ​ບັນທຶກ​ມາ ຢູ່​ໃນ​ພື້ນ​ທີ່​ນະຄອນຫຼວງ​ນີວ ແດນ​ລີ.

   ໃນ​ຂະນະ​ດຽວ​ກັນ ຫຼາຍ​ລັດ​ໃນ​ອິນ​ເດຍ ກໍ​ປະສົບ​ກັບ​ອາກາດ​ຮ້ອນ​ອົບເອົ້າ​ຢ່າງ​ຮ້າຍ​ແຮງ ທີ່​ໄດ້ແກ່​ຍາວ​ມາ​ເປັນ​ເວລາ​ກວ່າ​ໜຶ່ງ​ອາທິດ ໂດຍ​ທີ່​ອຸ່ນ​ຫະ​ພູມ​ແທກ​ໄດ້​ຢູ່​ໃນ​ຫຼາຍ​ລັດ ບັນລຸ​ເກີນ 50 ອົງສາ C.

ເມື່ອ​ອາທິດ​ທີ່​ຜ່ານ​ມາ ອຸ່ນ​ຫະ​ພູມ​ຢູ່​ໃນ​ເມືອງ ຣາ​ຊາ​ສະຖານ ທີ່​ຂຶ້ນ​ກັບ​ລັດ ຣາ​ຊາ​ສະຖານ ແທກ​ໄດ້ 50,3 ອົງສາ C ໃນ​ຂະນະ​ທີ່​ມີ​ຫຼາຍ​ແຫ່ງ​ຢູ່​ທາງ​ພາກ​ເໜືອ​ອິນ​ເດຍ ໃນ​ນັ້ນ​ມີ​ນະຄອນຫຼວງ ນີວ ແດນ​ລີ ກໍ​ແທກ​ອຸ່ນ​ຫະ​ພູມ​ໄດ້​ທີ່​ລະດັບ 46 ອົງສາ C.

ຂ່າວທີ່ກ່ຽວຂ້ອງ