ທະຫານ 8.000 ກວ່າ​ຄົນ ຈາກ 18 ປະເທດ ເຂົ້າ​ຮ່ວມ​ການ​ຊ້ອມ​ຮົບ​ຢູ່​ໃນ​ທະເລ​ນານ​ຕິກ

409 12 ມິ.ຖ. 2019 ຂ່າວຕ່າງປະເທດ
ທະຫານ 8.000 ກວ່າ​ຄົນ ຈາກ 18 ປະເທດ ເຂົ້າ​ຮ່ວມ​ການ​ຊ້ອມ​ຮົບ​ຢູ່​ໃນ​ທະເລ​ນານ​ຕິກ

    ທະຫານ 8.000 ກວ່າ​ຄົນ ທີ່​ມາ​ຈາກ 18 ປະເທດ​ສະມາຊິກ​ຂອງ​ອົງການ ສົນທິສັນຍາ​ປ້ອງ​ກັນ​ອັດ​ລັງ​ຕິກ​ເໜືອ (NATO) ໄດ້​ເລີ່ມ​ການ​ຊ້ອມ​ຮົບ​ປະຈຳ​ປີ ຂອງ​ກອງທັບ​ເຮືອ ທີ່​ໃສ່​ຊື່ວ່າ BALTOPS ໂດຍ​ເລີ່ມ​ຂຶ້ນ​ໃນ​ວັນ​ທີ 9 ມິຖຸນາ​ນີ້ ທີ່​ເຂດ​ທະເລ​ບານ​ຕິກ.

     ການ​ຊ້ອມ​ຮົບ​ດັ່ງກ່າວ​ໃນ​ປີ​ນີ້ ຊຶ່ງ​ມີ​ກຳນົດ​ແກ່ຍາວ​ໄປ​ຮອດ​ວັນ​ທີ 21 ມິຖຸນາ  ເປັນ​ແກນ​ນຳ​ໂດຍ​ກອງທັບ ສ ອາ​ເມ​ຣິ​ກາ ດ້ວຍ​ເປົ້າ​ໝາຍ​ກໍ​ແມ່ນ​ສະແດງ​ອອກ ເຖິງ​ກຳລັງ​ຄວາມ​ສາມາດ​ປ້ອງ​ກັນ​ຕົວ​ຂອງ NATO ຕໍ່​ບໍ່​ວ່າ​ໄພ​ຄຸກ​ຄາມ​ໃດໆ​ກໍ​ຕາມ.

     ນອກຈາກ​ທະຫານ​ຈຳນວນ​ດັ່ງກ່າວ​ແລ້ວ ເຂົ້າ​ຮ່ວມ​ໃນ​ການ​ຊ້ອມ​ຮົບ​ເທື່ອ​ນີ້ ຍັງ​ມີ​ກຳປັ່ນ​ລອຍ 50 ລຳ ກຳປັ່ນ​ດຳ​ນ້ຳ 2 ລຳ ແລະ​ເຮືອບິນ 36 ລຳ ທີ່​ມາ​ຈາກ​ປະເທດ ແບນ​ຊິກ ເຢຍ​ລະ​ມັນ ດານ​ມາກ ແອັດ​ສະ​ປາຍ ລັດ​ເວຍ ລິດ​ຕູ​ອາ​ນີ ໂຮນ​ລັງ ນອກ​ແວ ໂປ​ໂລຍ ປອກ​ຕຸຍ​ການ ຣູ​ມາ​ນີ ອັງກິດ ສ ອາ​ເມ​ຣິ​ກາ ຕວກ​ກີ ຝຣັ່ງ ເອ​​ສ​ໂຕ​ນີ ແຟງ​ລັງ ແລະ ຊູ​ແອດ.

ຂ່າວທີ່ກ່ຽວຂ້ອງ