ຂ່າວຫຼ້າສຸດ

ຊໍາຊຸງເປິດຕົວຈໍມືຖື Infinity Flex Display ເຕັກໂນໂລຊີຈໍພັບໄດ້

1.016 13 ມິ.ຖ. 2019 ຫົວຂໍ້ຂ່າວອື່ນໆ

    ຊຳ​ຊຸງ ເປິດ​ຕົວ​ເຕັກ​ໂນ​ໂລ​ຊີ​ຈໍ​ພັບ​ໄດ້ ມີ​ຊື່­ວ່າ Infinity Flex Display ໃນ​ງານ Developer Conference ເມື່ອ​ເດືອນ​ຕຸ­ລາ 2018 ຜ່ານ​ມາ.

    ທ່ານ Justin Denison ຮອງ​ປະ­ທານ​ອາ­ວຸ­ໂສ​ຝ່າຍ​ການ​ຕະ­ຫຼາດ​ມື​ຖື​ຂອງ​ຊຳ​ຊຸງ ໄດ້​ເປິດ​ເຜີຍ​ວ່າ ນີ້​ເປັນ​ໂທລະ­ສັບ​ຂະ­ໜາດ​ແບບ ແທັບ​ເລັດ ທີ່​ໃຊ້​ເຕັກ​ໂນ​ໂລ​ຊີ Infinity Flex Display ໂດຍ​ຜູ້​ໃຊ້​ສາ­ມາດ​ເປິດ-ປິດ​ຈໍ ໂດຍ​ບໍ່​ມີ​ບັນ­ຫາ​ຈໍ​ເສື່ອມ​ເລີຍ ແລະ ສາ­ມາດ​ໃຊ້​ງານ​ໄດ້​ຫຼາກ​ຫຼາຍ ມີ​ມິ​ຕິ​ການ​ເບິ່ງ​ທີ່​ຫຼາຍ​ຂຶ້ນ.

    ນອກ­ຈາກ​ນີ້ Samsung ຍັງ​ໄດ້​ຮ່ວມ​ມື​ກັບ Google ໂດຍ Glen Murphy ຜູ້­ອຳ­ນວຍ­ການ ແລະ ຫົວ­ໜ້າ​ຝ່າຍ Android UX ຂອງ Google ກ່າວ​ວ່າ Android ໄດ້​ເພີ່ມ​ການ​ສະ­ໜັບ­ສະ­ໜູນ​ໂທລະ­ສັບ​ແບບ​ພັບ​ໄດ້ ໃນ​ຮູບ​ແບບ Infinity Flex Display ຢ່າງ​ເປັນ​ທາງ​ການ ນັບ​ຈາກ​ນີ້ ຈະ​ໄດ້​ພົບ​ເຫັນ​ມື​ຖື​ທີ່​ຈໍ​ພັບ​ໄດ້​ຫຼາຍ​ຂຶ້ນ​ເທິງ Android.

    ສຳ­ລັບ​ຂໍ້​ມູນ​ຂອງ​ຈໍ Infinity Flex Display ອັດ­ຕາ​ສ່ວນ​ຂອງ​ຈໍ 21:9 ກວ້າງ 4.58 ຄວາມ​ລະ­ອຽດ 840x1960 ຈໍ​ສະ­ແດງ​ຜົນ​ຫຼັກ​ດ້ານ​ຫຼັງ​ຍະ​ອອກ ຄວາມ​ໜາ​ແໜ້ນ 420 dpi ຂະ­ໜາດ​ກວ້າງ 7,3 ນິ້ວ ແລະ ອັດ­ຕາ​ສ່ວນ​ຢູ່​ທີ່ 4.2:3 ຄວາມ​ລະ­ອຽດ 1536x2152 ໂດຍ​ໂທລະ­ສັບ​ຮຸ່ນ​ໃໝ່​ນີ້ ຈະ​ສາ­ມາດ​ໃຊ້​ງານ​ໄດ້ 3 ແອັບ​ພ້ອມ​ກັນ.

    ນອກ­ຈາກ​ນີ້ Samsung ຍັງ​ເປິດ​ຕົວ One UI ຊຶ່ງ​ເປັນ UI ຕົວ​ຫຼ້າ​ສຸດ​ຂອງ Samsung ດ້ວຍ ໂດຍ​ຈະ​ໃຊ້​ກັບ Samsung Galaxy ຮຸ່ນ​ໃໝ່​ທີ່​ເປັນ Android 9.0 ໂດຍ​ມີ​ຄວາມ​ສາ­ມາດ​ທີ່​ເຮັດ​ໃຫ້​ຜູ້​ໃຊ້​ງານ​ໄດ້​ຄ່ອງ​ຕົວ​ຫຼາຍ​ຂຶ້ນ ເອີ້ນ​ແອັບ​ງ່າຍ​ຂຶ້ນ ຫຼຸດ​ຄວາມ​ວຸ່ນ­ວາຍ​ຈາກ​ການ​ເອີ້ນ​ແອັບ​ແລ້ວ​ມີ​ບັນ­ຫາ​ເດີມໆ​ອອກ​ໄປ.

ຂ່າວທີ່ກ່ຽວຂ້ອງ