ຂ່າວຫຼ້າສຸດ

ນູ​ແວນ​ ​ເຊ​ລັງ ຈະ​ລົງທຶນ 20 ຕື້​ໂດ​ລາ ​ເຂົ້າ​ໃນ​ວຽກ​ງານ​ປ້ອງ​ກັນຊາ​ດ

500 13 ມິ.ຖ. 2019 ຂ່າວຕ່າງປະເທດ
ນູ​ແວນ​ ​ເຊ​ລັງ ຈະ​ລົງທຶນ 20 ຕື້​ໂດ​ລາ ​ເຂົ້າ​ໃນ​ວຽກ​ງານ​ປ້ອງ​ກັນຊາ​ດ

    ລັດຖະບານ ນູ​ແວນ ເຊ​ລັງ ຖະແຫຼງ​ເມື່ອ​ວັນ​ທີ 11 ມິຖຸນາ​ນີ້​ວ່າ ຈະ​ລົງທຶນ 20 ຕື້​ໂດ​ລາ​ສະຫະລັດ ໃຫ້​ແກ່​ແຜນການ ກຳລັງ​ຄວາມ​ສາມາດ​ປ້ອງ​ກັນ​ຊາດ ປີ 2019 ເພື່ອ​ເພີ່ມ​ທະວີ​ກຳລັງ​ຄວາມ​ສາມາດ​ປ້ອງ​ກັນ​ຊາດ ພາຍ​ໃນ​ທົດ​ສະ​ວັດ​ໜ້າ.

    ທ່ານ ຣອນ ມາກ ລັດຖະມົນຕີ​ປ້ອງ​ກັນ​ປະເທດ​ຂອງ​ນູ​ແວນ ເຊ​ລັງ ເປັນ​ຜູ້​ປະກາດ​ແຜນການ​ດັ່ງກ່າວ ໃນ​ນັ້ນ​ໄດ້​ວາງ​ບ້ວງ​ເງິນ​ລົງທຶນ​ອອກ​ມາ ຕາມ​ແຜນການ​ຂອງ​ລັດຖະບານ ທີ່​ໃຫ້​ແກ່​ກອງ​ກຳລັງ​ປ້ອງ​ກັນ​ຊາດ​ຂອງ​ນູ​ແວນ ເຊ​ລັງ. ແຜນການ​ດັ່ງກ່າວ ປະກອບ​ດ້ວຍ​ບັນດາ​ບ້ວງ​ລົງທຶນ​ທັງ​ໝົດ ໄປ​ຮອດ​ປີ 2030 ແລະ​ນຳ​ສະເໜີ​ບ້ວງ​ການ​ລົງທຶນ​ຫຼັງ​ປີ 2030 ທີ່​ຄາດ​ວ່າ​ຈະ​ໄດ້​ຮັບ​ການ​ຕີ​ລາຄາ​ຜ່ານ​ປຶ້ມ​ປົກ​ຂາວ​ດ້ານ​ປ້ອງ​ກັນ​ຊາດ ໃນ​ປີ 2022.

    ທ່ານ ມາກ ຍັງ​ໃຫ້​ຮູ້​ວ່າ ນູ​ແວນ ເຊ​ລັງ ໄດ້​ຕົກລົງ​ເລືອກ​ເອົາ​ເຮືອບິນ C-130J Super Hercules ເພື່ອ​ແທນ​ທີ່​ໃຫ້​ແກ່​ເຮືອບິນ​ຂົນສົ່ງ C-130 Hercules ຈຳນວນ 5 ລຳ ທີ່​ຖື​ວ່າ​ຫຼ້າ​ສະໄໝ​ແລ້ວ​ນັ້ນ ໂດຍ​ເປັນ​ການ​ອີງ​ຕາມ​ການ​ສະເໜີ​ຂອງ​ກະຊວງ​ປ້ອງ​ກັນ​ປະເທດ ເມື່ອ​ເບິ່ງ​ໄປ​ໃນ​ແງ່​ຂະໜາດ​ບິນ ຫຼື​ຄວາມ​ສາມາດ​ໃນ​ການ​ຂົນສົ່ງ.

ຂ່າວທີ່ກ່ຽວຂ້ອງ