ຊາວກະສິກອນເມືອງສັງທອງ ສຸມໃສ່ຕົກກ້າເຂົ້ານາປີ

588 17 ມິ.ຖ. 2019 ຂ່າວໜ້າ​ໜຶ່ງ
ຊາວກະສິກອນເມືອງສັງທອງ ສຸມໃສ່ຕົກກ້າເຂົ້ານາປີ

    ຊາວ​ກະ­ສິ­ກອນ​ເມືອງ​ສັງ​ທອງ ນະ­ຄອນ­ຫຼວງ​ວຽງ​ຈັນ ສຸມ​ໃສ່​ຕົກ­ກ້າ​ເຂົ້າ­ນາ​ປີ​ຢ່າງ​ເປັນ​ຂະ​ບວນ​ຟົດ­ຟື້ນ ເພື່ອ​ໃຫ້​ທ່ວງ​ທັນ ກັບ​ລະ­ດູ​ການ​ຜະ­ລິດ.

    ທ່ານ ສົມ​ເດດ ບຸບ­ຜາ​ຄຳ ຮອງ​ຫົວ­ໜ້າ​ຫ້ອງ­ການ​ກະ­ສິ­ກຳ ແລະ ປ່າ­ໄມ້ ເມືອງ​ສັງ​ທອງ ນວ​ໄດ້​ໃຫ້​ຮູ້​ໃນ​ວັນ​ທີ 12 ມິ­ຖຸ­ນາ 2019 ວ່າ: ສະ­ພາບ​ການ​ຕົກ­ກ້າ​ເຂົ້າ­ນາ​ປີ​ຂອງ​ຊາວ​ກະ­ສິ­ກອນ​ເມືອງ​ສັງ​ທອງ ມາ​ຮອດ​ປັດ­ຈຸ­ບັນ​ແມ່ນ ສາ­ມາດ​ຕົກ­ກ້າ​ໄດ້​ແລ້ວ 29.200 ກິ​ໂລ ເທົ່າ​ກັບ 40% ນາ­ຫວ່ານ 1.245 ເຮັກ­ຕາ ແນວ​ເຂົ້າ­ປູກ 37.350 ກິ​ໂລ ຂອງ​ຕົວ​ເລກ​ແຜນ­ການ​ປີ ເຊິ່ງ​ປັດ­ຈຸ­ບັນ​ທົ່ວ​ເມືອງ​ສັງ​ທອງ ມີ​ເນື້ອ­ທີ່​ປັກ​ດຳ​ເຂົ້າ­ນາ​ປີ​ທັງ​ໜົດ 8.400 ເຮັກ­ຕາ ຖ້າ​ທຽບ­ໃສ່​ປີ­ຜ່ານ­ມາ​ເຊິ່ງ​ເຫັນ​ວ່າ​ຍັງ​ມີ​ຄວາມ​ຫຼ້າ​ຊ້າ ແລະ ບໍ່​ໄດ້​ຕາມ​ຄາດ​ໜາຍ ເນື່ອງ​ຈາ​ກວ່າ​ຝົນ​ຟ້າ​ອາ­ກາດ​ບໍ່​ເອື້ອ​ອຳ­ນວຍ ຄວາມ​ສະ­ດວກ​ຕົກ​ບໍ່​ຖືກ​ຕາມ​ລະ ດູ​ການ ສະ­ນັ້ນ ການ​ຕົກ­ກ້າ​ເຂົ້າ ນາ­ປີ​ຂອງ​ຊາວ​ກະ­ສິ­ກອນ​ໃນ​ປີ​ນີ້ ຄາດ​ຄະ­ເນ​ວ່າ​ຈະ​ໃຫ້​ສຳ­ເລັດ 100% ພາຍ​ໃນ​ທ້າຍ​ເດືອນ​ມິ​ຖຸ ນາ​ນີ້.

    ທ່ານ ສົມ​ເດດ ບຸບ­ຜາ​ຄຳ ຍັງ​ໃຫ້​ຮູ້​ຕື່ມ​ອີ​ກວ່າ: ນອກ­ຈາກ​ການ​ປູກ​ເຂົ້າ­ນາ​ປີ​ແລ້ວ ຊາວ​ກະ­ສິ­ກອນ​ສັງ​ທອງ​ຍັງ​ໄດ້​ສຸມ​ໃສ່​ການ​ປູກ​ພືດ​ໃນ​ລະ­ດູ­ຝົນ​ເປັນ​ສຳ ຮອງ​ຫຼາຍ​ຊະ­ນິດ ເຊັ່ນ: ປູກ​ຜັກ​ກິນ​ໜາກ ກິນ​ດອກ ແລະ ກິນ​ໃບ ປູກ​ສາ­ລີ ຖົ່ວ­ຂຽວ ມັນ­ຕົ້ນ ປູກ​ກ້ວຍ ໝາກ­ມ່ວງ ໝາກ​ນາວ ແລະ ໝາກ­ຫຸ່ງ ໃນ​ເນື້ອ­ທີ່ 146 ເຮັກ­ຕາ ເທົ່າ​ກັບ 33% ທັງ​ນີ້ ກໍ​ເພື່ອ​ຜະ­ລິດ​ກາຍ­ເປັນ​ສິນ­ຄ້າ​ສາ­ມາດ​ສ້າງ​ລາຍ​ຮັບ​ເຂົ້າ​ສູ່​ຄອບ­ຄົວ​ນັບ​ມື້​ນັບ​ຫຼາຍ​ຂຶ້ນ​ເທື່ອ​ລະ​ກ້າວ.

ຂ່າວທີ່ກ່ຽວຂ້ອງ