ຂ່າວຫຼ້າສຸດ

ວັນຜູ້ບໍລິຈາກເລືອດໂລກ 14 ມິຖຸນາ 2019 ເລືອດປອດໄພ-ເພື່ອທຸກຄົນ

621 17 ມິ.ຖ. 2019 ຂ່າວໜ້າ​ໜຶ່ງ
ວັນຜູ້ບໍລິຈາກເລືອດໂລກ 14 ມິຖຸນາ 2019 ເລືອດປອດໄພ-ເພື່ອທຸກຄົນ

    ກິດ­ຈະ­ກຳ​ສະ­ເຫຼີມ­ສະ­ຫຼອງ​ວັນ​ຜູ້​ບໍ­ລິ­ຈາກ​ເລືອດ​ໂລກ ຈັດ​ຂຶ້ນ​ວັນ​ທີ 14 ມິ­ຖຸ­ນາ 2019 ຢູ່​ສູນ​ການ​ຄ້າ​ລາວ​ໄອເຕັກ ໂດຍ​ມີ​ທ່ານ ສິງ ເມ​ໂນ​ລາດ ຮອງ​ປະ­ທານ​ອົງ­ການ​ກາ­ແດງ​ລາວ ທ່ານ ຈັນ­ທະ​ລາ ສຸກ​ສາ­ຄອນ ຫົວ­ໜ້າ​ສູນ​ເລືອດ​ແຫ່ງ​ຊາດ ພ້ອມ​ດ້ວຍ​ຜູ້­ຕາງ­ໜ້າ​ອົງ­ການ​ກາ­ແດງ​ເຢຍ​ລະ​ມັນ ປະ­ຈຳ​ລາວ ສຳ­ນັກ­ງານ ອົງ­ການ ຫ້າງ​ຮ້ານ ບໍ ລິ​ສັດ​ທີ່​ໃຫ້­ການ​ສະ­ໜັບ­ສະ­ໜູນ ທະ­ຫານ ຕຳ­ຫຼວດ ນັກ­ຮຽນ-ນັກ​ສຶກ​ສາ ເຂົ້າ​ຮ່ວມ.

    ວັນ​ຜູ້​ບໍ­ລິ­ຈາກ​ເລືອດ​ໂລກ (World Blood Donor Day) ຖືກ​ກຳ­ນົດ​ຂຶ້ນ​ໃນ​ເດືອນ​ພຶດ­ສະ­ພາ 2005 ໃນ​ການ​ປະ­ຊຸມ​ຂອງ​ອົງ­ການ​ອະ­ນາ­ໄມ​ໂລກ ຄັ້ງ​ທີ 58 ໄດ້​ມີ​ການ​ລົງ​ນາມ​ຂໍ້​ຕົກ­ລົງ​ໃນ​ການ​ສະ­ໜັບ­ສະ­ໜູນ​ການ​ບໍ​ລິ ຈາກ​ເລືອດ​ດ້ວຍ​ຄວາມ​ສະ­ໝັກ​ໃຈ ກຳ­ນົດ​ກິດ­ຈະ­ກຳ​ວັນ​ຜູ້​ບໍ­ລິ­ຈາກ​ເລືອດ​ໂລກ ວັນ​ທີ 14 ມິ­ຖຸ­ນາ ຂອງ​ທຸກໆ​ປີ ເປັນ​ການ​ສະ­ເຫຼີມ­ສະ­ຫຼອງ ເຊິ່ງ​ແມ່ນ​ວັນ​ຄ້າຍ​ວັນ​ເກີດ​ຂອງ​ທ່ານ ຄານ ແລນ​ສະ​ແກນ​ເນີ ເປັນ​ນັກ­ວິ­ທະ­ຍາ­ສາດ​ການ​ແພດ ຊາວ​ໂອ​ຕະ​ລິດ ທີ່​ໄດ້​ຄົ້ນ​ພົບ​ໝວດ​ເລືອດ​ລະ­ບົບ ABO ຜູ້​ທຳ​ອິດ ໃນ​ກອງ​ປະ­ຊຸມ​ດັ່ງ­ກ່າວ ປະ­ເທດ​ສະ­ມາ­ຊິກ​ອົງ­ການ​ອະ­ນາ­ໄມ​ໂລກ ໄດ້​ມີ​ຂໍ້​ຕົກ­ລົງ​ທີ່​ຈະ​ສະ­ໜັບ­ສະ­ໜູນ ຊ່ວຍ­ເຫຼືອ ລວມ​ເຖິງ​ການ​ຮ່ວມ​ມື​ກັນ​ລະ­ຫວ່າງ​ປະ­ເທດ ເພື່ອ​ໃຫ້​ມີ​ການ​ກຳ­ກັບ​ດູ​ແລ ບໍ­ລິ­ຫານ​ຈັດ­ການ ບໍ­ລິ­ຈາກ​ເລືອດ​ທີ່​ຍືນ​ຍົງ ແລະ ເໝາະ​ສົມ ໂດຍ​ພາກ​ລັດ​ຕ້ອງ​ສະ­ໜັບ­ສະ­ໜູນ ແລະ ໃຫ້​ຄວາມ​ຊ່ວຍ­ເຫຼືອ​ດ້ານ​ການ​ເງິນ​ໃຫ້​ພຽງ­ພໍ ເພື່ອ​ໃຫ້​ວຽກ​ບໍ­ລິ­ການ​ເລືອດ​ມີ​ຄຸນ​ນະ​ພາບ​ປອດ​ໄພ ແລະ ຂະ­ຫຍາຍ​ວຽກ​ບໍ­ລິ­ການ​ເລືອດ​ໃຫ້​ມີ​ປະ​ສິດ­ທິ​ຜົນ ສາ­ມາດ​ຕອບ​ສະ­ໜອງ​ຄວາມ​ຕ້ອງ­ການ​ເລືອດ​ຂອງ​ຄົນ​ເຈັບ​ໄດ້ ປີ 2009 ຜູ້​ຊ່ຽວ­ຊານ​ດ້ານ​ການ​ສົ່ງ​ເລືອດ ຜູ້​ວາງ​ແຜນ​ນະ­ໂຍ­ບາຍ ແລະ ຜູ້​ແທນ​ຈາກ​ອົງ​ກອນ​ອິດ­ສະ­ຫຼະ 40 ປະ­ເທດ​ທົ່ວ​ໂລກ ໄດ້​ຮ່າງ​ພັນ­ທະ​ສັນ­ຍາ​ເມວ​ເບີນ ໂດຍ​ຕັ້ງ​ເປົ້າ​ໝາ­ຍວ່າ​ພາຍ​ໃນ​ປີ 2020 ທຸກ​ປະ­ເທດ​ທົ່ວ​ໂລກ​ຈະ​ຕ້ອງ​ໄດ້​ຮັບ​ເລືອດ​ຈາກ​ຜູ້​ບໍ­ລິ­ຈາກ​ດ້ວຍ​ຄວາມ​ຕື່ນ​ຕົວ​ສະ­ໝັກ​ໃຈ.

ຂ່າວທີ່ກ່ຽວຂ້ອງ