ຂ່າວຫຼ້າສຸດ

ຈັດກິດຈະກຳແຂ່ງຂັນກີລາ ຕ້ອນຮັບກອງປະຊຸມໃຫຍ່ໜ່ວຍພັກ

1.415 19 ມິ.ຖ. 2019 ວົງຈອນກີລາ
ຈັດກິດຈະກຳແຂ່ງຂັນກີລາ ຕ້ອນຮັບກອງປະຊຸມໃຫຍ່ໜ່ວຍພັກ

    ວັນ​ທີ 14 ມິ­ຖຸ­ນາ 2019 ໜ່ວຍ​ພັກ​ຂົງ­ເຂດ​ວັດ­ທະ­ນະ­ທຳ​ຮ່ວມ​ກັບ​ໜ່ວຍ​ພັກ​ຂົງ­ເຂດ​ທ່ອງ​ທ່ຽວ ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ (ຖວ​ທ ນວ) ຈັດ​ກິດ­ຈະ­ກຳ​ແຂ່ງ­ຂັນ​ກີ­ລາ​ຍິງ-ຊາຍ 3 ປະ­ເພດ​ຄື: ບານ­ເຕະ ເປ​ຕັງ​ຊາຍ ແລະ ກີ­ລາ​ດຶງ­ເຊືອກ ຂຶ້ນ​ທີ່​ເດີ່ນ​ກີ­ລາ​ຫຍ້າ​ທຽມ​ລັກ​ກີ້ ມີ​ທ່ານ ຄຳ​ປະ­ດິດ ເຂັມ​ມາ­ນິດ ຫົວ­ໜ້າ​ພະ​ແນກ ຖວ​ທ ນວ ທ່ານ​ຮອງ​ຫົວ­ໜ້າ​ພະ​ແນກ ເລ­ຂາ​ໜ່ວຍ​ພັກ ສະ­ມາ­ຊິກ​ພັກ ແລະ ພະ­ນັກ­ງານ​ຫຼັກ​ແຫຼ່ງ​ອ້ອມ​ຂ້າງ​ພະ​ແນກ ຖວ​ທ ນວ ເຂົ້າ​ຮ່ວມ.

    ການ​ຈັດ​ກິດ­ຈະ­ກຳ​ແຂ່ງ­ຂັນ​ກີ­ລາ​ຄັ້ງ​ນີ້ ເພື່ອ​ສ້າງ​ຂະ​ບວນ​ການ​ຄຳ­ນັບ​ຮັບ​ຕ້ອນ​ກອງ​ປະ­ຊຸມ​ໃຫຍ່​ໜ່ວຍ​ພັກ​ຂົງ­ເຂດ​ດັ່ງ­ກ່າວ ແລະ ກອງ​ປະ­ຊຸມ​ໃຫຍ່​ຄະ­ນະ​ພັກ​ຮາກ​ຖານ​ພະ​ແນກ ຖວ​ທ ນວ ທີ່​ຈະ​ຈັດ​ຂຶ້ນ​ໃນ­ຕໍ່­ໜ້າ​ໃຫ້​ມີ​ບັນ­ຍາ­ກາດ​ຟົດ­ຟື້ນ​ມ່ວນ­ຊື່ນ ແລະ ມີ​ຄວາມ​ໝາຍ​ສຳ­ຄັນ​ຍິ່ງ ນອກ​ນີ້​ຍັງ​ເປັນ​ການ​ສ້າງ​ຄວາມ​ສາ­ມັກ­ຄີ​ຮັກ­ແພງ ຫຼິ້ນ​ກີ­ລາ​ເພື່ອ​ສຸ­ຂະ­ພາບ ແລະ ແລກ­ປ່ຽນ​ບົດ­ຮຽນ​ເຊິ່ງ​ກັນ ແລະ ກັນ.

ຂ່າວທີ່ກ່ຽວຂ້ອງ