ຈີນ ສະໜັບສະໜູນ​ການ​ຕົກລົງ​ງົດ​ຮ່າງ​ກົດໝາຍ​ວ່າ​ດ້ວຍ​ການ​ສົ່ງ​ຕົວ​ຜູ້​ຮ້າຍ​ຂ້າມ​ແດນ

583 19 ມິ.ຖ. 2019 ຂ່າວຕ່າງປະເທດ
ຈີນ ສະໜັບສະໜູນ​ການ​ຕົກລົງ​ງົດ​ຮ່າງ​ກົດໝາຍ​ວ່າ​ດ້ວຍ​ການ​ສົ່ງ​ຕົວ​ຜູ້​ຮ້າຍ​ຂ້າມ​ແດນ

     ຂ່າວສານ​ຊິນ​ຮວາ ລາຍ​ງານ​ວ່າ ລັດຖະບານ​ຈີນ​ຖະແຫຼງ​ເມື່ອ​ວັນ​ທີ 15 ມິຖຸນາ​ຜ່ານ​ມາ ເຖິງ​ການ​ໃຫ້ການ​ສະໜັບສະໜູນ ຕໍ່​ການ​ຕົກລົງ​ຂອງ​ການ​ນຳ​ເຂດ​ບໍລິຫານ​ພິເສດ​ຮົງ​ກົງ (ຈີນ) ໃນ​ການ​ງົດ​ຮ່າງ​ກົດໝາຍ​ວ່າ​ດ້ວຍ​ການ​ອະນຸຍາດ​ສົ່ງ​ຄົນ​ຮ້າຍ ໄປ​ຍັງ​ຈີນ​ແຜ່ນດິນ​ໃຫຍ່ ເພື່ອ​ດຳເນີນ​ຄະດີ.

    ໂຄສົກ​ກະຊວງ​ການ​ຕ່າງປະເທດ​ຈີນ ໄດ້​ເວົ້າ​ເຖິງ​ການ​ຕົກລົງ​ດັ່ງກ່າວ ຊຶ່ງ​ທ່ານ​ນາງ ແຄ​ຣີ ແລມ ຫົວໜ້າ​ຜູ້​ບໍລິຫານ​ເຂດ​ພິເສດ​ຮົງ​ກົງ ປະກາດ​ໄປ​ກ່ອນ​ໜ້າ​ນັ້ນ​ບໍ່​ພໍ​ເທົ່າໃດ​ຊົ່ວໂມງ ວ່າ​ເປັນຄວາມ​ພະຍາຍາມ “ຮັບ​ຟັງ​ຫຼາຍ​ຫຼາຍ​ກວ່າ​ສຳລັບ​ຄວາມ​ເຫັນ​ຂອງ​ປະຊາ​ຄົມ​ໃນ​ເຂດ​ບໍລິຫານ​ພິເສດ (ຮົງ​ກົງ) ແລະ​ ເປັນ​ການ​ຟື້ນ​ຟູ​ຄວາມ​ຄວາມ​ສະຫງົບ​ໃຫ້​ແກ່​ປະຊາ​ຄົມ​ດັ່ງກ່າວ ໃຫ້​ໄດ້​ໄວ​ທີ່​ສຸດ​ເທົ່າ​ທີ່​ຈະ​ໄວ​ໄດ້.”

    ໂຄສົກ​ກະຊວງ​ການ​ຕ່າງປະເທດ​ຈີນ ເວົ້າ​ວ່າ ບັນດາ​ບັນຫາ​ຂອງ​ຮົງ​ກົງ ເປັນ​ບັນຫາ​ພາຍ​ໃນ​ຂອງ​ຈີນ ແລະ ​ວ່າ​ປະເທດ ອົງການ ຫຼື​ບຸກຄົນ​ໃດ ກໍ​ລ້ວນ​ແຕ່​ບໍ່​ມີ​ສິດ​ເຂົ້າ​ແຊກ​ແຊງ.

ຂ່າວທີ່ກ່ຽວຂ້ອງ