ສະຫຍາມຄູໂບຕ້າ ມອບໂຊກຄືນກຳໄລໃຫ້ລູກຄ້າ

    ບໍ­ລິ­ສັດ ສະ­ຫຍາມ​ຄູ​ໂບ​ຕ້າ ຈຳ­ກັດ ໄດ້​ຈັບ​ສະ­ຫຼາກ​ມອບ​ໂຊກ​ຄືນ​ກຳ­ໄລ​ໃຫ້​ລູກ​ຄ້າ​ຄັ້ງ​ທຳ​ອິດ ຈັດ​ຂຶ້ນ​ວັນ​ທີ 15 ມິ­ຖຸ­ນາ 2019 ຢູ່​ໂຮງ­ແຮມ​ຄຣາວ​ພລາ​ຊາ ນະ­ຄອນ­ຫຼວງ​ວຽງ​ຈັນ ມີ​ທ່ານ ບຸນ​ເກີດ ສະ​ລຽວ​ໄຊ ຄະ­ນະ​ຜູ້​ບໍ­ລິ­ຫານ​ບໍ­ລິ­ສັດ ສະ­ຫຍາມ​ຄູ​ໂບ​ຕ້າ ຈຳ­ກັດ ພ້ອມ​ດ້ວຍ​ບັນ­ດາ​ຕົວ​ແທນ​ຈຳ­ໜ່າຍ​ລົດ​ຄູ​ໂບ​ຕ້າ ແລະ ແຂກ​ຖືກ​ເຊີນ​ເຂົ້າ​ຮ່ວມ.

    ການ​ຈັບ​ສະ­ຫຼາກ Kubota ZT ຄັ້ງ​ນີ້ ເພື່ອ​ຕອບ​ແທນ​ບຸນ­ຄຸນ​ລູກ​ຄ້າ​ທີ່​ຊື້​ເຄື່ອງ​ຈັກ​ກາ​ຊວນ Kubota ZT RT ຫຼື ໂຄງ​ສະ­ຫຍາມ NC Plus X ທຸກ​ແບບ​ຈະ​ມີ​ສິດ​ລຸ້ນ​ຮັບ​ລາ­ງວັນ​ຫຼາຍ​ກວ່າ 270 ລ້ານ​ກີບ ໃນ​ນັ້ນ ມີ​ລົດ­ຈັກ​ຮອນ​ດ້າ​ເວບ 100 ຈຳ­ນວນ 18 ລາ­ງວັນ ແລະ ໂທລະ­ພາບ​ສີ ຊຳ​ຊຸງ 32 ນິ້ວ ຈຳ­ນວນ 12 ລາ­ງວັນ ໂດຍ​ມີ​ກຳ­ນົດ ແລະ ເງື່ອນ­ໄຂ​ເຊັ່ນ: ລູກ​ຄ້າ​ທີ່​ຊື້​ຈັກ­ກະ​ຊວນ ZT ຫຼື RT ແລະ ໂຄງ​ສະ­ຫຍາມ NC Plus X ທຸກ​ແບບ​ຈະ​ໄດ້​ຮັບ​ສິດ​ລຸ້ນ​ຮັບ​ລາ­ງວັນ ເຊິ່ງ​ການ​ຊີງ​ລາ­ງວັນ​ຄັ້ງ​ນີ້​ລູກ​ຄ້າ​ທີ່​ຊື້​ໃນ​ໄລ­ຍະ​ເດືອນ​ກຸມ­ພາ​ຫາ​ເດືອນ​ທັນ­ວາ 2019 ເທົ່າ​ນັ້ນ ຊື້​ຫຼາຍ?ສົ່ງ​ຫຼາຍ​ມີ​ໂອ­ກາດ​ລຸ້ນ​ຮັບ​ລາ­ງວັນ​ຫຼາຍ​ຂຶ້ນ.

    ສຳ­ລັບ​ລູກ​ຄ້າ​ທີ່​ໄດ້​ຮັບ​ລາ­ງວັນ​ຄັ້ງ​ນີ້​ມີ ລົດ­ຈັກ​ຮອນ​ດ້າ​ເວບ 100 ຈຳ­ນວນ 6 ລາ­ງວັນ ໄດ້­ແກ່​ທ້າວ ອາ​ເລ້ ເມືອງ​ນ້ຳ​ບາກ ແຂວງ​ຫຼວງ​ພະ​ບາງ ທ້າວ ມ້າວ ລີ​ຟຸງ ເມືອງ​ຄູນ ແຂວງ​ຊຽງ​ຂວາງ ທ້າວ ກຽງ ເມືອງ​ແກ່ນ​ທ້າວ ແຂວງ​ໄຊ​ຍະ​ບູ​ລີ ທ້າວ ລ້ານ ເມືອງ​ຊະ­ນະ​ຄາມ ແຂວງ​ວຽງ​ຈັນ ທ້າວ ບຸນ​ສີ ເມືອງ​ແປກ ແຂວງ​ຊຽງ​ຂວາງ ແລະ ນາງ ສົມ​ລື​ດີ ເມືອງ​ສັງ​ທອງ ນະ­ຄອນ­ຫຼວງ​ວຽງ​ຈັນ ລາ­ງວັນ​ໂທລະ­ພາບ​ສີ​ຊຳ​ຊຸງ​ມີ 4 ລາ­ງວັນ ສ່ວນ​ການ​ຈັບ​ສະ­ຫຼາກ​ຄັ້ງ​ທີ 2 ຈະ​ຈັດ​ຂຶ້ນ​ວັນ​ທີ 14 ກັນ­ຍາ 2019 ແລະ ຄັ້ງ​ສຸດ​ທ້າຍ​ວັນ​ທີ 20 ມັງ­ກອນ 2020.