ຫາລື ສ້າງຄວາມເຂັ້ມແຂງການປະຕິບັດງານໂຄງການ ຄກລ

1.322 19 ມິ.ຖ. 2019 ຂ່າວໜ້າ​ໜຶ່ງ

    ໂຄງ­ການ​ເກັບ​ກູ້​ລະ­ເບີດ​ແຫ່ງ​ຊາດ (ຄກລ) ແລະ ອົງ­ການ​ຮ່ວມ​ມື​ສາ­ກົນ​ຍີ່­ປຸ່ນ (JICA) ຈັດ​ກອງ​ປະ­ຊຸມ​ຄັ້ງ​ປະ­ຖົມ​ມະ­ລຶກ​ສຳ­ລັບ​ໂຄງ­ການ​ສ້າງ​ຄວາມ​ເຂັ້ມ­ແຂງ​ດ້ານ​ການ​ປະ­ຕິ­ບັດ​ງານ​ຂອງ ຄກລ ເພື່ອ​ປະ­ກອບ­ສ່ວນ​ເຂົ້າ​ໃນ​ວຽກ​ງານ​ຫຼຸດ­ຜ່ອນ​ຄວາມ­ທຸກ​ຍາກ ຂຶ້ນ​ວັນ​ທີ 14 ມິ­ຖຸ­ນາ 2019 ທີ່ ຄກລ ໂດຍ​ເປັນ​ປະ­ທານ​ຂອງ​ທ່ານ ບຸນ​ພາ​ມິດ ໂສມ​ວິ­ຈິດ ຫົວ­ໜ້າ​ໂຄງ­ການ​ເກັບ​ກູ້​ລະ­ເບີດ​ແຫ່ງ​ຊາດ ແລະ ທ່ານ ນາງ ອະ​ກິ​ໂກະ ຊາ​ນາ​ດະ ຮອງ​ຫົວ­ໜ້າ​ອົງ­ການ JICA  ປະ­ຈຳ​ລາວ ມີ​ຕາງ­ໜ້າ​ຈາກ​ກະ­ຊວງ ຜູ້​ປະ­ສານ​ງານ​ໂຄງ­ການ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ໂຄງ­ການ​ດັ່ງ­ກ່າວ​ເປັນ​ໂຄງ­ການ​ໜຶ່ງ​ທີ່​ແນ­ໃສ່​ການ​ສ້າງ​ຄວາມ​ສາ­ມາດ​ຂອງ ຄກລ ໃນ​ການ​ສ້າງ​ແຜນ​ປະ­ຕິ­ບັດ​ວຽກ​ງານ​ປະ­ຈຳ​ປີ​ຢ່າງ​ມີ​ຄວາມ​ໂປ່ງ​ໃສ ເພື່ອ​ປະ­ກອບ­ສ່ວນ​ໃນ​ວຽກ​ງານ​ຫຼຸດ­ຜ່ອນ​ຄວາມ­ທຸກ​ຍາກ​ລວມ​ທັງ​ການ​ພັດ­ທະ­ນາ ແລະ ການ​ຕິດ­ຕາມ​ກວດ­ກາ​ແຜນ​ວຽກ ເພື່ອ​ຮັບ­ປະ­ກັນ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ໃຫ້​ມີ​ຄວາມ​ເປັນ​ເອ­ກະ​ພາບ​ກັນ​ໃຂ​ຂອບ​ເຂດ​ທົ່ວ​ປະ­ເທດ ເຊິ່ງ​ໂຄງ­ການ​ໄດ້​ເລີ່ມ​ຈັດ​ຕັ້ງ​ປະ­ຕິ­ບັດ​ເດືອນ​ມັງ­ກອນ 2019 ຫາ​ເດືອນ​ທັນ­ວາ 2023 ຢູ່​ນະ­ຄອນ­ຫຼວງ​ວຽງ​ຈັນ ແລະ ຫ້ອງ­ການ​ໂຄງ­ການ​ເກັບ​ກູ້​ລະ­ເບີດ​ໃນ 9 ແຂວງ​ຄື: ແຂວງ​ຫຼວງ​ພະ​ບາງ ຫົວ­ພັນ ຊຽງ​ແຂວງ ຄຳ​ມ່ວນ ສະ­ຫວັນ​ນະ​ເຂດ ສາ­ລະ​ວັນ ເຊ​ກອງ ຈຳ­ປາ​ສັກ ແລະ ແຂວງ​ອັດ​ຕະ​ປື ຈຸດ­ປະ­ສົງ​ໂຄງ­ການ​ເພື່ອ​ສືບ­ຕໍ່​ຂະ­ຫຍາຍ​ຂະ​ບວນ​ການ​ສ້າງ​ແຜນ​ຍົກ​ລະ­ດັບ​ຄວາມ​ຮູ້​ດ້ານ IT ໃຫ້​ແກ່ ຄກລ 9 ແຂວງ ແລະ  ແລກ­ປ່ຽນ​ບົດ­ຮຽນ​ລະ­ຫວ່າງ​ສູນ​ເກັບ​ກູ້​ລະ­ເບີດ ແລະ ວຽກ​ງານ​ທີ່​ກ່ຽວ­ຂ້ອງ​ອື່ນໆ​ໃຫ້​ມີ​ຜົນ­ສຳ­ເລັດ​ຫຼາຍ​ຂຶ້ນ.

ຂ່າວທີ່ກ່ຽວຂ້ອງ