ຜູ້­ນຳ​ຣັດ​ເຊຍ ຕໍ່​ກຳ­ນົດ​ການ​ຫ້າມ​ນຳ​ເຂົ້າ​ສະ­ບຽງ​ອາ­ຫານ​ຈາກ EU

823 26 ມິ.ຖ. 2019 ຂ່າວຕ່າງປະເທດ
ຜູ້­ນຳ​ຣັດ​ເຊຍ ຕໍ່​ກຳ­ນົດ​ການ​ຫ້າມ​ນຳ​ເຂົ້າ​ສະ­ບຽງ​ອາ­ຫານ​ຈາກ EU

     ວັນ​ທີ 24 ມິ​ຖຸນ​ນາ​ນີ້ ປະ­ທາ­ນາ­ທິ­ບໍ­ດີ ວາ​ລາ​ດີ​ເມຍ ປູ​ຕິນ ຜູ້­ນຳ​ຣັດ​ເຊຍ ໄດ້​ລົງ​ນາມ​ດຳ­ລັດ ກ່ຽວ​ກັບ​ການ​ຕໍ່​ກຳ­ນົດ​ຄຳ​ສັ່ງ​ຫ້າມ​ນຳ​ເຂົ້າ​ສະ­ບຽງ​ອາ­ຫານ ຈາກ​ບັນ­ດາ​ປະ­ເທດ ສະ­ມາ­ຊິກ​ສະ­ຫະ­ພາບ ເອີ​ຣົບ (EU)ໄປ​ຮອດ​ທ້າຍ​ປີ 2020.

    ການ​ດຳ­ເນີນ​ການ​ດັ່ງ­ກ່າວ ມີ​ອອກ​ມາ​ທ່າມ­ກາງ​ທີ່ EU ໄດ້​ຕົກ­ລົງ​ເມື່ອ​ວັນ​ທີ 20 ມິ­ຖຸ­ນາ​ທີ່​ຜ່ານ​ມາ ກ່ຽວ​ກັບ​ການ​ຕໍ່​ກຳ­ນົດ​ການ​ປິດ​ລ້ອມ​ຕໍ່​ຣັດ​ເຊຍ ໄປ​ຮອດ​ວັນ​ທີ 23 ມິ­ຖຸ­ນາ ປີ 2020 ຊຶ່ງ​ພົວ­ພັນ​ເຖິງ​ເລື່ອງ​ທີ່​ຣັດ​ເຊຍ ເຕົ້າໂຮມ​ເອົາ​ແຫຼມ​ໄຄຣ​ເມຍ​ຄືນ​ມາ​ເຂົ້າ​ກັບ​ດິນ­ແດນ​ຂອງ​ຕົນ.

     ກ່ອນ​ໜ້າ​ນັ້ນ ເມື່ອ​ເດືອນ​ກໍ­ລະ­ກົດ ປີ 2018 ຣັດ​ເຊຍ​ກໍ​ໄດ້​ຕໍ່​ກຳ­ນົດ​ຄຳ​ສັ່ງ​ຫ້າມ​ນຳ​ເຂົ້າ ສະ­ບຽງ​ອາ­ຫານ​ຈາກ​ຝ່າຍ​ຕາ­ເວັນ­ຕົກ ຕື່ມ​ອີກ 18 ເດືອນ ໄປ​ຮອດ​ວັນ​ທີ 31 ທັນ­ວາ ປີ 2019 ຫຼັງ​ຈາກ​ທີ່ EU ແກ່­ຍາວ​ມາດ​ຕະ­ການ​ປິດ​ລ້ອມ​ຕໍ່​ຣັດ​ເຊຍ.

ຂ່າວທີ່ກ່ຽວຂ້ອງ