ສະ­ພາ​ຄວາມ​ໝັ້ນ­ຄົງ ສປຊ ຮຽກ­ຮ້ອງ​ການ​ເຈລະ­ຈາ ແລະ​ຫຼຸດ­ຜ່ອນ​ຄວາມ​ເຄັ່ງ​ຕຶງ​ຢູ່​ໃນ​ເຂດ​ອ່າວ

789 26 ມິ.ຖ. 2019 ຂ່າວຕ່າງປະເທດ
ສະ­ພາ​ຄວາມ​ໝັ້ນ­ຄົງ ສປຊ ຮຽກ­ຮ້ອງ​ການ​ເຈລະ­ຈາ ແລະ​ຫຼຸດ­ຜ່ອນ​ຄວາມ​ເຄັ່ງ​ຕຶງ​ຢູ່​ໃນ​ເຂດ​ອ່າວ

    ເມື່ອ​ວັນ​ທີ 24 ມິ­ຖຸ­ນາ​ນີ້ ສະ­ພາ​ຄວາມ​ໝັ້ນ­ຄົງ ຂອງ​ສະ­ຫະ​ປະ­ຊາ​ຊາດ ໄດ້​ຮຽກ­ຮ້ອງ ໃຫ້​ດຳ­ເນີນ​ການ​ເຈລະ­ຈາ ແລະ​ ດຳ­ເນີນ​ມາດ​ຕະ­ການ​ຊ່ວຍ​ຢຸດ­ຕິ​ຄວາມ​ເຄັ່ງ​ຕຶງ​ຢູ່​ໃນ​ເຂດ​ອ່າວ. ຄຳ​ຮຽກ­ຮ້ອງ​ດັ່ງ­ກ່າວ​ຖືກ​ນຳ​ອອກ​ມາ ຫຼັງ​ຈາກ​ການ​ປຶກ­ສາ​ຫາ­ລື​ປິດ​ລັບ​ເປັນ​ເວ­ລາ 2 ຊົ່ວ­ໂມງ​ເຄິ່ງ ຕາມ​ການ​ສະ­ເໜີ​ຂອງ ສ ອາ​ເມ​ຣິ​ກາ ໂດຍ​ທີ່​ສະ­ພາ​ຄວາມ​ໝັ້ນ­ຄົງ ໄດ້​ເປັນ​ເອ­ກະ­ສັນ​ກັນ ກັບ​ຖະ­ແຫຼງ­ການ​ສະ­ບັບ​ໜຶ່ງ ທີ່​ບໍ່​ເວົ້າ​ຕົວ​ຈິງ​ເຖິງ​ບັນ­ຫາ​ອີ​ຣານ ແຕ່​ຢືນ­ຢັນ​ວ່າ ຝ່າຍ​ຕ່າງໆ ຄວນ​ຖອຍ​ອອກ​ຈາກ​ການ​ປະ​ເຊີນ​ໜ້າ­ດ້ານ​ການ​ທະ­ຫານ.

       ຖະ­ແຫຼງ­ການ​ດັ່ງ­ກ່າວ ຮ່າງ​ອອກ​ມາ​ໂດຍ​ກູ​ເວດ ໄດ້​ກ່າວ​ປະ­ນາມ​ການ​ໂຈມ​ຕີ ທີ່​ແນ­ໃສ່​ກຳ­ປັ່ນ ບັນ­ທຸກ​ນ້ຳ­ມັນ ທີ່​ເກີດ​ຂຶ້ນ​ເມື່ອ​ບໍ່​ດົນ​ມາ​ນີ້ ໂດຍ​ຖື​ວ່າ​ເປັນ​ໄພ​ຄຸກ​ຄາມ​ຕໍ່​ແຫຼ່ງ​ສະ­ໜອງ ພະ­ລັງ­ງານ​ຂອງ​ໂລກ ກໍ​ຄື​ສັນ­ຕິ­ພາບ ແລະ​ຄວາມ​ໝັ້ນ­ຄົງ​ຂອງ​ສາ­ກົນ.

    ຖະ­ແຫຼງ­ການ​ກໍ​ໄດ້​ຮຽກ­ຮ້ອງ​ໄປ​ຍັງ​ທຸກໆ​ຝ່າຍ​ທີ່​ກ່ຽວ­ຂ້ອງ ແລະ ​ບັນ­ດາ​ປະ­ເທດ​ໃນ​ພາກ​ພື້ນ ວ່າ​ຕ້ອງ​ມີ​ຄວາມ​ຢັບ​ຢັ້ງ​ຊັ່ງ​ໃຈ​ສູງ​ສຸດ ພ້ອມ​ທັງ​ປະ­ຕິ­ບັດ​ມາດ​ຕະ­ການ​ຕ່າງໆ ແລະ​ການ​ດຳ­ເນີນ​ການ ເພື່ອ​ຫຼຸດ­ຜ່ອນ​ຄວາມ​ເຄັ່ງ​ຕຶງ; ແລະ​ເລັ່ງ​ຊຸກ­ຍູ້​ການ​ແກ້​ໄຂ​ຄວາມ​ແຕກ​ຕ່າງ ດ້ວຍ​ມາດ​ຕະ­ການ​ສັນ­ຕິ­ພາບ ແລະ ​ໂດຍ​ຜ່ານ​ການ​ເຈລະ­ຈາ.

ຂ່າວທີ່ກ່ຽວຂ້ອງ