ປະເມີນຂະບວນການບໍລິການແບບໂປ່ງໃສ ວ່ອງໄວ ແລະ ສາມາດກວດສອບ

326 10 ກ.ລ. 2019 ຂ່າວໜ້າ​ໜຶ່ງ

    ສ່ວຍ​ສາ​ອາ­ກອນ ປະ­ຈຳ​ນະ­ຄອນ­ຫຼວງ​ວຽງ​ຈັນ (ນວ) ຈັດ​ກອງ​ປະ­ຊຸມ​ທົບ​ທວນ­ຄືນ​ການ​ເປີດ​ຂະ​ບວນ​ການ​ບໍ­ລິ­ການ​ແບບ​ໂປ່ງ​ໃສ ວ່ອງ­ໄວ ແລະ ສາ­ມາດ​ກວດ​ສອບ​ໄດ້ ຂຶ້ນ​ວັນ​ທີ 4 ກໍ­ລະ­ກົດ 2019 ຢູ່​ພະ­ແນກ­ການ​ເງິນ ນວ ໂດຍ​ເປັນ​ປະ­ທານ​ຂອງ​ທ່ານ ສີ​ລິ​ລາດ​ທົງ​ສິນ ທອງ​ເພັງ ຫົວ­ໜ້າ​ສ່ວຍ​ສາ​ອາ­ກອນ​ປະ­ຈຳ ນວ ທ່ານ ດາວ​ວອນ ພະ­ຈັນ​ທະ​ວົງ ແລະ ທ່ານ​ນາງ ວາ­ລີ ເວດ​ສະ​ພົງ ຮອງ​ປະ­ທານ​ສະ­ພາ​ການ​ຄ້າ ແລະ ອຸດ­ສາ­ຫະ­ກຳ​ແຫ່ງ​ຊາດ​ລາວ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ທ່ານ ວິ­ລະ​ພົນ ສີ​ລິ​ວົງ​ໄຊ ຫົວ­ໜ້າ​ຂະ­ແໜງ​ແຜນ­ການ ແລະ ບໍ­ລິ­ຫານ​ລາຍ​ຮັບ ກ່າວ​ວ່າ: ຕົ້ນ​ເດືອນ​ກໍ­ລະ­ກົດ 2018 ສ່ວຍ​ສາ​ອາ­ກອນ ປະ­ຈຳ ນວ ໄດ້​ເປີດ​ຂະ​ບວນ​ການ​ໃຫ້­ການ​ບໍ­ລິ­ການ​ແບບ​ໂປ່ງ​ໃສ ວ່ອງ­ໄວ ແລະ ສາ­ມາດ​ກວດ​ສອບ​ໄດ້ ປັດ­ຈຸ­ບັນ ຂະ​ບວນ​ການ​ດັ່ງ­ກ່າວ​ໄດ້​ມີ​ການ​ປັບ­ປຸງ​ຂອດ​ບໍ­ລິ­ການ​ໃນ​ຫຼາຍ​ໜ້າ​ວຽກ ເຊັ່ນ: ວຽກ​ງານ​ບໍ­ລິ­ການ​ແຈ້ງ​ເສຍ​ອາ­ກອນ ໄດ້​ນຳ​ວິ­ທີ​ການ​ແຈ້ງ​ມອບ​ອາ­ກອນ​ແບບ​ທີ່​ມີ​ການ​ປະ­ຢັດ​ເວ­ລາ ແລະ ຄ່າ​ໃຊ້​ຈ່າຍ​ໜ້ອຍ ບໍ­ລິ­ການ​ອອກ​ເລກ​ບັດ­ປະ­ຈຳ­ຕົວ​ໃຫ້​ວິ​ສາ​ຫະ​ກິດ​ເປີດ​ໃໝ່ ມີ​ບັນ­ດາ​ເອ­ກະ­ສານ​ທີ່​ຄວນ​ປະ­ກອບ 8 ລາຍ­ການ ບໍ­ລິ­ການ​ອອກ​ໃບ­ຢັ້ງ­ຢືນ​ການ​ມອບ​ພັນ­ທະ ປະ­ຈຳ​ປີ 11 ລາຍ­ການ ແລະ​ອື່ນໆ ມີ­ຄ່າ​ໃຊ້​ຈ່າຍ​ແຕ່ 60.000-110.000 ກີບ ໂດຍ​ຜ່ານ​ການ​ແນະ­ນຳ​ຂອງ​ເຈົ້າ​ໜ້າ­ທີ່​ສ່ວຍ​ສາ​ອາ­ກອນ​ທີ່​ຖືກ​ແຕ່ງ­ຕັ້ງ.

    ຜ່ານ​ການ­ຈັດ­ຕັ້ງ​ປະ­ຕິ­ບັດ​ຕົວ​ຈິງ ແມ່ນ​ມີ​ຂໍ້​ສະ­ດວກ ແລະ ຂໍ້​ຫຍຸ້ງ­ຍາກ​ຫຼາຍ​ດ້ານ ໃນ​ນີ້ ສາ­ມາດ​ບໍ­ລິ­ການ​ເອ­ກະ­ສານ​ແຈ້ງ​ມອບ 120.992 ໃບ ເປັນ​ເງິນ 814,42 ຕື້​ກີບ ມອບ​ແລ້ວ 770,82 ຕື້​ກີບ ບໍ­ລິ­ການ​ອອກ​ເລກ​ປະ­ຈຳ​ຕົວ ຫຼື ຂຶ້ນ​ທະ­ບຽນ​ໃໝ່ 597 ບໍ­ລິ­ສັດ ອອກ​ໃບ­ຢັ້ງ­ຢືນ​ການ​ມອບ​ພັນ­ທະ​ອາ­ກອນ 1.987 ບໍ­ລິ­ສັດ ກວດ­ກາ ແລະ ເກັບ​ເງິນ​ອາ­ກອນ​ເຂົ້າ​ງົບ­ປະ­ມານ 25,06 ຕື້​ກີບ ແຕ່​ເດືອນ​ມັງ­ກອນ-ມິ­ຖຸ­ນາ 2019 ສາ­ມາດ​ບໍ­ລິ­ການ​ອອກ​ເລກ​ບັດ­ປະ­ຈຳ­ຕົວ ຫຼື ຂຶ້ນ​ທະ­ບຽນ  ໃໝ່​ໄດ້ 651 ບໍ­ລິ­ສັດ ເພີ່ມ​ຂຶ້ນ 369 ບໍ­ລິ­ສັດ ທຽບ­ໃສ່​ໄລ­ຍະ​ດຽວ​ກັນ​ຂອງ​ປີ 2018 ເທົ່າ​ກັບ 230,85% ອອກ​ໃບ­ຢັ້ງ­ຢືນ​ການ​ມອບ​ພັນ­ທະ​ອາ­ກອນ 1.222 ບໍ­ລິ­ສັດ ທຽບ​ກັບ ເພີ່ມ​ຂຶ້ນ 48 ບໍ­ລິ­ສັດ ເທົ່າ​ກັບ 104,08% ກວດ­ກາ ແລະ ເກັບ​ເງິນ​ອາ­ກອນ​ເຂົ້າ​ງົບ­ປະ­ມານ 20,38 ຕື້​ກີບ ຜົນ­ງານ​ດັ່ງ­ກ່າວ​ເປັນ​ອັນ​ຢັ້ງ­ຢືນ​ດ້ານ​ຕົວ​ເລກ​ໃນ​ການ​ໃຫ້­ການ​ບໍ­ລິ­ການ ແລະ ເກັບ​ລາຍ​ຮັບ​ຈຳ­ນວນ​ໜຶ່ງ​ທີ່​ເຈົ້າ​ໜ້າ­ທີ່​ສ່ວຍ​ສາ​ອາ­ກອນ​ເຮັດ​ໜ້າ­ທີ່​ບໍ­ລິ­ການ.

ຂ່າວທີ່ກ່ຽວຂ້ອງ