ຍີ່ປຸ່ນ ໃຫ້ທຶນຊ່ວຍເຫຼືອພັດທະນາຊັບພະຍາກອນມະນຸດ

351 10 ກ.ລ. 2019 ຂ່າວໜ້າ​ໜຶ່ງ
ຍີ່ປຸ່ນ ໃຫ້ທຶນຊ່ວຍເຫຼືອພັດທະນາຊັບພະຍາກອນມະນຸດ

    ພິ­ທີ​ລົງ​ນາມ​ສັນ­ຍາ​ຮັບ​ເອົາ​ການ​ຊ່ວຍ­ເຫຼືອ​ລ້າ​ຈາກ​ລັດ­ຖະ­ບານ​ຍີ່­ປຸ່ນ ສຳ­ລັບ​ໂຄງ­ການ​ສະ­ໜອງ​ທຶນ​ການ​ສຶກ​ສາ ເພື່ອ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ (JDS) ມູນ​ຄ່າ 308 ລ້ານ​ເຢັນ ຫຼື ປະ­ມານ 24,69 ຕື້​ກີບ ຈັດ​ຂຶ້ນ​ວັນ​ທີ 8 ກໍ­ລະ­ກົດ 2019 ຢູ່​ກົມ​ຮ່ວມ​ມື​ສາ­ກົນ ກະ­ຊວງ​ແຜນ­ການ ແລະ ການ​ລົງ­ທຶນ (ຜທ) ລະ­ຫວ່າງ​ທ່ານ​ນາງ ສີ​ສົມ­ບູນ ອຸ​ນາ​ວົງ ຫົວ­ໜ້າ​ກົມ​ຮ່ວມ​ມື​ສາ­ກົນ ກະ­ຊວງ ຜທ ແລະ ທ່ານ Yoshiharu YONEYAMA ຫົວ­ໜ້າ​ອົງ­ການ​ຮ່ວມ​ມື​ສາ­ກົນ​ຍີ່­ປຸ່ນ (JICA) ປະ­ຈຳ​ລາວ ມີ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ໂຄງ­ການ​ດັ່ງ­ກ່າວ ຈະ​ເລີ່ມ​ຈັດ​ຕັ້ງ​ປະ­ຕິ­ບັດ​ແຕ່​ເດືອນ​ກໍ­ລະ­ກົດ 2019-ເດືອນ​ກັນ­ຍາ 2024 ເພື່ອ​ສະ­ໜັບ­ສະ­ໜູນ​ນັກ​ສຶກ​ສາ​ລາວ​ໄປ​ສຶກ​ສາ​ຢູ່​ປະ­ເທດ​ຍີ່­ປຸ່ນ ເຊິ່ງ​ໂຄງ­ການ​ນີ້ ຈະ​ຈັດ​ຕັ້ງ​ປະ­ຕິ­ບັດ​ພາຍ­ຫຼັງ​ທີ່​ລົງ​ນາມ​ສັນ­ຍາ​ຄັ້ງ​ນີ້​ເປັນ­ຕົ້ນ​ໄປ ໂດຍ​ອົງ­ການ JICA ແລະ ກະ­ຊວງ​ສຶກ​ສາ​ທິ​ການ ແລະ ກີ­ລາ ເປັນ​ຜູ້​ປະ­ສານ​ງານ​ຮ່ວມ​ກັນ​ໃນ​ການ​ຄັດ​ເລືອກ​ເອົາ​ນັກ​ສຶກ​ສາ​ໄປ​ສຶກ​ສາ​ຕໍ່​ຢູ່​ສະ​ຖາ​ບັນ ແລະ ມະ­ຫາ­ວິ­ທະ­ຍາ­ໄລ​ຕ່າງໆ​ຂອງ​ປະ­ເທດ​ຍີ່­ປຸ່ນ ໃນ​ລະ­ດັບ​ປະ­ລິນ­ຍາ​ໂທ ແລະ ປະ­ລິນ­ຍາ​ເອກ 20 ທຶນ​ຕໍ່​ປີ ເພື່ອ​ແນ­ໃສ່​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ໃນ​ຂະ­ແໜງ​ພາກ​ລັດ​ຂອງ​ລາວ​ໃຫ້​ມີ​ຄວາມ​ຮູ້-ຄວາມ​ສາ­ມາດ ແລະ ໄດ້​ຮັບ​ການ​ຍົກ​ລະ­ດັບ​ດ້ານ​ການ​ສຶກ​ສາ​ດີ​ຂຶ້ນ​ເທື່ອ​ລະ​ກ້າວ.

ຂ່າວທີ່ກ່ຽວຂ້ອງ