ທຸກໆ​ຖ້ຽວ​ບິນ​ທີ່​ບິນ​ຂຶ້ນ​ຈາກ​ຝຣັ່ງ ຈະ​ຕ້ອງ​ໄດ້​ເສຍ​ພາ­ສີ​ສິ່ງ­ແວ­ດລ້ອມ

202 11 ກ.ລ. 2019 ຂ່າວຕ່າງປະເທດ
ທຸກໆ​ຖ້ຽວ​ບິນ​ທີ່​ບິນ​ຂຶ້ນ​ຈາກ​ຝຣັ່ງ ຈະ​ຕ້ອງ​ໄດ້​ເສຍ​ພາ­ສີ​ສິ່ງ­ແວ­ດລ້ອມ

    ທ່ານ​ນາງ ເອ​ລີ​ຊາ​ເບດ ບອນ  ລັດ­ຖະ­ມົນ­ຕີ​ສິ່ງ­ແວ­ດລ້ອມ​ຂອງ​ຝຣັ່ງ ແຈ້ງ​ໃຫ້​ຮູ້­ເມື່ອ​ວັນ​ທີ 9 ກໍ­ລະ­ກົດ​ນີ້​ວ່າ ຝຣັ່ງ​ໄດ້​ຕົກ­ລົງ​ນຳ​ໃຊ້ “ພາ­ສີ​ສິ່ງ­ແວ­ດລ້ອມ” ກັບ​ທຸກໆ​ຖ້ຽວ​ບິນ ທີ່​ບິນ​ຂຶ້ນ​ຈາກ​ປະ­ເທດ​ຝຣັ່ງ.

     ໃນ​ນັ້ນ ລະ­ດັບ​ພາ­ສີ​ທີ່ 1,5 ເອີ​ໂຣ ສຳ­ລັບ​ແຕ່​ລະ​ປີ້​ເຮືອ­ບິນ​ປະ­ເພດ​ທຳ​ມະ​ດາ ຢູ່​ໃນ​ຖ້ຽວ​ບິນ​ພາຍ​ໃນ​ປະ­ເທດ ແລະ ບັນ­ດາ​ຖ້ຽວ​ບິນ​ຢູ່​ໃນ​ເຂດ​ເອີ​ຣົບ; ແລະ ທີ່​ລະ­ດັບ 18 ເອີ​ໂຣ ສຳ­ລັບ​ແຕ່​ລະ​ປີ້​ເຮືອ­ບິນ​ລະ­ດັບ​ນັກ​ການ​ຄ້າ ທີ່​ໄປ​ກັບ​ຖ້ຽວ​ບິນ​ອອກ​ນອກ​ເຂດ​ເອີ​ຣົບ.

     ຄາດ​ວ່າ ພາ­ສີ​ປະ­ເພດ​ໃໝ່​ດັ່ງ­ກ່າວ ຈະ​ໄດ້​ຮັບ​ການ​ປະ­ຕິ­ບັດ ນັບ​ແຕ່​ປີ 2020 ເປັນ­ຕົ້ນ​ໄປ ແລະ ຈະ​ໄດ້​ປະ­ກອບ­ສ່ວນ​ເຂົ້າ​ໃນ​ງົບ­ປະ­ມານ​ແຫ່ງ​ຊາດ​ຝຣັ່ງ ປະ­ມານ 180 ລ້ານ​ເອີ​ໂຣ/ປີ.

ຂ່າວທີ່ກ່ຽວຂ້ອງ