ຂ່າວຫຼ້າສຸດ

ເຫດ­ການ​ຮຸນ​ແຮງ​ຢູ່​ໃນ​ອາ​ຟະ​ກາ​ນິດ​ສະ­ຖານ

133 11 ກ.ລ. 2019 ຂ່າວຕ່າງປະເທດ
ເຫດ­ການ​ຮຸນ​ແຮງ​ຢູ່​ໃນ​ອາ​ຟະ​ກາ​ນິດ​ສະ­ຖານ

    ເຈົ້າ​ໜ້າ­ທີ່​ອາ​ຟະ​ກາ​ນິດ​ສະ­ຖານ ແຈ້ງ​ໃຫ້​ຮູ້­ເມື່ອ​ວັນ​ທີ 9 ກໍ­ລະ­ກົດ​ນີ້​ວ່າ ກຸ່ມ​ມື​ປືນ​ຕາ​ລີ​ບັນ ໄດ້​ໂຈມ​ຕີ​ດ່ານ​ກວດ­ກາ​ຄວາມ​ສະ­ຫງົບ​ຫຼາຍ​ແຫ່ງ ຢູ່​ໃນ​ພື້ນ​ທີ່​ແຂວງ ຊາ​ບູນ (ພາກ​ໃຕ້​ອາ​ຟະ​ກາ​ນິດ​ສະ­ຖານ) ສົ່ງ​ຜົນ​ໃຫ້​ເຈົ້າ​ໜ້າ­ທີ່​ຕຳ­ຫຼວດ ເສຍ​ຊີ­ວິດ 13 ຄົນ ແລະ ບາດ­ເຈັບ​ອີກ 7 ຄົນ.

    ເຈົ້າ​ໜ້າ­ທີ່​ໃນ​ແຂວງ ຊາ​ບູນ ເວົ້າ​ວ່າ ພວກ​ມື​ປືນ​ຕາ​ລີ​ບັນ ໄດ້​ດຳ­ເນີນ​ການ​ໂຈມ​ຕີ​ເປັນ​ການ​ສົມ­ທົບ ໃສ່​ບັນ­ດາ​ດ່ານ​ກວດ­ກາ​ຂອງ​ຕຳ­ຫຼວດ ຢູ່​ໃນ​ເມືອງ​ຊາ​ຈອຍ ຂອງ​ແຂວງ ຊາ​ບູນ ເມື່ອ​ຄ່ຳ​ຄືນ​ຂອງ​ວັນ​ທີ 8 ກໍ­ລະ­ກົດ.

ໃນ​ຂະ­ນະ​ດຽວ​ກັນ ຝ່າຍ​ມື​ປືນ​ຕາ​ລີ​ບັນ ກໍ​ຢັ້ງ­ຢືນ​ເຖິງ​ການ​ດຳ­ເນີນ​ການ​ໂຈມ​ຕີ​ດັ່ງ­ກ່າວ ພ້ອມ​ທັງ​ຖະ­ແຫຼງ​ວ່າ ໄດ້​ເຂົ້າ​ຄວບ​ຄຸມ​ດ່ານ​ກວດ­ກາ 6 ແຫ່ງ ຢູ່​ໃນ​ເມືອງ​ດັ່ງ­ກ່າວ.

ຂ່າວທີ່ກ່ຽວຂ້ອງ