ຂ່າວຫຼ້າສຸດ

ສິງ­ກະ­ໂປ ເພີ່ມ​ການ​ລົງ­ໂທດ​ຕໍ່​ຄົນ​ຂັບ​ລົດ​ທີ່​ລະ­ເມີດ​ກົດ­ໝາຍ​ວ່າ​ດ້ວຍ​ການ​ຄົມ­ມະ­ນາ­ຄົມ

140 11 ກ.ລ. 2019 ຂ່າວຕ່າງປະເທດ
ສິງ­ກະ­ໂປ ເພີ່ມ​ການ​ລົງ­ໂທດ​ຕໍ່​ຄົນ​ຂັບ​ລົດ​ທີ່​ລະ­ເມີດ​ກົດ­ໝາຍ​ວ່າ​ດ້ວຍ​ການ​ຄົມ­ມະ­ນາ­ຄົມ

    ເນື້ອ​ໃນ ຢູ່​ໃນ​ກົດ­ໝາຍ​ວ່າ​ດ້ວຍ​ການ​ຄົມ­ມະ­ນາ­ຄົມ​ສະ­ບັບ​ດັດ­ແກ້ ຊຶ່ງ​ສະ­ພາ​ແຫ່ງ​ຊາດ​ສິງ­ກະ­ໂປ ຮັບ­ຮອງ​ຢູ່​ໃນ​ສະ­ໄໝ​ປະ­ຊຸມ​ສາ­ມັນ ທີ່​ໄດ້​ໄຂ​ຂຶ້ນ​ເມື່ອ​ວັນ​ທີ 8 ກໍ­ລະ­ກົດ​ນີ້ ລະ­ບຸ​ວ່າ ຜູ້​ທີ່​ບັນ­ຊາ​ຍານ­ພາ­ຫະ­ນະ​ຄົມ­ມະ­ນາ­ຄົມ ທີ່​ຖືກ​ໃສ່​ໂທດ​ລະ­ເມີດ ດ້ວຍ​ຄວາມ​ຜິດ​ທີ່​ຂັບ​ລົດ​ຂາດ​ສະ­ຕິ ຈະ​ຖືກ​ລົງ­ໂທດ​ຈຳ​ຄຸກ​ດົນ​ກວ່າ ແລະ ເສຍ​ຄ່າ​ປັບ​ໃໝ​ໜັກ​ກວ່າ ເມື່ອ​ທຽບ­ໃສ່​ຂໍ້​ກຳ­ນົດ​ທີ່​ໃຊ້​ຢູ່​ໃນ​ປັດ­ຈຸ­ບັນ.

    ບັນ­ດາ​ຂໍ້­ຄວາມ​ທີ່​ໄດ້​ຮັບ​ການ​ດັດ­ແກ້​ນັ້ນ ໃຫ້​ຮູ້​ວ່າ ຜູ້​ທີ່​ບັນ­ຊາ​ຍານ​ພະ​ຫະ​ນະ​ການ​ຄົມ­ມະ­ນາ­ຄົມ ມີ​ຄວາມ​ຜິດ ເຮັດ​ໃຫ້​ເກີດ​ມີ​ຜູ້​ເສຍ​ຊີ­ວິດ​ເປັນ​ເທື່ອ​ທຳ​ອິດ ຈະ​ປະ​ເຊີນ​ກັບ​ການ​ຖືກ​ຈຳ​ຄຸກ​ເປັນ​ເວ­ລາ 8 ປີ ທີ່​ນັບ​ວ່າ​ຫຼາຍ​ກວ່າ 3 ປີ ເມື່ອ​ທຽບ­ໃສ່​ກົດ­ໝາຍ​ສະ­ບັບ​ທີ່​ໃຊ້​ຢູ່​ໃນ​ປັນ​ຈຸ​ບັນ ພ້ອມ​ທັງ​ຖືກ​ຢຶດ​ໃບ​ຂັບ​ຂີ່ ເປັນ​ເວ­ລາ 10 ປີ.

    ສຳ­ລັບ​ຜູ້​ທີ່​ກັບ​ມາ​ມີ​ຄວາມ​ຜິດ​ອີກ ແມ່ນ​ຈະ​ຖືກ​ຈຳ​ຄຸກ​ສູງ​ສຸດ​ເປັນ​ເວ­ລາ 15 ປີ ແທນ​ທີ່​ຈະ​ແມ່ນ 5 ປີ ດັ່ງ​ໃນ​ປັດ­ຈຸ­ບັນ. ເວ­ລາ​ໃນ​ການ​ຖືກ​ຈຳ​ຄຸກ ຈະ​ຂຶ້ນ​ກັບ​ລະ­ດັບ​ຄວາມ​ຮ້າຍ​ແຮງ​ຄວາມ​ຜິດ​ຂອງ​ການ​ລະ­ເມີດ.

ຂ່າວທີ່ກ່ຽວຂ້ອງ