ຈັນທະບູລີ ປ່ອຍປາສູ່ທຳມະຊາດ 15.000 ໂຕ

149 12 ກ.ລ. 2019 ຂ່າວໜ້າ​ໜຶ່ງ
ຈັນທະບູລີ ປ່ອຍປາສູ່ທຳມະຊາດ 15.000 ໂຕ

    ເພື່ອ​ເປັນ​ການ​ປູກ​ຈິດ​ສຳ­ນຶກ ສະ­ຕິ​ຮັກ​ທຳ​ມະ​ຊາດ ໃຫ້​ຮຸ່ນ​ລູກ-ຮຸ່ນ​ຫຼານ​ສືບ­ຕໍ່​ໄປ ທັງ​ເຮັດ​ໃຫ້​ທຳ​ມະ​ຊາດ​ນັບ​ມື້​ມີ​ຄວາມ​ສົມ­ບູນ​ຂຶ້ນ ວັນ​ທີ 11 ກໍ­ລະ­ກົດ 2019 ຫ້ອງ­ການ​ກະ­ສິ­ກຳ ແລະ ປ່າ­ໄມ້ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ (ນວ) ໄດ້​ຈັດ​ພິ­ທີ​ປ່ອຍ​ປາ​ລົງ​ສູ່​ທຳ​ມະ​ຊາດ ໃນ​ໂອ­ກາດ​ວັນ​ປ່ອຍ​ປາ​ແຫ່ງ​ຊາດ (13 ກໍ­ລະ­ກົດ) ຂຶ້ນ​ວັນ​ທີ 11 ກໍ­ລະ­ກົດ 2019 ຢູ່​ບ້ານ​ບໍ່​ນາ​ງົວ ໂດຍ​ມີ​ທ່ານ​ນາງ​ບົວ​ລອນ ວົງ​ດາ­ລາ​ແສນ ເຈົ້າ­ເມືອງ​ຈັນ­ທະ​ບູ​ລີ ພ້ອມ​ດ້ວຍ​ຄະ­ນະ​ນຳ​ເມືອງ ຫ້ອງ­ການ​ອ້ອມ​ຂ້າງ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ທອງ​ຄູນ ທຳ​ມະ​ວົງ­ສາ ຫົວ­ໜ້າ​ຫ້ອງ­ການ​ກະ­ສິ­ກຳ ແລະ ປ່າ­ໄມ້ ເມືອງ​ຈັນ­ທະ​ບູ​ລີ ກ່າວ​ວ່າ: ນັບ​ແຕ່​ປີ 2000-2018 ໄດ້​ປ່ອຍ​ປາ​ລົງ​ສູ່​ທຳ​ມະ​ຊາດ 270.000 ໂຕ ໃນ​ນີ້ ມີ​ປາ​ນິນ 144.000 ໂຕ ປາ­ປາກ 63.000 ໂຕ ປາ­ໄນ 63.000 ໂຕ ສະ­ເພາະ​ປີ 2019 ປ່ອຍ​ປາ​ນິນ 15.000 ໂຕ ເພື່ອ​ແນ­ໃສ່​ຈັດ​ຕັ້ງ​ຜັນ​ຂະ­ຫຍາຍ​ກົດ­ໝາຍ​ວ່າ​ດ້ວຍ​ການ​ປະ­ມົງ ແລະ ກົດ­ໝາຍ​ວ່າ​ດ້ວຍ​ປ່າ­ໄມ້ ວັນ​ອະ­ນຸ​ຮັກ​ສັດ​ນ້ຳ-ສັດ­ປ່າ ປ່ອຍ​ສັດ​ນ້ຳ​ຄືນ​ສູ່​ທຳ​ມະ​ຊາດ​ເປັນ​ຂອງ​ປວງ​ຊົນ​ລາວ​ຢ່າງ​ແທ້​ຈິງ ເຮັດ​ໃຫ້​ທຸກ​ຄົນ​ເຂົ້າ­ໃຈ ແລະ ມີ​ສ່ວນ​ຮ່ວມ​ຢ່າງ​ກວ້າງ­ຂວາງ ເຊິ່ງ​ປີ​ນີ້​ເປັນ​ປີ​ທີ 19 ທີ່​ເມືອງ​ຈັນ­ທະ​ບູ​ລີ​ຈັດ​ຂຶ້ນ ໂດຍ​ມອບ​ໃຫ້​ບັນ­ດາ​ບ້ານ​ເປັນ​ເຈົ້າ­ພາບ ແລະ ປີ​ຕໍ່​ໄປ​ກໍ​ຈະ​ໝູ­ນວຽນ​ໃຫ້​ບ້ານ​ທີ່​ມີ​ເງື່ອນ­ໄຂ (ບ່ອນ​ທີ່​ມີ​ໜອງ​ນ້ຳ​ທຳ​ມະ​ຊາດ) ເຮັດ​ໃຫ້​ເປັນ​ປະ­ເພ­ນີ​ປະ­ຈຳ­ເມືອງ ໃນ​ການ​ປ່ອຍ​ສັດ​ນ້ຳ​ສູ່​ທຳ​ມະ​ຊາດ.

ຂ່າວທີ່ກ່ຽວຂ້ອງ